تازه خبرونه
له نړۍ سره د اسلامي امارت تعامل وارزول شو
![](https://www.ariananews.af/wp-content/uploads/2024/05/MoFA.jpg)
د بهرنیو چارو وزارت د چارشنبې پر ورځ ( د غبرګولي نهمه ) ویلي، چې په ستراتیژیکو مطالعاتو مرکز کې د « دوحه ۳: له نړیوالې ټولنې سره د اسلامي امارت د تعامل څرنګوالی» تر سرلیک لاندې علمي ناسته تر سره شوې ده .
د بهرنیو چارو وزارت د ویاند مرستیال حافظ ضیا احمد څرګنده کړې، چې د بهرنیو چارو وزارت د درېیم سیاسي ریاست د رییس ذاکر جلالي پر مشرۍ د دوحې د غونډو پر مخینه او د اسلامي امارت د دریځونو پر عواملو پراخ بحث تر سره شو.
د ذاکر جلالي د څرګندونو له مخې؛ د دوحې غونډې د افغانستان په اړه د ملګرو ملتونو له لوري د فریدون سینیرلي اوغلو د خپلواکې ارزونې پربنسټ راپیل شوې دي. د دې لړۍ لومړۍ غونډه د ۲۰۲۳ ز. کال په مې او دوهیمه هغه د ۲۰۲۴ ز. کال په فبروري کې جوړه شوه.
ذاکر جلالي ویلي، چې د دې لړۍ په دوهیمه غونډه کې هم د اسلامي امارت د شرایطو د نه پوره کېدو له کبله له ژور غور وروسته د مشرتابه لخوا د نه ګډون پرېکړه وشوه او سمبولیک ګډون په کې بېګټې وبلل شو.
جلالي څرګنده کړې: اسلامي امارت له نړیوالې ټولنې سره تعامل غواړي؛ خو دا تعامل د افغانستان د سیاسي خپلواکۍ، ديني او ملي ارزښتونو او د وطن او نظام د حیثیت په بیه نهغواړي.
دغه راز نوموړي زیاته کړې؛ اوس د لومړۍ او دوهیمې غونډې پر پرتله د غونډې د جوړوونکیو او کوربنو په تعامل کې مثبت بدلون لیدل کېږي.
هغه ویلي؛ په وروستیو ورځو کې د ملګرو ملتونو د مرستیالې په ګډون ګڼ پلاوي کابل ته راغلل، چې په راتلونکې ناسته کې د افغان حکومت د ګډون زمینه برابره کړي.
ذاکر جلالي وایي؛ ټاکل شوې، چې د اسلامي امارت استازي به د درېیمې غونډې په اصلي بحثونو کې ګډون وکړي.
هغه زیاته کړې: دا ځل د دوحې د درېیمې غونډې په اجنډا کې مثبت بدلون تر سترګو کېږي؛ د بحث اساسي محورونه به مالي او بانکي وضعیت، مخدره توکو پرخلاف مبارزه او کروندګرو ته بدیل معیشت، د خصوصي سکتور وده او اقلیمي بدلون اړوند مسایل وي.
جلالي دا هم ویلي: د بحث محورونو ته په پام داسې برېښي، چې د غونډې د اجنډا په اړه به اساسي ستونزه نه وي؛ خو اسلامي امارت د غونډې د وروستيو جزئیاتو د شریکولو په تمه دی، چې په رڼا کې یې پرېکړه وکړي.
ویل کیږي، چې په دې علمي بحث کې د بهرنیو چارو وزارت د بېلابېلو څانګو کارکوونکیو او ډیپلوماټانو ګډون کړی و او د موضوع په اړه یې خپل نظرونه وړاندې او پر بېلابېلو اړخونو یې بحثونه وکړل.
تازه خبرونه
د افغانستان بانک پلاوي د اسلامي مالي خدمتونو په کلنۍ غونډه کې ګډون وکړ
ویل کیږي، چې د اسلامي مالي خدمتونو بورډ یو نړیوال اسلامي بنسټ دی، چې په کې د افغانستان بانک، د نورو اسلامي هېوادونو مرکزي بانکونه، اسلامي بانکونه او نړیوالې مالي ادارې غړیتوب لري.
![](https://www.ariananews.af/wp-content/uploads/2024/07/bank.png)
د افغانستان بانک نن چارشنبه د چنګاښ دیارلسمه ویلي، چې د دې بانک د ټولو چارسمبالي ریيس هدایت الله بدري پر مشرۍ پلاوي د اسلامي مالي خدمتونو د بورډ په دوهویشتمه کلنۍ عمومي غونډه کې، چې د جولای پر لومړۍ او دوهیمه نېټه په جیبوټي هېواد کې جوړه شوې وه؛ ګډون وکړ.
په دې غونډه کې، چې د نورو اسلامي هېوادونو د ۲۶ مرکزي بانکونو ریيسانو او استازو ګډون کړی و؛ د بورډ د تېر کال د کړنو او مالي مسایلو اړوند راپورونه د غړیو هېوادونو لهخوا له بحث وروسته تصویب شول.
دغه راز په دې غونډه کې د راتلونکي کال لپاره د شریعت د اصولو پر بنسټ د اسلامي بانکوالۍ اړوند معایرو، د مالي شرکتونو او بانکونو د ښه مدیریت، د ډيجیټلایزیشن اثر پر اسلامي بانکوالۍ او پر نړیواله کچه د اسلامي بانکوالۍ او تمویل د ترویج په اړه پر پلانونو او عملي کړنو بحث او خبرې وشوې.
دوی د یوه باثباته اقتصادي توسعې لپاره پر مالي شمولیت، په اسلامي مالي نظام کې د وقف او زکات پر ارزښت، په دې برخه کې د اړوند بنسټونو پر رامنځته کولو، د مالي نظام پر برښنایي کیدو د شغل او کار په رامنځته کولو کې د هغو پر اهمیت، مالي تکنالوژۍ یا فینټېک پر وړاندې د شته ګواښونو او پدې اړوند د شریعت له اصولو سره سم د مقرراتو رامنځته کېدو او یو شمېر نورو اړوند موضوعاتو بحثونه تر سره شول.
له یادې غونډې وروسته د افغانستان بانک د ټولو چارسمبالي رییس د اسلامي مالي خدمتونو د بورډ له ریيس سره په ځانګړې لېدنه کې د افغانستان بانک د کنګل شویو زېرمو، بانکي سکټور د اسلامي کېدو، ښونیزو پروګرامونو او یو شمېر نورو اړوند موضوعاتو هم خبرې وکړې.
ویل کیږي، چې د اسلامي مالي خدمتونو بورډ یو نړیوال اسلامي بنسټ دی، چې په کې د افغانستان بانک، د نورو اسلامي هېوادونو مرکزي بانکونه، اسلامي بانکونه او نړیوالې مالي ادارې غړیتوب لري.
تازه خبرونه
د دوحې په درېیمه ناسته کې افغان او امریکایي استازو پر بندیانو خبرې کړي
د اسلامي امارت ویاند او د دوحې د درېیمې ناستې د پلاوي رییس ذبیح الله مجاهد ويلي، چې له امریکايي پلاوي سره یې په دې اړه لنډې خبرې کړي؛ خو په مقابل کې یې د امریکا او ګوانتانامو په زندانونو کې د افغان زندانیانو د خوشې کولو موضوع هم مطرح کړه.
![](https://www.ariananews.af/wp-content/uploads/2024/07/Patel.jpg)
د امریکا بهرنیو چارو وزارت ويلي، امریکايي استازو د دوحې په درېیمه غونډه کې د اسلامي امارت له استازو سره په افغانستان کې د زنداني امریکايي اتباعو د خلاصون په اړه خبرې کړې دي.
د امریکا بهرنیو چارو وزارت مرستیال ویاند ویډانت پټیل په یوه خبري کنفرانس کې ویلي، د افغانستان لپاره د امریکا ځانګړي استازي ټوماس ویسټ د دوحې په درېیمه غونډه کې پر اسلامي امارت فشار راوړ، چې په افغانستان کې زنداني امریکايي وګړي خوشې کړي.
ویډانت پټېل زیاته کړې، دا د دوی دوامداره غوښتنه ده او دوی په افغانستان کې د زنداني امریکايي وګړیو پر بې شرطه خوشې کولو ټینګار کوي.
نوموړی وایي: د امریکا ځانګړي استازي ټوماس ویسټ په افغانستان کې په ناحقه د نیول شویو امریکايي وګړیو د سمدستي او غیر مشروطه خوشې کیدو پر اړتیا ټینګار وکړ او څرګندوي، چې که بندیان خوشې نشي د طالبانو په رسمیت پېژندلو کې به د پرمختګ مخه ونیسي.
د اسلامي امارت ویاند او د دوحې د درېیمې ناستې د پلاوي رییس ذبیح الله مجاهد ويلي، چې له امریکايي پلاوي سره یې په دې اړه لنډې خبرې کړي؛ خو په مقابل کې یې د امریکا او ګوانتانامو په زندانونو کې د افغان زندانیانو د خوشې کولو موضوع هم مطرح کړه.
که څه هم اسلامي امارت له ګاونډ او سیمې له هېوادونو سره ښې اړیکې لري؛ خو له غرب او په ځانګړي توګه له امریکا سره یې اړیکې ترینګلي دي او اسلامي امارت امریکا د خپل نړیوال مشروعیت پر وړاندې تر ټولو لوی خنډ ګڼي.
تازه خبرونه
د چاپان سفیر د بلخ مرستیال والي ته د همکاریو ډاډ ورکړ
د افغانستان په چارو کې د جاپان سفیر تاکایوشي کورمایا د خپلو خبرو پر مهال ویلي؛ دوي هوډ لري، چې په روغتیایي، سوداګریزو او يوشمېر نورو برخو کې خپل فعاليتونه نور هم وغځوي.
![](https://www.ariananews.af/wp-content/uploads/2024/07/japan.jpg)
د بلخ مرستیال والي نورالهادي ابوادریس د افغانستان لپاره د جاپان هېواد د سفیر تاکایوشي کورمایا پر مشرۍ له یوه پلاوي سره په خپل کاري دفتر کې وکتل.
د بلخ ولایت مقام د رسنیو مرکز په ایکس پاڼه کې لیکلي: د دغې کتنې پر مهال د ملګروملتونو پراختيايي پروګرامونو رییس استیون رودریګز او سیمهییزو چارواکو ګډون درلود.
د بلخ مرستیال والي د چاپان هېواد د یوه شمېر پرمختيايي پروژو له پلي کېدا څخه د مننې تر څنګ وبلي: اوسمهال په ټول هېواد کې بشپړ امنیت ټینګ دی او تاسې کولی شئ، چې په دې هېواد کې د پانګهاچونې ترڅنګ ښه همکاري وکړئ.
نوموړي د پاکو ابو نشتوالي، د چګډمونو جوړولو ،له کرنې ملاتړ، د آمو سیند غاړې بنسټیزه بيارغونه، د پرمختيايي او بڼسټیزو پروژو پلي کولو، د ساري ناروغیو د درملنې، د روغتیايي پرسونل پر ظرفیت لوړونې، په لرې پرتو سیمو کې د روغتیايي مرکزونو جوړولو او د جاپان د مرستو او دوامدارې همغږۍ په تړاو د مرستې غوښتنه وکړه.
د افغانستان په چارو کې د جاپان سفیر تاکایوشي کورمایا د خپلو خبرو پر مهال ویلي؛ دوي هوډ لري، چې په روغتیایي، سوداګریزو او يوشمېر نورو برخو کې خپل فعاليتونه نور هم وغځوي.
تاکایوشي وایي: زمونږ د سفر موخه د دې ولایت پر روانو حالاتو او تطبيق شویو پروژو او د دې ولایت اساسي اړتياوي د سروي ترڅنګ ستونزو ته د حل لارې پېدا کول دي.
نوموړي زیاته کړې:د اسلامي امارت له راتګ سره په دې هېواد کې بشپړ امنيت شتون لري او مونږ هم هڅه کوو، چې خپلې زیاتي پروژې پلې کړو.
ویل کیږي، چې د جاپان سفیر د همکاريو د ډاډ ترڅنګ ويلي: چې نړۍ به له افغانستان سره تعامل ته وهڅوي. مونږ نه یوازې د افغانستان تر څنګ ولاړ یوو، بلکې د افغانانو په کورنیو چارو کې مداخله نه کوو او دیني، ملي او کلتوري ارزښتونو ته مو درناوی لرو.
نور اړوند خبرونه:
جاپان دې د تکنالوژۍ او کانونو په برخه کې پانګونه وکړي – عبدالسلام حنفي
-
لوبی4 days ago
د افغانستان فوټسال لوبډله په دوستانه سیالیو کې له مراکش سره لوبیږي
-
لوبی4 days ago
کوهلي په ۲۰ اوریز نړیوال جام کې د هندوستان له اتلولۍ وروسته استعفا وکړه
-
لوبی3 days ago
درې افغان لوبغاړي د ۲۰ اوریز نړیوال جام سیالیو په غوره لوبډله کې راغلل
-
تازه خبرونه3 days ago
د ښځو له بشپړې ونډې پرته افغانان موخې ته رسېدلی نشي – کاناډا
-
تازه خبرونه2 days ago
له ابو نصر فراهي بندر څخه افغانستان ته د مالونو لېږد اته برابره زیات شوی – ایران
-
د هوا حالاتو بدلونونه2 days ago
په هلمند ولایت کې هوا بېساري توده ده
-
تازه خبرونه4 days ago
د چین او ترکمنستان چارواکو د سیمې د بهرنیو چارو وزیرانو پر راتلونکې غونډه خبرې وکړې
-
سوداگري4 days ago
په ازبکستان کې د افغانستان د تولیداتو درې ورځنی نندارتون جوړېږي