Connect with us

تازه خبرونه

له ارګ سره د هوکړې له مخې په حکومت کې د عبدالله عبدالله ځای

خپور شوی

د

(Last Updated On: غویی ۲۲, ۱۳۹۹)

ولسمشر غني ته نږدې یوې سرچینې ویلي، چې د ارګ او سیپیدار تر منځ د سیاسي هوکړې له مخې به عبدالله عبدالله د پخلاینې شورا د مشر په توګه غوره شي.

سرچینې، چې ون غوښتل نوم یې یاد شي؛ آرین نیوز ته ویلي، چې دا پریکړه به د رایو پر بنسټ وي او د عبدالله عبدالله دواړه مرستیالان به هم د پخلاینې شورا د مرستیالانو په توګه وټاکل شي.

ولسمشرۍ ماڼۍ ته نږدې سرچینې وايي، چې دواړه خواوې سیاسي هوکړې ته ډېر نږدې دي.

آریانا نیوز ته د رسیدلي نولړ له مخې:

۱: عبدالله عبدالله د پخلاینې شورا د رییس په توګه

۲: د ښاغلي عبدالله دواړه مرستیالان د پخلاینې شورا د مرستیالانو په توګه

:۳: د پخلاینې شورا به دوه کمیټې او یوعمومي مجلس ولري

:۴: د سولې وزارت به له پخلاینې شورا تړلی وي

:۵: عبدالله عبدالله به د کابینې یا امنیت شورا غړی نه وي

:۶: عبدالله عبدالله به بیا هم د ګوښه کولو او نصبولو واک ونلري

:۷: د جنرال عبدالرشید دوستم لپاره هم د مارشال مسله نهایی شوې نده؛ خو کیدی شي، چې ۴ قومي مشرانو ته رتبې ورکړ شي.

۸: د دولت عالي شورا د مشورې ورکولو په موخه جوړیږي

۹: د خبرو اترو ډله به له همدې پتې کار کوي

۱۰: د پخلاینې شورا له دوه ډېر مرستیالان ولري

۱۱: له پایلې وروسته به وروستۍ پرېکړه د ملي شورا لخوا اعلان شي

۱۲: د کابینې په کچه به د عبدالله عبدالله اړوندان شتون ولري

۱۳: د عبدالله عبدالله ډله پر کورنیو چارو او یو شمېر کلیدي وزارتونو ټینګار کوي؛ خو په دې هوکړه نده شوې

۱۴: د عبدالله عبدالله یو څو کسان به د کابینې غړي وي؛ خو د ګومارنې واک به نلري.

۱۵: د یادې هوکړې د لاسلیک نېټه تردې دمه په ډاګه شوې نده

د یادونې ده، چې عبدالله عبدالله تر دې دمه په دې اړه څه ندي ویلي.

تازه خبرونه

امریکا په افغانستان کې له هوايي بریدونو وروسته له پاکستان څخه د زغم غوښتنه وګړه

Published

on

(Last Updated On: کب ۲۹, ۱۴۰۲)

امریکا د دوشنبې پر ورځ له پاکستان څخه وغوښتل، چې په افغانستان کې د ترهګرۍ پر ضد په خپلو عملیاتو کې له زغمه کار واخلي.

د د سپینې ماڼۍ ویاندې کارین ژان پیر د دوشنبې پر ورځ (د کب اته‌ویشته) ویلي، چې اسلامي امارت باید ډاډ ورکړي، چې له افغانستان څخه ترهګریز بریدونه پرې نکیږي.

د نوموړې غږ له هغې وروسته راپورته شو، چې د اسلامي امارت ویاند ذبیح الله مجاهد د پکتیکا او خوست ولایتونو پر دوه ولسوالیو د یکشنبې پر شپه د پاکستان هوايي بریدونه وغندل او دا یې د افغانستان پر خاوره تېری یاد کړ.

مجاهد په یوه خبرپاڼه کې ویلي، چې د پاکستان هوايي ځواکونو د پکتیکا ولایت د برمل ولسوالۍ په لمنه او د خوست ولایت د سپېرې ولسوالۍ په افغان دوبي سیمو کې د استوګنې پر کورونو بمبارد کړې دی.

د نوموړي د څرګندونوله مخې؛ په دغو هوايي بريدونو کې درې ښځې او درې ماشومان په پکتيکا او دوه ښځې په خوست ولایت کې وژل شوي دي.

ژانپیرد خبریالانو د یوې پوښتنې په ځواب کې ویلي: مونږ پر پاکستان د بریدونو او په افغانستان کې له بریدونو څخه د ملکي وګړو پر مرګ او ژوبله خواشیني یوو.

د سپینې ماڼۍ دې ویاندې له اسلامي امارت څخه غوښتي، چې تروریستي ډلو ته د بریدونو اجازه ورنکړي.

هغه وایي: مونږ له طالبانو [اسلامي امارت] څخه غوښتنه کوو، چې تروریستي بریدونه به د افغانستان له خاورې نه کیږي. مونږ له پاکستان څخه هم غوښتنه کوو، چې له زغم څخه کار واخلي او ډاډ ترلاسه کړي، چې په ترهګرۍ ضد هڅو کې ملکي وګړیو ته زیان ونه‌رسیږي.

ژان پیر د پاکستان او اسلامي امارت له چارواکو وغوښتل، چې خپل اختلافات د خبرو له لارې حل کړي.

هغې زیاته کړې: مونږ غواړو دا ډاډ ترلاسه کړو، چې افغانستان به بیا هیڅکله د تروریستانو پر خوندي ځای بدل نشي او غواړو امریکا یا زمونږ نورو شریکانو یا متحدینو ته هم زیان ونه‌رسیږي. مونږ دا موضوع پوره روښانه کړې او په دې اړه ټینګ یوو.

له دې مخکې د پاکستان حکومت یوه خبرپاڼه خپره کړې، چې په کې راغلي؛ دا عملیات د استخباراتي معلوماتو پر بنسټ ” د حافظ ګل بهادر پر ترهګرې ډلې ” ترسره شوي دي.

په اعلامیه کې ویل شوي، چې بهادر ډله له تحریک طالبان پاکستان سره یوځای په پاکستان کې دننه د ګڼو ترهګریزو بریدونو مسووله وه، چې د سلګونو ملکي وګړو او امنیتي ځواکونو د مرګ او ژوبلې لامل شوې.

په اعلاميه کې دا هم راغلي، چې پاکستان په تېرو دوه کلونو کې څو ځلې له اسلامي امارت سره په افغانستان کې د تحریک طالبان پاکستان په ګډون د ترهګرو ډلو د شتون په اړه خپلې اندېښنې شریکې کړې دي.

د افغانستان اسلامي امارت تل ويلي؛ هیڅ ډلې ته به اجازه ورنکړي، چې د افغانستان خاوره د کوم هېواد پر ضد وکاروي.

Continue Reading

تازه خبرونه

افغانستان د پاکستان سفارت چارسمبالی احضار کړ

Published

on

(Last Updated On: کب ۲۸, ۱۴۰۲)

د افغانستان اسلامي امارت بهرنیو چارو وزارت د پاکستانيو پوځیانو له‌خوا د افغانستان له حریمه د سرغړونې په غبرګون کې د پاکستان سفارت چارسمبالی احضار او احتجاج‌لیک یې ورته وسپاره.

د افغانستان اسلامي امارت د بهرنیو چارو وزارت د څرګندونو له مخې؛ افغانستان د نړۍ د زبرځواکونو پرخلاف د ازادۍ د اوږدې مبارزې تجربه لري،  پخپله خاوره تېری نشي زغملی.

پاکستانی ولس او نوی ملکي حکومت باید پرېنږدي، چې ځینې کړۍ پر غیر مسوولانه کړنو خپل غلط سیاستونه روان وساتي او د “دوه مسلمانو ګاونډ هيوادونو” اړیکې خرابه کړي.

Continue Reading

تازه خبرونه

افغان سرحدي ځواکونو فرضي کرښې ته نږدې د پاکستان پوځي مرکزونه وویشتل

Published

on

(Last Updated On: کب ۲۸, ۱۴۰۲)

د افغانستان ملي دفاع وزارت نن (دوشنبه د کب اته‌ویشتمه) څرګنده کړې، چې د پاکستان جنګي او جاسوسي جیټ الوتکې یو ځل بیا د افغانستان خاورې ته ننوتلي او د پکتیکا په سپیرې او د خوست برمل ولسوالیو کې یې د ملکي خلکو پر کورونو بمبارډ کړی دی.

د دغه وزارت ویاند عنایت الله خوارزمي په ایکس پاڼه کې لیکلي، چې: د پاکستان د هوایي یرخل او تېري په ځواب کې افغان سرحدي ځواکونو د فرضي کرښې په اوږدو کې د پاکستان پوځي مرکزونه پر درندو وسلو ویشتي دي.

خوارزمي زیاته کړې، د هېواد دفاعي او امنیتي ځواکونه د هر ډول تېري ځواب ورکولو ته چمتو دي او په هر حالت کې به له خپلې ځمکنۍ بشپړتیا څخه دفاع کوي.

د پاکستان پر پوځي مرکز له خونړي برید وروسته د دغه هېواد لوړپوړو چارواکو د غچ اخیستو شعارونه ورکړل.

د پاکستان ولسمشر اصف علي زرداري ویلي: پاکستان پرېکړه کړې هر څوک، چې زمونږ پر پولو، زمونږ پر کور او یا زمونږ پر مالونو برید وکړي؛ مونږ به ورته سخت ځواب ورکړو، هغه که هر څوک وي او د هر هېواد وي.

د پاکستان د ولسمشر له دغو څرګندونو یوه ورځ وروسته تېره شپه د دغه هېواد کشفي او جنګي الوتکو د پکتیکا پر برمل او د خوست په سپېره ولسوالیو بریدونه وکړل.

د پاکستان له خوا ادعا شوې چې په دغو بريدونو کې د ټي ټي پي يو قوماندان پر نښه شوى دى.

له دغه برید څو ساعته وروسته د پاکستان د وزیرستان له سیمې د ټي ټي پي د یاد قوماندان عبدالله شاه ویډیو کلیپ خپور شو.

دغه هوايي بریدونه د اسلامي امارت له سخت غبرګون سره مخ شوي دي.

ذبيح الله مجاهد دغه بریدونه غندلي او وايي، چې دا ډول پېښې به ډېرې بدې پايلې ولري، چې د پاکستان له کنټروله به بهر وي.

اسلامي امارت وایي، چې پاکستان باید د خپلې بې کفایتۍ او ناکامۍ پړه پر افغانستان وانه‌چوي.

دا په داسې حال کې ده، چې د پاکستان په هوايي بريدونو کې د پکتيکا درې ښځې او درې ماشومان وژل شوي او دوه نورو میرمنو د خوست په سپیره ولسوالۍ کې خپل ژوند له لاسه ورکړیدی.

Continue Reading

Trending

Copyright © 2022 Ariana News. All rights reserved!