تازه خبرونه
منيګرام له راشد خان سره ملګرتیا اعلان کړه
د راشد خان ملګرتیا به له دې شرکت سره مرسته وکړي، چې خپل نړیوال شتون پراخ او په افغانستان او ټوله نړۍ کې باوري هڅو ته وده ورکړي. دا همکاري څه وخت مخکې د هند په احمدآباد کې د لاسلیک مراسمو له لارې رسمي شوه.
د نړیوالې مالي ټکنالوژۍ مخکښ شرکت منيګرام، چې نړیواله ټولنه سره نښلوي؛ د سېشنبې پر ورځ د افغانستان کرکټ له نومیالي لوبغاړي راشد خان سره خپله ملګرتیا اعلان کړه.
د راشد خان ملګرتیا به له دې شرکت سره مرسته وکړي، چې خپل نړیوال شتون پراخ او په افغانستان او ټوله نړۍ کې باوري هڅو ته وده ورکړي. دا همکاري څه وخت مخکې د هند په احمدآباد کې د لاسلیک مراسمو له لارې رسمي شوه.
راشد خان ویلي؛ له منيګرام برانډ سره د همکارۍ له په ډاګه کولو خوښ یم؛ ځکه منيګرام په نړیواله کچه د پیسو لېږد نه یوازې د باور وړ او ډاډمنوي، بلکې د هغې په چټک لېږد کې هم له کورنیو مرسته کوي. دغه راز خوښ یم، چې د نړۍ په ګوټ ګوټ کې خپلو کرکټ مینهوالو ته د منيګرام په اړه نور معلومات هم وړاندې کړم. د دې اسانتیاوو اوږدمهالې ملګرتیا ته سترګې پر لار یم.
دا ملګرتیا په داسې حال کې رامنځته کیږي، چې دا شرکت په افغانستان کې خپل حضور پراخوي؛ په اروپا، کاناډا او امریکا کې لېږونکي کولی شي خپلو غزیزانو ته پیسې واستوي او د انلاین منيګرام، اوبپاڼې، ګرځنداپلیکیشن او یا سلګونو زره څانګو څخه خپلې پیسې پر ډالر او افغانیو ترلاسه کړي. دمګړۍ په ټول هېواد کې د دې شرکت له ۲۰۰ ډېرې څانګې فعالې دي.
د اوقیانوسیه او سویلي آسیا د ساحوي بازار موندنې مسوول سبرینا چان ویلي؛ د افغانستان ملي لوبډلې لوبډلمشر د ډلهییزې همکارۍ پر ارزښت پوهیږي او غورهوالي ته له ځواکمن هوډ څخه برخمن دی. دا ځانګړتیاوې د منيګرام له ارزښتونو سره پوره اړخ لګوي او پېرودونکیو ته د دې شرکت د غوره هڅو او خدمتونو د چمتو کولو پر ژمنې ټینګار هم دی.
ورته نور خبرونه:
راشد خان د افغان بیسیم مخابراتي شرکت رسمي سوداګریز سفیر شو
تازه خبرونه
تحول: د اوکراین او روسیې د جګړې له غځېدو اندېښنه
تازه خبرونه
د زابل ولایت عمري یا توري بند ګټې اخیستنې ته وسپارل شو
ملا عبدالغني برادر د عمري بند پرانیستغونډې ته څرګنده کړې: هره ژمنه، چې اسلامي امارت کوې؛ ان شاءالله عملي کیږي.
د ریاست الوزراء اقتصادي مرستیال نن (پنجشنبه د تلې پېنځمه) په زابل ولایت کې د عمري بند د پرانیستې مراسمو ته د خبرو پر مهال ویلي، چې اسلامي امارت ورسره کړې ژمنې عملي کړي او حکومت به په دېه ولایت کې نورې پروژې هم پلي کړي.
ملا عبدالغني برادر د عمري بند پرانیستغونډې ته څرګنده کړې: هره ژمنه، چې اسلامي امارت کوې؛ ان شاءالله عملي کیږي.
توري بند، چې تازه عمري بند نومول شوی؛ د اوبو او انرژۍ وزارت د ١٢٧ ميليون افغانيو پر لګښت جوړ شوو چې له مرکز کلات ښار څخه څلور کيلومټره لرې پروت دی.
دا بند د موسمي سېلابونو د راټولولو، کرنيزو ځمکو د خړوبولو او د ځمکې لاندې اوبو د زېرمو د پياوړتيا لپاره جوړشوی دی.
د کلیو د بیارغونې او پراختیا وزارت چارسمبالي محمد یونس اخوندزاده ویلي: زمونږ هڅه دا ده، چې په زابل ولایت کې نور کارونه او خدمات هم ترسره کړو.
زابل یو له هغو ولایتونو څخه شمېرل کیږي، چې په تېرو ۲۰ کلونو کې د پرمختیايي پروژې له پلي کېدو بې برخې و او اوس د زابل ولسونه له اسلامي امارت غواړي، چې د دغه ولایت د پرمختګ په برخه کې دې ته ورته نور ګامونه هم پورته کړي.
د یادونې ده، چې دغه بند ۲۳ مټره لوړوالي لري؛ توري بند د ۲ اعشاریه ۹ ميليون مټر مکعب اوبو د زېرمه کولو ، د ٥٦٠ هکټاره کرنيزې ځمکې خړوبولو او د اوبو ۶۱ کیلو واټ برښنا د توليدولو وړتيا لري.
تازه خبرونه
د دوحې تړون له بشري حقونو سره تړاو نلري- خلیلزاد
له افغانستان څخه د امریکايي ځواکونو د وتلو پر مهال د کابل په هوايي ډګر کې د یوې چاودن له کبله ۱۳ امریکايي پوځیان او له ۱۷۰ ډېر ملکي افغانان وژل شوي او ۴۵ نور امریکايي پوځیان او ګڼ شمېر افغانان ټپیان شول.
د افغانستان د سولې په چارو کې د امریکا پخوانی ځانګړی استازی زلمی خلیلزاد وايي؛ د دوحې تړون د بشري حقونو په اړه نهو، بلکې دا له افغانستان څخه د ځواکونو د خوندي وتلو پر شرایطو راڅرخېدلی دی.
د امریکا په کانګرس کې د هغه پرېکړه لیک د مسودې په غبرګون کې، چې له افغانستان څخه د ناورینوونکي وتلو په غبرګون کې د ولسمشر جوبایډن، د هغه د مرستیالې کامالا هریس او د دده په ګډون د امریکا نور لوړ پوړي چارواکي غندلي؛ لیکلي: طالبانو (اسلامي امارت) هوکړه کړې، چې دوی به د افغانستان لپاره یو نوی حکومت جوړوي او د بشري حقونو پالیسي به په جلا توګه د دوی (طالبانو او نورو افغان وګړو) ترمنځ پر خبرو اترو جوړیږي.
د هغه په وينا، په دغو خبرو اترو کې يو شمېر ترسره شوي؛ خو له دغه هېواد څخه د امریکايي ځواکونو د وتلو په اړه له دې مخکې کومه هوکړه نده شوې.
د افغانستان د سولې په چارو کې د امریکا پخواني ځانګړي استازي د دغه پرېکړه لیک د مسودې هغه برخه رد کړه، چې په کې ویل شوي؛ خلیلزاد پرته له کوم دلیل ادعا کړې، چې طالبان خپل مکلفیتونه پوره کوي او اساسي بشري حقونو ته درناوی لري.
خلیلزاد وايي: دا ادعا په بشپړه توګه دروغ ده. ما هیڅکله دا خبرې ندی کړي. زه حیران یم، چې دا ډول ادعا له کومه شوه.
زلمي خلیلزاد زیاته کړې: ما هیڅکله د طالبانو( اسلامي امارت ) او د بشري حقونو په اړه د هغوی د ژمنو په اړه څرګندونې ندي کړي. د ولسي جرګې د بېلابېلو کمیټو پر وړاندې زما په حاضرېدو کې کله، چې له ما څخه وپوښتل شول: آیا زه پر طالبانو باور لرم، چې د پوځ او تروریزم په اړه خپلې ژمنې پوره کړي، زما ځواب تل دا و، چې مونږ د نړیوالو اړیکو په اړه خبرې کوو. دا داسې ډګر دی، چې پر هیچا باور نهکېږي، په تېره بیا پر طالبانو.
په هغو خبرو کې، چې د خلیلزاد لخوا په ایکس پاڼه کې خپرې شوي راغلي، چې هوکړه د شرطونو پر بنسټ شوې ده. د باور پر بنسټ نه. په تړون کې د امریکا د ژمنو عملي کېدل د اسلامي امارت د ژمنو په عملي کولو پورې تړلي وه، چې باید په پرلهپسې ډول وارزول شي او تصویب شي.
دا په داسې حال کې ده، چې پر امریکايي ځواکونو بریدونه نه کول او د القاعدې په ګډون «ترهګرو» ډلو یا اشخاصو ته اجازه نهورکول، چې د افغانستان له خاورې د امریکا او متحدینو امنیت ته ګواښ پېښ کړي، د دوحې د تړون برخه ده.
زلمي خلیلزاد د دغه پرېکړه لیک په غبرګون کې ویلي؛ جوبایډن پرېکړه کړې، چې د افغانانو تر منځ د سیاسي هوکړې له مخې به له وتلو سره مشروط نهوي. له دې وېرې، چې که بین الافغاني مذاکرات وغځول شي، نو اسلامي امارت به د امریکايي ځواکونو پر ضد خپل بریدونه بیا پیل کړي.
هغه وايي، چې سرتېرو (امریکایي ځواکونو) په داسې حالت کې پر زړورتیا عمل وکړ، چې د کابل د هوايي ډګر په شاوخوا کې د ګډوډۍ لامل شو.
له افغانستان څخه د امریکايي ځواکونو د وتلو پر مهال د کابل په هوايي ډګر کې د یوې چاودن له کبله ۱۳ امریکايي پوځیان او له ۱۷۰ ډېر ملکي افغانان وژل شوي او ۴۵ نور امریکايي پوځیان او ګڼ شمېر افغانان ټپیان شول.
دا په داسې حال کې ده، چې د امریکا ولسمشر جوبایډن د ملګرو ملتونو په نههاویایمه سرمشریزه کې ویلي، چې له افغانستان څخه د امریکا وتل یوه ستونزمنه؛ خو سمه پرېکړه وه، ځکه له دې سره د امریکا تر ټولو اوږده جګړه پای ته ورسېده.
-
ساینس او ټیکنالوژي5 days ago
ایلان ماسک مریخ ته له انسان پرته د لومړي الوت نېټه اعلان کړه
-
تازه خبرونه4 days ago
ایران له افغانستان سره پر پوله له ۱۰ کیلومټره ډېر دیوال غځولی
-
سیمه ییز خبرونه4 days ago
عاصم ملک د آی اس آی نوی مشر وټاکل شو
-
سیمه ییز خبرونه4 days ago
د ایران سپاه پاسداران پر حزب الله له برید وروسته پر مخابراتي وسایلو بندیز ولګاوه
-
نړۍ5 days ago
اسرائیلو په لویدیځه غاړه کې د الجزیرې دفتر بند کړ
-
لوبی5 days ago
جنوبي افریقا د یو ورځني لوبلړ وروستۍ لوبه له افغانستان څخه وګټله
-
لوبی4 days ago
د افغانستان اتلان له سویلي افریقا څخه د سیالیو له ګټلو وروسته کابل ته راستانه شول
-
تازه خبرونه2 days ago
د ایران ولسمشر د افغانستان په اړه له تاجکستان سره پر ګډو همکاریو ټینګار څرګند کړ