د پنجشنبې پر ورځ( د ۱۴۰۳ غمریز لېودیر کال د لیندۍ دوه‌ویشتمه ) د پکتیا په ګرده څېړۍ کلۍ کې د کډوالو او راستنېدونکیو چارو وزارت د چارسمبالي خلیل الرحمن حقاني د جنازې مراسمو ترسره او په پلرنۍ ادیره کې خاورو ته وسپارل شو.

خلیل الرحمن حقاني، چې په ۱۹۶۶ ز. کا زېږېدلی و؛ د چارشنبې پر ورځ په کابل کې د اړوند وزارت دننه په یوه چاودنه کې شهید شو.

د چاودنې پړه د (داعش) ډلې منلې ده.

نوموړی د افغانستان د کورنیو چارو وزارت د چارسمبالي سراج الدین حقاني تره او د (حقاني شبکې) د بنسټوال جلال الدین حقاني ورور و.

د جنازې په دې مراسمو کې د لوړ پوړیو چارواکو په ګډون د هېواد له ګوټ ګوټ څخه زرګونه کسانو ګډون کړی و. په دغو کسانو کې سراج الدین حقاني او امیرخان متفي او نورو چارواکو حاضرینو ته ویناوې وکړې.

سراج الدین حقاني ویلي؛ شهید  خلیل الرحمن حقاني شخصي دښمني نلري او الله به یې غچ واخلي.

همدارنګه د پنجشنبې پر ورځ د نړۍ له ګوټ ګوټ څخه د خواخوږۍ او غندنې پیغامونه خپاره شوۍ دي.

په افغانستان کې د ملګرو ملتونو استازولۍ پرنوموړي د برید وغانده او په ایکس پاڼه کې یې لیکلي: " مونږ د ثبات په لټه کې یو اود ترهګرۍ لپاره په دې هېواد کې هیڅ ځای ننشته."

د ایران د بهرنیو چارو وزارت ویاند اسماعیل بغايي هم د چارشنبې د ورځې په چاودنه کې د وژل شویو کسانو له کورنیو سره خواخوږي څرګنده کړهې او ټپیانو ته یې د بېړنۍ روغتیا هیله وکړه.

متحده عربي اماراتو هم د افغانستان د کډوالو چارو وزارت پر جارسمبالي برید غندلی دی.

متحده عربي اماراتو د بهرنیو چارو وزارت (MoFA) په یوه خبرپاڼه کې تایید کړه، چې "متحده عربي امارات د دې جنایتکارانه عملونو کلکه غندنه کوي او له نړیوال قانون څخه یې سرغړونه ګڼيې او د امنیت او ثبات د زیانمنولو په هدف هر ډول تاوتریخوالی او تروریزم د تل لپاره ردوي.

په دې خبرپاڼه کې راغلي: « د دې ترڅنګ دغه وزارت د افغانستان خلکو او د دغه برید د قربانیانو کورنیو ته د خپلې ژورې خواخوږۍ او ډاډګیرنې مراتب څرګندوي او ټولو ټپیانو ته د بېړنۍ روغتیا هیله کوي.»

د افغانستان پخواني ولسمشر حامد کرزي هم د خلیل حقاني پر شهادت خواشیني څرګنده کړه او ویې ویل: په ډېرې خواشینۍ سره مې خبر ترلاسه کړ، چې د کډوالو او راستنېدونکو چارو وزارت سرپرست خلیل الرحمن حقاني له یو شمېر هېوادوالو سره په کابل کې په شهادت رسېدلی دی. په دې وزارت کې چاودنه شوې ده."

د افغانستان پخواني اجرائیه رییس عبدالله عبدالله هم دا برید غندلی او په ایکس پاڼه کې یې لیکلي: مونږ پر خلیل الرحمن حقاني د ترهګریز برید کلکه غندنه کوو. هغه په ​​افغانستان کې د یوې با نفوذه جهادي کورنۍ غړی و. د پخواني شوروي د یرغل پر وړاندې په جهاد کې یې مهم رول درلود.

د ننګرهار ولایتي روغتون ډاکټرانو ويلي؛ په لویانو او کوچنیانو کې د موسمي ناروغیو کچه له پخوا لوړه شوې ده.

د ماشومانو د واټ متخصص ډاکټر سهراب خان شینواری وایي؛ په لویانو کې تفسي، ډينکي تبې، دماغي ملاریا او په کوچنیانو کې سینه بغل، برانشونو ناروغۍ زیاتي شوې دي.

د داخلې متخصص ډاکټر احمدشاه دولتزی وايي؛ دا ناروغۍ د بېلابېلو لاملونو له کبله پیداکیږي او که کورنۍ ځينې وقایوي تدابیر مراعت کړي، تر یوه بریده له دې ناروغيو خوندي کیدلی شي. 

د فاطمة الزهرا په ولایتي روغتون کې پر بستر پراته ناروغان بیا د دې روغتون له خدمتونو تر ډېره راضي دي.

د فاطمه هزرا ولایتي روغتون مسوول ډاکټر فضل الله سیرت وايي؛ د ناروغانو د درملنې لپاره پوره چمتوالي لري او په تېره یوه میاشت کې يې ۱۲۲۰ بستر ناروغانو ترڅنګ د ۱۳ زره ۵۲ له بستر بهر ناروغانو درملنه ترسره کړي ده؛  ۸۹ واړه، ۴۶۰لوی عملیات، ۹ سوه ۶۶ ټلویزوني، ۸ زره ۹ سوه ۳۴ لابراتواري معاینات، ۴ سوه ۷۴ ایکسريې، ۴۰۰ سوه ۷۷ ولادتونه، ۲۸ سیزارین او د چپرهارولسوالۍ د تریلي، د فارم هډي کلینک او د شېرزاد ولسوالۍ د او ارسي ډي موبایل کلینک سره د دارو درملو مرسته د دغه روغتون مسولین خپل نور ترسره کړي فعالیتونه یادوي.

د دغه ولایت پراخه نفوس او د دغه روغتون مراجعينو ډېروالي ته په کتو دوی له يو شمېر مرستندویه بنسټونوغواړي، چې د دارو درملو او وسایلو په برخه کې دې ورسره اړیني مرستې وکړي.

ویل کیږي، چې يو شمېر نور دولتي روغتونونه او کلینکونه هم شته، چې ناروغانو ته بېلابېل ډول روغتیايي خدمتونه وړاندې کوي.

د افغانستان د عامې روغتیا وزارت حرګنده کړې، چې د اسلامي امارت د رهبر له لوري د هېواد په ۳۱۸ ولسوالیو کې د عامه روغتونونو د جوړولو لپاره له ۶ میلیارډ افغانیو څخه زیاته بودجه منظوره شوې ده.

د دې وزارت د نننۍ (پنجشنبه دلیندۍ دوه‌ویشتمه) خبرپاڼې له مخې؛ په نږدې راتلونکي کې به په لوګر، غزني او فراه ولایتونو کې د پېنځه روغتونونو د جوړولو چارې پیل شي.

د عامې روغتیا وزارت د خبرپاڼې له مخې؛ دا نوښت نه یوازې د عامې روغتیا بېخبنا ته د ودې ورکولو لپاره کلکه ژمنتیا ښیي، بلې د خپلو وګدو هوساینې ته دودې لپاره د حکومت ژمنتیا هم پر ګوته کوي.