Connect with us

تازه خبرونه

نړیوال بانک افغانستان ته د ۲۰۰ میلیون ډالرو مرسته وځنډوله

خپور شوی

د

(Last Updated On: ليندۍ ۱۲, ۱۳۹۹)

نړیوال بانک په ډاګه کړې، چې افغانستان ته یې د ۲۰۰ میلیون ډالرو مرسته ځنډولې ده.

په افغانستان کې د نړیوال بانک مشر هنري کرالي ولسمشر اشرف غني ته په یو لیک کې څرګنده کړې، چې د ۱۸۰ میلیون ډالرو مرستو د ځنډېدو لامل له مرکزي بانک څخه د عمومي اقتصاد په اړه د احصائیو او معلوماتو نشتوالی دی.

د نړیوال بانک مشر په دې لیک کې له مرکزي بانک څخه د څو لیکل شویو غوښتنو د بې ځوابه پاتې کیدو په اړه د ولسمشرۍ مداخلې هم غوښتې ده.

په لیک کې راغلي؛ د عامه – خصوصي ګډون قانون په وروستيو تعدیلاتو کې د ۲۰ میلیون دالرو د ځنډولوعلت دا دی، چې د دې تعدیلاتو له مخې؛ د عامه او خصوصي پروژو ګډ مدیریت له مالیې وزارت څخه اخیستل شوی او د ولسمشرۍ دفتر ته سپارل شوی دی.

نړیوال بانک سږکال له افغانستان سره د ټولټال ۶۰۰ میلیون ډالرو ژمنه کړې، چې ۴۰۰ میلیون ډالر یې حکومت ته ورکړشوي دي.

د افغانستان بانک پخواني مرستیال ویلي؛ د نړیوال بانک او د پيسو نړیوال صندوق ته به دوی هرمیاشت او په هره ربعه کې  راپور ورکاوه، چې بانک اوس دا ظرفیت له لاسه ورکړی.

د افغانستان بانک پخوانی مرستیال قسیم رحیمي وایي: د بانک له رهبرۍ نیولې بیا تر ټولو مسوولینو دا مسوولیت لري، چې باید د افغانستان له مالي شریکانو سره خپل معلومات او ګزارشونه شریک کړي؛ خو په د افغانستان بانک کې اوس دا وړتیا نشته. که دا وضیعت دوام وکړي شوني ده، چې نورې مرستې هم راکمې شي.

د خصوصي سکتور غړي د نړیوال بانک د مرستو پر ځنډولو اندېښنه څرګندوي او زیاتوي، چې ولسمشرباید د دا سې خپلسرو اشخاصو مخه ونیسي. که نه دا به د هېواد اقتصاد ته نورې ستونزې هم جوړې کړي.

د سوداګرۍ او پانګونې خونې د عامه اړیکو مسوول امین بابک ویلي؛ افغانستان بانک باید د هېواد اقتصادي ستونزې په نظر کې ونیسي. مونږ اوس نورو ډېرو همکاریو ته اړتیا لرو؛ خو د دوی د نه پاملرنې له کبله ستونزې نورې هم پراخې شوي او مونږ يې اندېښمن کړي یو.

نړیوال بانک داسې مهال دغه پرېکړه کوي، چې ولسمشر غني ته نږدې کس او د افغانستان بانک چارسمبالی اجمل احمدي په دې اړه رسنیو ته څرګندونو ډده کړې ده.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!