سیمه ییز خبرونه
قطر د نړیوال جام په سیالیو کې کارول شوي ۱۰۰۰۰ کورونه ترکیې او سوریې ته ډالۍ کړل
(Last Updated On: )
د تېر کال د فیفا نړیوال جام کوربه هېواد قطر د اړوند سیالیو د ګډونوالو لپاره جوړ شوي ۱۰۰۰۰ ګرځند کورونه د ترکیې او سوریې د زلزلې له کبله د اغېزمنو سیمو خلکو ته ډالۍ کړل.
د تېرې دوشنبې پر ورځ ( د سلواغې ۱۷ / د فبرورۍ ۶ ) له ۷.۸ درجې زلزلې او وروستیو ټکانونو څخه لږ تر لږه ۴۱۰۰۰ کسان مړه شوي او دغه ناورین د دواړو هېوادونو په ښارونو کې ویجاړوونکې اغېزې کړې دی.
په ترکیه کې له یو میلیون ډېرو خلکو خپل کورونه له لاسه ورکړي او وېره ده، چې دا شمېر په سوریه کې له دې هم ډېر وي.
د نړیوالو مرستندویې هڅې روانې دي، چې د دوی ډېرې هڅې تر خاورو لاندې د ژونديو پاتې کسانو پر ژغورلو خواړو رسولو، رواني پاملرنې او سرپناه برابرولو راڅرخي.
