تازه خبرونه
نړیوالې روڼتیا د افغانستان روڼتیا د اړیکې د ډلې په توګه ومنله
د افغانستان روڼتیا څار بنسټ له دې پرمختګه هرکلی کړی او وایي؛ په افغانستان کې له فساد سره مبارزه ډېرو همکاریو ته اړتیا لري.
افغانستان اوس هم د فاسدو هېوادونو په کتار کې دی. له همدې کبله د فساد پر ضد مبارزه پوره نه یادیږي. د نړیوال روڼتیا څار بنسټ د افغانستان روڼتیا څار د اړیکو بنسټ په توګه پر رسمیت پېژاند. دا په څه باندې ۱۲۰ هېوادونو کې له بېلابېلو بنسټونو سره همکاري لري.
د نړیوالې روڼتیا د روڼتیا څانګې مشر الي جاندرو سلاس څرګنده کړې؛ نړیواله روڼتیا د افغانستان روڼتیا څار بنسټ د اړیکې ډلې په توګه پر رسمیت پېژني او که دا بنسټ وکړای شي زمونږ مقررات بشپړ کړي؛ پر رسمي او بشپړ استازي به مو بدل شي.
د افغانستان روڼتیا څار د مدیره پلاوي مشره جوي سندرز ویلي؛ نړیوال روڼتیا بنسټ په نړۍ کې له ډېر باور برخمن دی او ډېرې سرچینې لري، چې د افغانستان له فساد سره د مبارزې بنسټ به ترې ګټه واخلي.
د افغانستان روڼتیا څار بنسټ ویلي؛ ماموریت یې په تدارکاتو او خصوصي سکتور کې پر روڼتیا ور ټول دی.
د افغانستان روڼتیا څار چارسمبالی سلیمان اسد الله وایي: د افغانستان روڼتیا بنسټ د تدارکاتو او خصوصي سکتور پر رونتیا او په افغانستان د فساد په اړه د اطلاعاتو پر ترلاسه کولو کار کوي.
روڼتیا څار خصوصي سکتور هم د اداري فساد ستر مرکز بولي او له دې ستونزې سره مبارزه ستونزمنه یادوي.
د افغانستان روڼتیا څار اجرائیوي مشر سید اکرام افضلي وایي: خصوصي سکتور له حده ډېر فاسد دی؛ ځکه د زورواکو تر چتر لاندې کار کوي او دا زورواکي د ولسي جرګې غړي دي.
د سوداګرۍ او پانګونې د عامه اړیکو مشر امين بابك ویلي: د افغانستان د روڼتیا څار بنسټ څرګندونې له انصافه لرې دي؛ دا بنسټ باید جدي څېړنې وکړي او هغه شرکتونه، چې په فساد کې ښکېل دي باید ترې یادونه وکړي.
د افغانستان روڼتیا څار څرګنده کړې؛ له فساد سره مبارزه ډېرو قانوني بنسټونو ته اړتیا لري. د اداري فساد پر ضد کمیسیون، چې حکومت په وروستیو کې جوړ کړی، د روڼتیا څار په باور ګټور ندی.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ