تازه خبرونه
ملګري ملتونه په افغانستان کې له جنسیتي توپیره اندېښمن دي
د ملګرو ملتونو د عمومي منشي د ویاند مرستیال ویلي: مونږ د افغانستان له واکمنو سره د چارسمبالي حکومت په توګه چلند کوو، له هغوی سره د افغانستان د رسمي حکومت په توګه چلند نهکېږي.
![](https://www.ariananews.af/wp-content/uploads/2022/05/Afghan-women.jpg)
د ملګرو ملتونو د عمومي منشي مرستیال په افغانستان کې جنسیتي تبعیض یوه اساسي ستونزه بولي وایي، چې د افغان ښځو حقونو ته باید درناوی وشي.
فرحان الحق د دې ټولنې په مرکزي دفتر کې یوې خبري ناستې ته ویلي، چې ملګري ملتونه د دوحې په غونډه کې د افغانستان له واکمنانو سره د افغانستان د قانوني او رسمي حکومت په توګه چلند نهکوي.
فرحان الحق ويلي: زه غواړم تاسې ته د جنډر د تبعیض په اړه ووایم، چې د ملګرو ملتونو د عمومي منشي مرستیال تېر کال افغانستان ته سفر کړی و او جنسیتي تبعیض یې یوه لویه اندېښنه وبلله.
هغه ویلي وه؛ مونږ ځان ډاډمنوو، چې افغان میرمنو ته داسې درناوی وشي، چې په نورو هېوادونو کې ورته کیږي.
د ملګرو ملتونو د عمومي منشي د ویاند مرستیال همداراز زیاته کړې: مونږ د افغانستان له واکمنو سره د چارسمبالي حکومت په توګه چلند کوو، له هغوی سره د افغانستان د رسمي حکومت په توګه چلند نهکېږي.
له دې مخکې د ملګرو ملتونو د بشري حقونو ځانګړي استازي ریچارډ بنیټ د ملګرو ملتونو د امنیت شورا په شپږپنځوسمه غونډه کې خبرداری ورکړی، چې د اسلامي امارت تر واک لاندې د افغان ښځو پر وړاندې تاوتریخوالی پیاوړی او پراخ شوی دی.
دا په داسې حال کې ده، چې اسلامي امارت د خپلې واکمنۍ پر مهال د ښځو له حقونو څخه هر ډول سرغړونې ردوي او په دې برخه کې اندېښنې بې بنسټه او له کرکې ډکې بولي.
اړوند نور خبرونه:
ملګري ملتونه په افغانستان کې د ښځو له بشري حقونو څخه سرغړونه ارزوي
په افغانستان کې د ښځو د حقونو د وضعیت په اړه اندېښنې زیاتې شوي
تازه خبرونه
په دوحه کې د افغانستان په اړه درېیمه ناسته پیل شوه
د ملګرو ملتونو د عمومي منشي مرستیاله روزماري ډیکارلو ویلي: زه خوشاله یم، چې په دې غونډه کې له مونږ سره اړوند پلاوي شته او واکمنو چارواکو د لومړي ځل لپاره له مونږ ګډون کړی دی.
![](https://www.ariananews.af/wp-content/uploads/2024/06/Doha-meeting.jpg)
نن یکشنبه د چنګاښ لسمه د ملګرو ملتونو پر کوربتوب د یو شمېر هېوادونو د ځانګړو استازو پر ګډون د دوحې درېیمه ناسته پیل شوه او دوه ورځې به روانه وي.
د ملګرو ملتونو په دې دوه ورځنۍ غونډه کې به د بانکي او مالي وضعیت او له نشهيي توکو سره پر مبارزه خبرې وشي.
د ملګرو ملتونو د عمومي منشي مرستیاله وايي، خوشاله ده، چې په دې غونډه کې د اسلامي امارت استازو ګډون کړی دی.
د دې ناستې په څنډه کې د اسلامي امارت د مرکچي پلاوي مشر ذبیح الله مجاهد د روسیې، ازبکستان او هند له استازو سره وکتل او دغو هېوادونو د اسلامي امارت له دریځه خپل ملاتړ څرګند کړ.
د ملګرو ملتونو د عمومي منشي مرستیاله روزماري ډیکارلو ویلي: زه خوشاله یم، چې په دې غونډه کې له مونږ سره اړوند پلاوي شته او واکمنو چارواکو د لومړي ځل لپاره له مونږ ګډون کړی دی.
د ملګرو ملتونو په دې دوه ورځنۍ ناسته کې به د افغانستان لپاره د یو شمېر هېوادونو ځانګړي استازي د اسلامي امارت له پلاوي سره د خصوصي سکټور د پیاوړتیا او له نشهیي توکو سره د مبارزې په برخه کې خبرې وکړي.
په قطر کې د اسلامي امارت د سیاسي دفتر مشر سهیل شاهین ویلي: له کابل څخه رښتیني حقایق نه ځلیږي. اوس هم که کابل ته لاړ شئ وبه ګورئ، چې نجونې په دارالعلومو کې زدهکړې کوي.
دغه راز د دې ناستې په څنډه کې د اسلامي امارت د مرکچي پلاوي مشر ذبیح الله مجاهد د روسیې، ازبکستان او هند له استازو سره وکتل او دغو هېوادونو د اسلامي امارت له دریځه خپل ملاتړ څرګند کړ. په دغو ناستو کې د افغانستان او دغو هېوادونو ترمنځ د اړیکو پر پراختیا خبرې وشوې.
د ریاست الوزراء سياسي مرستيال هم د اسلامي امارت ګډون د یوه مسوول حکومت په توګه د ارزښت وړ یاد کړ او وایي؛ دا ډول غونډې له نړۍ سره د خبرو اترو او تعامل یو ښه فرصت دى.
اړوند خبرونه:
ډېري هېوادونه له اسلامي امارت سره د اړیکو پراختیا ته لېواله دي
تازه خبرونه
د افغانستان بانک چارسمبالی د IFSB په غونډه کې د ګډون لپاره جیبوټي ته ولاړ
د اسلامي مالي خدماتو بورډ یا (IFSB) یوه نړیواله اداره ده، چې د اسلامي مالي خدماتو سکټور د ثبات او پیاوړتیا لپاره معیارونه رامنځته کوي او خپروي. د افغانستان بانک، د اسلامي هېوادونو مرکزي بانکونه، اسلامي بانکونه او یو شمېر نړیوال بنسټونه د اسلامي مالي خدمتونو د بورډ غړي دي.
![](https://www.ariananews.af/wp-content/uploads/2024/06/DAB-Chief.jpg)
د افغانستان بانک ويلي، چې د دې بانک چارسمبالی هدایت الله بدري د یوه پلاوي پر مشرۍ جیبوټي ته تللی، چې د اسلامي مالي خدماتو بورډ (IFSB) په دوهویشتمه کلنۍ غونډه کې ګډون وکړي، چې د روان کال د جولای پر لومړۍ او دوهیمه به جوړه شي.
د افغانستان بانک ویاند حسیب الله نوري ویلي؛ په دې غونډه کې به مالي بورډ د کړنو او راپور په اړه د بحث ترڅنګ د اسلامي بانکدارۍ اړوند معيارونو، مالي شرکتونو او بانکونو پر ښه مديريت، اسلامي بانکدارۍ ډيجيټل کېدو اغېزې او اسلامي بانکدارۍ ودې بحث او خبرې کیږي.
اقتصاد پوهان دا ډول غونډې د افغانستان بانک د فعالیت د ښهوالي او د بانکي خدمتونو د منظموالي لپاره اړینې ګڼي.
د اسلامي مالي خدماتو بورډ یا (IFSB) یوه نړیواله اداره ده، چې د اسلامي مالي خدماتو سکټور د ثبات او پیاوړتیا لپاره معیارونه رامنځته کوي او خپروي. د افغانستان بانک، د اسلامي هېوادونو مرکزي بانکونه، اسلامي بانکونه او یو شمېر نړیوال بنسټونه د اسلامي مالي خدمتونو د بورډ غړي دي.
اړوند خبرونه:
په کابل کې د افغانستان بانک د عالی شورا دوه ورځنۍ ناسته جوړیږي
د افغانۍ ارزښت او په بانکونو کې د پیسو کچه مخ پر ښه کېدو ده – د افغانستان بانک
تازه خبرونه
ډېري هېوادونه له اسلامي امارت سره د اړیکو پراختیا ته لېواله دي
د ریاست الوزراء سیاسي مرستیال له ټولو هېوادونو سره پر ښه او مثبت تعامل د ټینګار ترڅنګ ویلي، چې اسلامي امارت د هراړخیزې سیاسي تګلارې په رڼا کې له ټولو هېوادونو سره د اړیکو پراختیا او پراختیا غواړي.
![](https://www.ariananews.af/wp-content/uploads/2024/06/Haqqani-Kabir.jpg)
د کورنیو چارو وزارت چارسمبالي سراج الدین حقاني او د استخباراتو عمومي رییس عبدالحق وثیق متحده عربي اماراتو ته خپل وروستي سفرونه د اړیکو د پراختیا لپاره مهم یاد کړل او وایي، چې ډېري هېوادونه له اسلامي امارت سره د اړیکو پراختیا ته لېواله دي.
سراج الدین حقاني او عبدالحق وثیق دغه څرګندونې تېر ماښام (شنبه د چنګاښ نهمه) د ریاست الوزراء له سیاسي مرستیال مولوي عبدالکبیر سره په لیدنه کې کړې دي.
دوی د تلپاتي امنيت د خوندیتوب په اړه له خپلو هڅو يادونه هم وکړه او وایي، چې د ادارو ترمنځ ښې همغږۍ او هر اړخيز امنيتي پلان خلکو ته د ډاډمن امنيت زمينه برابره کړې ده.
د ریاست الوزراء سیاسي مرستیال له ټولو هېوادونو سره پر ښه او مثبت تعامل د ټینګار ترڅنګ ویلي، چې اسلامي امارت د هراړخیزې سیاسي تګلارې په رڼا کې له ټولو هېوادونو سره د اړیکو پراختیا او پراختیا غواړي.
ویل کیږي، چې د مثبتو تعاملاتو په پایله کې له نړۍ سره د اسلامي امارت اړیکې مخ پر پراختیا دي او دا د اسلامي نظام د سیاسي پرمختګ پوره ښکارندویي کوي.
-
لوبی3 days ago
هند او سویلي افریقا د کرکټ ۲۰ اوریز نړیوال جام پایلوبې ته لار پیدا کړه
-
تازه خبرونه5 days ago
د دوحې درېیمه غونډه به د م.م د مرستیالې پر مشرۍ جوړه شي
-
لوبی4 days ago
له سویلي افریقا سره په نیمه پایلوبه کې ماته مو د کار پیل دی – راشدخان
-
تازه خبرونه2 days ago
له افغانستان څخه د امریکايي ځواکونو وتل امریکا ته له شرمه ډکه تاریخي پېښه وه – ټرمپ
-
لوبی1 day ago
د افغانستان فوټسال لوبډله په دوستانه سیالیو کې له مراکش سره لوبیږي
-
سیمه ییز خبرونه5 days ago
د اسرائیل په هوایي برید کې د حماس د سیاسي مشر د خور په ګډون ۲۴ فلسطینیان ووژل شول
-
تازه خبرونه4 days ago
په افغانستان کې مو له ۵۴ زره څخه د ډېرو روږدو کسانو درملنه کړې
-
لوبی4 days ago
د افغانستان لوبډلې سویلي افریقا ته خپله لومړۍ نیمه پایلوبه وبایلله