لوبی
هندوستان د ۲۰ اوریز کرکټ نړیوال جام په دوهیم پړاو کې افغانستان ته د ۴۷ منډو پر توپیر ماتې ورکړه
د هند د ورکړ شوي هدف په ځواب کې افغانستان خپل ټول لوبغاړي له لاسه ورکړل او په ۲۰ اورونو کې یې ۱۳۴ منډې جوړې کړې او هدف ته په رسیدو کې پاتې راغلل.
![](https://www.ariananews.af/wp-content/uploads/2024/06/AFG-IND.jpg)
د هند د کرکټ ملي لوبډلې د ۲۰ اوریز کرکټ نړیوال جام د ۸ غوره لوبډلو په پړاو کې افغانستان ته د ۴۷ منډو پر توپیر ماتې ورکړه.
هندوستان د ۸ لوبغاړو پر سوځیدو ۱۸۱ منډې جوړې کړې او د لوبې غوره لوبغاړي سوریا کمار یاداو پر ۲۸ توپونو ۵۳ منډې وکړې.
هارډیک پانډیا پر ۲۴ توپونو ۳۲ او ویرات کوهلي پر ۲۴ توپونو ۲۴ منډې وکړې.
د افغانستان له لوري د توپاچونې په برخه کې فضل الحق فاروقي او راشد خان درې درې لوبغاړي وسوځول او نوین الحق یوه ویکټه واخیسته.
د هند د ورکړ شوي هدف په ځواب کې افغانستان خپل ټول لوبغاړي له لاسه ورکړل او په ۲۰ اورونو کې یې ۱۳۴ منډې جوړې کړې او هدف ته په رسیدو کې پاتې راغلل.
د هند تیز توپاچوونکي جسپریت بومرا په څلورو اورونو کې درې ویکټې واخیستې او یوازې اووه منډې یې وکړې.
ارشد سنګهـ هم درې ویکټې واخیستې او ۳۶ منډې یې وکړې. کلډیپ یاداو دوه ویکټې واخیستې.
د هند لوبډلمشر روهیت شرما ویلي: مونږ ښه تنظیم وکړ او ۱۸۰ منډې مو وکړې، چې د توپوهونکیو لهخوا خورا ښه هڅه وه. مونږ ښه توپوهونکي درلودل، چې ښه دفاع یې ترې وکړه.
دا په شل اوریز نړیوال جام کې د افغانستان دوهیمه پرله پسې ماتې ده.
افغانستان په ګروپي پړاو کې د ویسټ انډیز پر وړاندې هم ماتې خوړلې ده.
افغانستان په ګروپي پړاو کې درې بریاوې ترلاسه کړي – یوګانډا، نیوزیلینډ او پاپوا نیوګیني ته یې ماتې ورکړي دي.
هند تر اوسه په شل اوریزو نړیوال جام کې کومه ماتې نده خوړلې.
د افغانستان راتلونکې لوبه به د یکشنبې پر ورځ د افغانستان پر وخت د سهار پر ۵ بجو له اسټرالیا سره وي.
اړوند خبرونه:
ویسټ انډیز افغانستان ته ماتې ورکړه
د افغانستان کرکټ ملي لوبډلې پاپوا نیوګیني ته ماتې ورکړه
لوبی
هند او سویلي افریقا د کرکټ ۲۰ اوریز نړیوال جام پایلوبې ته لار پیدا کړه
د ۲۰ اوریزه نړیوال جام د دې پړاو وروستۍ لوبه به د شنبې پر ورځ ( د چنګاښ نهمه / د جون نههویشتمه) د بارباډوس په برج ټاون کرکټ لوبغالي کې ترسره شي.
![](https://www.ariananews.af/wp-content/uploads/2024/06/India.jpeg)
د هند کرکټ ملي لوبډلې د پنجشنبې پر شپه انګلستان ته پر ماتې ورکولو د ۲۰ اوریز نړیوال جام پایلوبې ته لاره پیدا کړه.
په دې لوبه کې هند انګلستان ته د ۶۸ منډو پر ماتې ورکړه.
له دې مخکې سویلي افریقا لوبډله بریالۍ شوه، چې د افغانستان لوبډلې ته د ۹ ویکټو پر توپیر ماتې ورکړي او د ۲۰ اوریز نړیوال جام په پایلوبه کې یې د لوبېدو خنډ شوه.
د ۲۰ اوریزه نړیوال جام د دې پړاو وروستۍ لوبه به د شنبې پر ورځ ( د چنګاښ نهمه / د جون نههویشتمه) د بارباډوس په برج ټاون کرکټ لوبغالي کې ترسره شي.
د ټینګار وړ ده، چې د کرکټ په تاریخ کې د لومړي ځل لپاره افغانستان د ۲۰ اوریز نړیوال جام نیمه پایلوبې ته لار پیدا کړه.
ټاکل شوې، چې د هند او سویلي افریقا کرکټ ملي لوبډلې د ۲۰ اوریز نړیوال جام په وروستۍ لوبه کې د شنبې پر ورځ ( د چنګاښ نهمه / د جون نههویشتمه) د ماښام پر ۷ بجو له یو بل سره مخ شي.
په ټول افغانستان کې د کرکټ مینهوال کولی شي، چې د ۲۰ اوریز نړیوال جام پایلوبې چمتووالی د شنبې پر ورځ (د چنګاښ نهمه) د مازیګر ۵:۳۰ بجې له آریانا ټلویزیون څخه پر ژوندۍ بڼه وګوري.
لوبی
له سویلي افریقا سره په نیمه پایلوبه کې ماته مو د کار پیل دی – راشدخان
هندي مینهوال ویلي: افغانستان د کرکټ یو مخ پر ودې ځواک دی، دا تاسې ته د زدهکړې یوه تجربه ده، خپله انګیزه لوړه وساتئ، تاسې به ډېر ژر د نړۍ اتلان شئ، لږ تر لږه د نورو ډېرو لوبډلو پر پرتله.
![](https://www.ariananews.af/wp-content/uploads/2024/06/Rashid-Khann.jpg)
د افغانستان کرکټ ملي لوبډلې لوبډلمشر راشد خان د پنجشنبې پر ورځ (د چنګاښ اوومه) د سویلي افریقا پر وړاندې د ۲۰ اوریز نړیوال جام په نیمه پایلوبه کې له ماتې وروسته ویلي، چې دا د لوبډلې لپاره یوه ستونزمنه سیالي وه او لوبډلې د توپوهنې په برخه کې تېروتنې وکړې.
راشد خان په خپلو خبرو کې ویلي: دا زمونږ لپاره یوه ستونزمنه سیالي وه. کېدی شي له دې مو لږ څه ښه لوبه کړې وه؛ خو شرایطو اجازه رانکړه، چې څه موغوښتل هغه ترسره کړو. تاسې باید د هر حالت لپاره ذهني چمتووالی ولرئ؛ خو د هغو (سویلي افریقا) د لوبې بڼه ځانګړې وه. مونږ یوازې ښه توپونهواهه.
په هرصورت، هغه خپل چټک توپاچوونکي وستایل او څرکندوي؛ دوی په رښتیا هم ځان پژژندلی دی.
راشد خان ويلي: د سیالیو پر مهال هغو ( توپاچوونکيو) له مونږ ساتنه وکړه او دا مو د بريا لامل و. د نوين او فضل لوبې د يوه واحد په توګه زمونږ کار نور هم اسانه کړ.
راشد زیاته کړې، په کلي توګه مونږ په تر فشار لاندې شرایطو کې د مدیریت له بڼې څخه راضي یوو. دا ډېره خوندوره وه.
د راشد خان د څرګندونو له مخې: د سترو لوبډلو ماتول مونږ ته ډېر ځانګړی او د کار پیل دی. مونږ اوس په دې باور یوو، چې کولی شو هرې لوبډلې ته ماته ورکړو.
هغه زیاته کړې: مونږ ډېر څه زدهکړل او راتلونکی ته به مو دا باور له دې هم ډېر ښه وي.
داسې ښکارېده، چې د افغانستان کرکټ ملي لوبډله به د سیالیو په بهیر کې هیڅ راز تېروتنه ونکړي؛ خو پخپله نیمه پایلوبه کې یې سیالي سویلي افریقا ته وبایلله.
دا یوې داسې لوبډلې ته، چې له دې مخکې نیمه پایلوبې ته نه وه رسېدلي؛ یو زړهراکښړنې سیالي وه.
د پنجشنبې پر ورځ د افغانستان لوبډلې د پچې له ګټلو وروسته د توپوهنې پرېکړه وکړه، چې ورسره سم د سویلي افریقا لهخوا له ننګونې سره مخ او د ۵۶ منډو هدف یې ورته وټاکه.
د سویلي افریقا لوبډله وتوانېده، چې ټاکلی هدف په نهه اوورونو کې پوره او د لومړي ځل لپاره د نړیوال جام په وروستي پړاو کې د لوبې لپاره ځان ډاډه کړي.
د سویلي افریقا لوبډلمشر آیډن مارکرم له لوبې وروسته په مرکه کې وویل: دا ښه احساس دی. په رښتیا هم دا لوبډلمشر ندی، چې تاسې تر دې ځایه رارسوي – دا پراخه ګډه هڅه ده.
هغه زیاته کړې، زه رښتیا هم خوښ یم، چې د کپ د پورته کولو یوه هڅه ولرم.
هغه وایي: دا ځانګړې وه. مونږ نېکمرغه شو، چې د لوبې پچه مو له لاسه ورکړه. مونږ هم غوښتل، چې توپاچونه وکړو.
د نوموړي د څرګندونو له مخې، توپاچوونکیو توپ په سمو ځايونو کې وویشت او لوبه يې افغان توپوهونکیو ته ستونزمنه کړه.
هغه وایي، چې دا ډېره ستونزمنه وه؛ خو مونږ دا ګډه موضوع درک کړې وه، چې مخکې له مخکې مو په افغان لوبغاړو کې له منځه یوړه.
مارکرم وویل: اوس یوازې یو ګام تر وروستي پړاوه پاتې دی. دا یوه زړهراکښونکې ننګونه ده، چې ډېر وخت ترې بې برخې وو.
هغه زیاته کړې: په دې اړه ډېر نطرونه شته؛ خو مونږ د تېرو څو کلونو په بهیر کې د کرکټ ښې لوبې وکړې.
د افغانستان کرکټ بورډ له لوبې وروسته راشد خان ته د زړه له تله پیغام استولی او په ټولنیزو رسنیو کې یې لیکلي، چې سر لوړ وساتئ! تاسې دا پېښه نړۍ ته ډالۍ کړه!
ESPNcricinfo هم په ایکس کې یو هڅوونکی پیغام ولیکه؛ نن د پایلې له په پام کې نیولو پرته دا د افغانستان لپاره د ۲۰ اوریز نړیوال جام تاریخي کمپاین دی.
د کرکټ ځینې مینهوالو د کرکټ نړیوالې شورا مهالوېش تر پوښتنې لاندې راوست او څرګندوي، چې د بنګله دېش پر وړاندې د اته غوره لوبډلو له لوبې څخه یوازې ۴۸ ساعته وروسته د افغانستان لپاره خورا ستونزمنه وه، چې په اړینه نیمه پایلوبه کې لوبه وکړي.
سربېره پردې له سنټ وینسنټ څخه د الوتنې څلور ساعته ځنډ پدې معنا و، چې لوبډله له لوبې څخه لږ مخکې ټرینیډاډ ته ورسیده او د روزنې یا دمې لپاره یې هیڅ وخت پاتې نشو.
دغه راز په کور دننه او بهر خلکو په ټولنیزو رسنیو کې افغانستان ته د ۲۰ اوریزو لوبو پر مهال د ډاډمنو هڅو د ترسره کولو مبارکۍ وړاندې کړې.
د هند راجات اګاروالا ویلي: د راشد ماتې ته غېږ ورکړئ او په هغه څه وویاړئ، چې ترلاسه کړي مودي. د افغان لوبډلې تر ټولو ښې هڅې مو مبارک شه!
BeingBhaijaan لیکلي، اتلانو خپل سرونه هسک وساتئ؛ مونږ پر تاسو ویاړو. له ستاسو ټولو څخه مننه، چې هڅې مو زمونږ د ملت د خوښۍ لپاره ترسره کوئ. ته حیرانونکی یاست.
یو بل هندي مینهوال ویلي: افغانستان د کرکټ یو مخ پر ودې ځواک دی، دا تاسې ته د زدهکړې یوه تجربه ده، خپله انګیزه لوړه وساتئ، تاسې به ډېر ژر د نړۍ اتلان شئ، لږ تر لږه د نورو ډېرو لوبډلو پر پرتله.
په ډیلي کې میشت خبریال هاریش کومار په تېرو څو اوونیو کې د افغانستان د بریاوو لنډیز وړاندې کړاو په ایکس کې لیکي: دې مقام ته رسېدل د پام وړ لاسته راوړنه ده، چې نه یوازې د استثنایی لوبې ښکارندوي کوي، بلکې له مثالي چلند سره نړیوال لیدونکي هم راجذبوي. پرته د لوبې له پایلې تاسې ته د حتمي ګټونکي په توګه کتل کیږي.
اړوند خبرونه:
د افغانستان لوبډلې سویلي افریقا ته خپله لومړۍ نیمه پایلوبه وبایلله
د افغانستان کرکټ ملي لوبډلې د نیوزیلینډ پر وړاندې تاریخي بریا خپله کړه
لوبی
د افغانستان لوبډلې سویلي افریقا ته خپله لومړۍ نیمه پایلوبه وبایلله
افغان لوبډلې په ۱۱.۵ اورونو کې خپل ټول لوبغاړي له لاسه ورکړل او ۵۶ منډې یې جوړې کړې.
![](https://www.ariananews.af/wp-content/uploads/2024/06/Rashid-capitan-torrot.jpg)
د سویلي افریقا کرکټ ملي لوبډلې د ۲۰ اوریزه نړیوال جام په لومړۍ نیمه پایلوبه کې د افغانستان کرکټ ملي لوبډلې ته د ۹ ویکټو پر توپیر ماتې ورکړه او وروستي پړاو ته یې لار پیدا کړه.
دا لومړی ځل دی، چې د سویلي افریقا لوبډله د دغو نړیوالو سیالیو وروستي پړاو ته لار مومي.
دا لوبه نن سهار (پنجشنبه د چنګاښ اتمه) د افغانستان پر وخت پېنځه بجې پیل شوه او افغان لوبډلې له پچې ګټلو وروسته د توپوهنې پرېکړه وکړه.
افغان لوبډلې په ۱۱.۵ اورونو کې خپل ټول لوبغاړي له لاسه ورکړل او ۵۶ منډې یې جوړې کړې.
د افغانستان لوبډلې په لوبغاړو کې یوازې عظمت الله عمرزي وکولی شول، چې ۱۰ منډې جوړې کړي؛ د دې سیالۍ نورو توپوهونکي له ۱۰ څخه پر کمو منډو له میدان وویستل شول.
له دې لوبې سره په نړیوالو سیالیو کې د افغانستان د کرکټ ملي لوبډلې سفر هم پای ته ورسېد.
ټاکل شوې، چې د هند او انګلستان لوبډلې به نن په دوهیمه نیمه پایلوبه کې د کابل پر وخت ماښام ۷ بجې سره مخ شي.
د دې سیالیو ګټونکې لوبډله به د چنګاښ پر نهمه / د جون پر نههویشتمه په پای لوبه کې د سویلي افریقا له کرکټ ملي لوبډلې سره سیالي وکړي.
دا سیالۍ په افغانستان کې د آریانا نړیوال ټلویزیون له لارې پر ژوندۍ او قانوني بڼه خپریږي.
اړوند خبرونه:
افغانستان بنګله دېش ته پر ماتې ورکولو نیمه پایلوبې ته لار پیدا کړه
-
لوبی4 days ago
د ۲۰ اوریز نړیوال جام د نیمه پایلوبې مهالوېش تائید شو
-
لوبی4 days ago
افغانستان بنګله دېش ته پر ماتې ورکولو نیمه پایلوبې ته لار پیدا کړه
-
تازه خبرونه4 days ago
افغانستان د نړۍ یو له هغو اووه هېوادونو څخه دی، چې په کابینه کې میرمن نلري- م.م
-
تازه خبرونه3 days ago
د دوحې درېیمه غونډه به د م.م د مرستیالې پر مشرۍ جوړه شي
-
لوبی1 day ago
هند او سویلي افریقا د کرکټ ۲۰ اوریز نړیوال جام پایلوبې ته لار پیدا کړه
-
لوبی2 days ago
له سویلي افریقا سره په نیمه پایلوبه کې ماته مو د کار پیل دی – راشدخان
-
سوداگري5 days ago
د جنوبي افریقا او روسیې یوشمېر پانګوالو په کانونو کې د پانګونې غوښتنه وکړه
-
سوداگري5 days ago
د اسلامي امارت رهبر د صنعتي پارکونو قانون توشیح کړ