تازه خبرونه
مونږ له نړۍ سره مثبتې اړیکې غواړو – مولوي متقي
د افغانستان د بهرنیو چارو وزارت چارسمبالي مولوي امیرخان متقی د هېواد په اړه د واشنګټن میشتو افغانانو د سولې او بشري مرستو تر سرلیک لاندې یوه جوړ شوي کنفرانس ته په انلان خبرو کې ویلي، مونږ له نړۍ سره مثبتو اړیکو ټینګولو ته ژمن یوو.
د افغانستان د بهرنیو چارو وزارت چارسمبالی وايي، که د افغانستان نوی دولت د امریکا او نړیوالې ټولنې لخوا پر رسمیت وپېژندل شي یا نه، اسلامي امارت د دوحې ژمنو ته ژمن دی.
هغه ویلي، مونږ له ګاونډ هېوادونو، سیمې او نړۍ سره د رغنده او مثبتو اړیکو د ټینګولو په لټه کې یوو.
مولوي متقي وایي: مونږ به هيڅکله چا ته اجازه ورنکړو، چې د افغانستان خاوره د نورو پر زيان وکاروي. مونږ به نورو ته اجازه ورنکړو، چې د هېواد په کورنیو چارو کې مو لاسوهنه وکړي. مونږ د نورو ملتونو مشروع ګټو او غوښتنو ته درناوی لرو او د ورته کړنو غوښتنه کوو.
هغه زیاته کړې: اوسمهال په اسلامي امارت کې د پخواني حکومت ۵۰۰ زره کارکوونکي کار کوي او د پخواني حکومت له نسکورېدو وروسته مو د هیچا په وړاندې تعصب هم نه دی کارولی.
مولوي متقي د ۲۰۲۰ کال د فبرورۍ پر ۲۹ له امریکا سره د طالبانو هوکړه له افغانستان څخه د بهرنیو ځواکونو د وتلو په برخه کې یو اړین ګام بولي.
هغه ویلي؛ سلامي امارت ته د واک لېږد په سوله ییزه فضا کې، د اوازو برعکس ترسره او د تېر کال په اګست میاشت کې هېواد له یوه نازک پړاو څخه تېر شو.
متقي زیاته کړې: د افغانستان اسلامي امارت د ملي یووالي له پیغام سره کابل ته داخل شو؛ سیاسي او نظامي حریفانو ته یې د ورورګلوۍ او سولې لاس ور اوږد کړ. داسې متمدن، انساني او اسلامي عمل ډېر کم لیدل شوی دی.
نوموړي په افغانستان کې د پخواني حکومت د کارکوونکیو او چارواکو د ځورونې په تړاو ويلي، چې دا یوازې د یو شمېر ټولنیزو رسنیو شایعات دي او په حقیقت کې داسې کوم څه نشته.
د یادونې ده، چې مولوي متقي په ایران کې د افغانستان له یو شمېر سیاسي څېرو سره د لیدنې په تړاو ويلي، د امیر المومنین د عفوې فرمان له مخې یې له دوی وغوښتل، چې بېرته هېواد ته راستانه شي. اوس د دې وخت رارسیدلی، چې ټول په ګډه سره د افغانستان د جوړولو لپاره لاس په کار شو.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ