تازه خبرونه
لس ایراني پوله ساتي د ایران په سیستان بلوچستان ولایت کې ووژل شول
دولتي رسنیو د کورنیو چارو وزارت د څرګندونو له مخې ویلي، له مشکوکو سني مسلمانو وسلوالو سره په وروستۍ نښته کې د دې هېواد ۱۰ پوله ساتي ځواکونه وژل شوي دي.
رویټرز راپور ورکړی، چې د شنبې پر ورځ د ایران په ناکرار سویل ختیځ ولایت سیستان بلوچستان کې لس ایراني پوله ساتي د وسلوالو د برید له کبله وژل شوي دي.
دولتي رسنیو د کورنیو چارو وزارت د څرګندونو له مخې ویلي، له مشکوکو سني مسلمانو وسلوالو سره په وروستۍ نښته کې د دې هېواد ۱۰ پوله ساتي ځواکونه وژل شوي دي.
جیش العدل د شنبې پر ورځ ناوخته په یوه خبرپاڼه کې د سیستان او بلوچستان ایالت پر ایراني پوځیانو د برید پړه پر غاړه واخیسته.
ویل کیږي، چې د ایران سیستان بلوچستان ولایت له ډېر وخت راپدېخوا یو ناکرار ولایت دی، چې په کې سرحدي ځواکونه له وسلوالو سره ښکېل پاتې دي.
تازه خبرونه
افغانستان پر اقتصادي مرکز بدلیدو لپاره علم او پلان ته اړتیا لري – امیر خان متقي
په بهرنیو چارو وزارت کې د ډیپلوماسۍ د اندتون ( انسټیټیوټ ) له خوا د دیپلوماسۍ یوه روزنیزه د وره پای ته ورسیده او نن پنجشنبه( د تلې درېیمه ترې د ۲۶ دولتي څانګو کارکوونکي فارغ شول.
امیرخان متقي په بهرنیو چارو وزارت کې د ډیپلوماټیکې روزنیزې دورې د فراغت په غونډه کې ویلي، چې دوی د افغانستان د جغرافیې، موقعیت او نړیوال وقار د ساتلو لپاره کار کوي.
د نوموړي د څرګندونو له مخې؛ هېواد به هغه مهال پرمختګ وکړي، چې افغانستان متحد، باثباته، له فساد او نشه يي توکو لرې وي.
امیرخان متقي وایي، له قضیو سره باید احساساتي چلند ونه شي، ځکه ډیپلوماسۍ حوصلې ته اړتیا لري.
د بهرنیو چارو وزارت چارسمبالي ویلي: په هره څانګه کې ډیپلوماسۍ ته اړتیا ده او دوی باید په دې څانګه کې وړتیاوې پیاوړي کړي.
امیرخان متي زیاته کړې؛ په ډيپلوماسۍ کې تر ټولو مهمه مسله تعقل او پلان جوړول دي، چې له ټکرونو سره مخ نشئ.
متقي وایي؛ دوی هڅه کوي، چې د افغانستان جغرافيه، موقعيت او نړيوال وقار وساتي. هېواد به هغه مهال پوره پرمختګ وکړي، چې افغانستان متحد، باثباته، له فساد او نشه يي توکو لرې وي.
ویل کیږي، چې په تېرو درې کلونو کې د دوی سټراټیژي او بریالۍ پالیسي د دې لامل شوې، چې په نړۍ کې د افغانستان ۴۰ سیاسي استازولۍ له کابل څخه رهبري شي او خلکو ته د قونسلي خدمات وړاندې کړي.
تازه خبرونه
د بریکس غړیو هېوادونو د نجونو پر زدهکړو د بندیز لرې کولو غوښتنه وکړه
دغه هېوادونه له ترهګرو ډلو څخه د آزاد، خپلواک او متحد افغانستان ملاتړ کوي.
د برکس ټولنې غړیو هېوادونو پرون (چارشنبه د تلې دوهیمه) په یوه ګډه خبرپاڼه کې له اسلامي امارت وغوښتل، چې د نجونو او ښځو پر زدهکړو او کار بندیز لرې کړي.
دغه هېوادونه له ترهګرو ډلو څخه د آزاد، خپلواک او متحد افغانستان ملاتړ کوي.
د بریکس په خبرپاڼه کې د افغانستان په اړه راغلي: اسلامي امارت باید د نجونو پر تعلیم بندیز لرې کړي،
بشري حقونو ته درناوی وکړي، د خپلو ټولو وګړو بنسټیز حقونه خوندي او په دې اړه کوټلي او ډاډمنې هڅې تر سره کړي، چې افغانستان د نورو پر ضد ونهکارول شي.
د افغانستان د کړکیچ د هواري په بهیر کې د ګاونډیو هیوادونو ګډون په سیمه کې د امنیت او ثبات له ټینګښت سره مرسته کولای شي.
اسلامي امارت هم د دې اعلان په اړه مثبت نظر لري؛ خو دوی د دغه سازمان همکاري او عملي تعامل غواړي او هیله لري، چې په راتلونکې غونډه کې د اسلامي امارت استازی په کې ګډون وکړي.
د اسلامي امارت د ویاند مرستیال حمدالله فطرت ویلي؛ دوی غواړي د دې ټولنې له غړیو هېوادونو سره عملي همکاري او اقتصادي تعامل ولري او هیله لري، چې په راتلونکې غونډه کې د افغانستان استازي هم حضور ولري، چې د دوی اندېښنو ته ځواب ووایي او د افغانستان مسایلو منعکس کړي
اسلامي امارت د بریکس غړو هېوادونو د نجونو د تعلیمي محدودیتونو د لرې کولو د غوښتنې په اړه څه نه دي ویلي.
ویل کیږي، چې د بریکس ټولنې غونډه د اسلامي امارت د استازي له حضور پرته د روسیې په کازان ښار کې د چین، هند، روسیې، ترکیې جنوبي افریقا، برازیل، ایران، مصر، متحده عربي امارتو او ایتوپیا په ګډون ترسره شوه.
تازه خبرونه
د ازبکستان هېواد راغلیو عالمانو د ارشاد، حج او اوقافو وزارت له چارسمبالي سره وکتل
نورمحمد ثاقب وایي: د ازبکستان هېواد د جېدو عالمانو او لوړ پوړو دولتي چارواکو راتګ د افغانستان د اسلامي امارت او افغان ولس سره د ښه ګاونډیتوب، نیک نیت، او ګډو متقابلو ګټو د تعامل اوهمکاریو ښکارندویي کوي.
د ارشاد، حج او اوقافو وزارت ویلي، چې د دې وزارت چارسمبالي نورمحمد ثاقب پر بلنه د ازبکستان هېواد د مسلمانانو د ادارې د مشر نورالدین خالق نظر پر مشرۍ مل پلاوي ته د ښه راغلاست تر څنګ ویلي؛ خوشاله یوو، چې د دوست ګاونډ هېواد ازبکستان د دیني عالمانو د پلاوي کوربتوب کوو.
نورمحمد ثاقب وایي: د ازبکستان هېواد د جېدو عالمانو او لوړ پوړو دولتي چارواکو راتګ د افغانستان د اسلامي امارت او افغان ولس سره د ښه ګاونډیتوب، نیک نیت، او ګډو متقابلو ګټو د تعامل اوهمکاریو ښکارندویي کوي.
نوموړي زیاته کړې: د ازبکستان هېواد د عالمانو دا سفر مونږ ته فرصت راکوي، چې د ګډو ارزښتونو او باورونو پر بنسټ نوې همکارۍ او اړیکې رامنځته کړو او د دې سفر له لارې به د یو او بل د کلتور، تاریخ او ارزښتونو په اړه د ښه پوهیدو زمینه برابره شي.
د ارشاد، حج او اوقافو وزارت چارسمبالی وایي: مونږ د نړیوالو او په ځانګړي توګه د اسلامي هېوادونو له وګړو څخه غوښتنه کوو، چې افغانستان ته سفرونه وکړي او حالات له نږدې وڅاري.
د ازبکستان هېواد د مسلمانانو د ادارې مشر نورالدین خالق نظر د سفر له بلنې د مننې تر څنګ ویلي؛ دا سفر زمونږ د ګډو ارزښتونو او باورونو د پیاوړتیا لپاره یو ارزښتناک فرصت دی او زه خوشحاله یم، چې له تاسې سره یم.
نوموړي زیاته کړې: ازبکستان او افغانستان دواړه اسلامي او اونډي هېوادونه دي او په دیني، کلتوري، مذهبي چارو کې زیات ورتهوالی لري او د اړیکو د پوره ټینګښت او د همکاریو د پراختیا لپاره زمونږ دغه شان سفرونه او لېدنې ګټوري او حیاتي دي.
ویل کیږي، چې د ازبکستان هېواد د جېدو عالمانو پلاوی به د افغانستان اسلامي امارت له لوړ پوړیو چارواکو او عالمانو سره د لیدنو ترڅنګ د هېواد له تاریخي، مقدسو او مشهورو ځایونو هم لیدنه وکړي.
-
لوبی5 days ago
د افغانستان کرکټ بورډ د بنګله دېش پر وړاندې د یو ورځني لوبلړ نوملړ په ډاګه شو
-
لوبی5 days ago
د افغانستان کرکټ الف لوبډلې د هانګ کانګ پر وړاندې ماته وخوړه
-
تازه خبرونه4 days ago
د ایران او هند مشران د افغانستان په اړه وغږېدل
-
لوبی5 days ago
تاجکستان د افغانستان له والیبال ملي لوبډلې لوبه وګټله
-
سیمه ییز خبرونه3 days ago
د انقرې پر هوايي چلند او فضايي صنایعو د برید له کبله ۲۷ کسانو ته مرګ او ژوبله اوښتې
-
تازه خبرونه3 days ago
د بریکس غړیو هېوادونو د نجونو پر زدهکړو د بندیز لرې کولو غوښتنه وکړه
-
نړۍ4 days ago
اسرائیلو په ۴۸ ساعتونو کې د حزب الله درې قومندانان او ۷۰ جنګیالي ووژل
-
روغتيا5 days ago
د کابل په ۴۰۰ بستریز روغتون کې د زړه د تومور عملیات بریالي ترسره شول