تازه خبرونه
مرستندویه ډلې دې په افغانستان کې د بشري ناورین مخنیوی وکړي – د سره صلیب بنسټ
د رویټرز د څرګندونو له مخې؛ سره صلیب د جمعې پر ورځ له نړیوالې ټولنې وغوښتل، چې د افغانستان له نویو واکمنو سره د تعامل لار خپله کړي؛ ځکه، چې مر ستندویه ډلې نشي کولی په یوازې ځان د روان بشري ناورین مخه ونیسي.
د روان کال د زمري پر ۲۴ / د اګست ۱۵ / د امریکا تر ملاتړ لاندې حکومت له ړنګیدو او د افغانستان اسلامي امارت له بیا واکمنېدو وروسته ناڅاپه د هېواد میلیارډونه ډالر کنګل او بهرنۍ مرستې په ټپه ودرېدې، چې خلک یې له اقتصادي بحران سره مخ کړل.
د سره صلیب نړیوالې کمیټې ( آی سي آر سي ) په افغانستان کې له هماغې ورځې خپلې بشري هڅې زیاتې کړي دي. په داسې حال کې، چې نور سازمانونه اوس هم د رادانګلو په حال کې دي.
د یاد بنسټ عمومي مشر رابرټ ماردیني رویټرز ته څرګنده کړې، چې نړیوالې ټولنې تر دې دمه له افغانستان اسلامي امارت سره په تعامل کې زړه نا زړه چلند کړی. په داسې حال کې، چې د لومړنيو اړتیاوو د چمتو کولو لپاره عملي مرستو ته خورا ډېره اړتیا ده.
دغه راز ویل شوي؛ د بشري مرستو ډلې، چې له مرسته رسوونکیو سره یوځای کیږي؛ یوازې دومره کولی شي، چې لنډمهاله حللارې رامنځته کړي.
ماردیني په دې اړه زیاته کړې، چې ملګرو ملتونو د پنجشنبې پر ورځ افغانانو ته د نغدو پیسو د برابرولو لپاره یوه بسپنه جوړه کړې، چې دا ستونزه به په درې میاشتو کې حل کړي.
نوموړي څو لسیزو جګړو، اقلیمي بدلونونو او کرونا ویروس ته په نغوته کې زیاته کړې؛ افغانستان یو پېچلی بحران دی، چې ورځ تر بلې مخ پر خرابېدو دی.
میردیني ویلي، چې د افغانستان د ۳۹ میلیون وګړیو ۳۰ سلنه له خوارځواکۍ سره مخ دي او ۱۸ میلیون نور مرستو او بشري ملاتړ ته اړتیا لري.
ماردیني دا هم ویلي: هیڅ بشردوستانه سازمان نشي کولی د یو هېواد اقتصادي تاوان ورکړي یا یې بل ځایناستی رامنځته کړي.
د افغانستان اسلامي امارت د خپلې لومړۍ واکمنۍ پر مهال ( ۱۳۷۵ – ۱۳۸۰ / ۱۹۹۶ – ۲۰۰۱) ډېري بهرنۍ مرستندویه ډلې ویستلې وې؛ خو دا ځل ویل شوي، چې اسلامي امارت له بهرنیو تمویلوونکیو هرکلی کوي او د دوی د کارمندانو حقوق به هم خوندي وي.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
تازه خبرونه
په تېرو ۶ میاشتو کې ۸ زره ۷۴۷ جنايي پېښې ثبت شوي
د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.
د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.
قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.
نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.
د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.
قانع ویلي: د پاسپورټ رياست لهخوا هره ورځ لس زره پاسپورتونه هېوادوالو ته وېشل کېږي.
د دوی د څرګندونو له مخې؛ د نشهیي توکو کښت، تولید او قاچاق هم صفر ته رسېدلي او په هېواد کې د نشهیي توکو د تولید اته ماشینونه او د نشهیي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.
هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.
د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.
تازه خبرونه
د ټاپي ګاز شرکت اجرائیه رییس له وروستیو پرمختګونو خوښي څرګنده کړه
د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.
د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.
د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.
ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.
TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت لهخوا پراختیا مومي.
دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه3 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې
-
تازه خبرونه1 day ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې