تازه خبرونه
غواړو له نړیوال سټنډرډ سره سم ټرانسټورټي خدمات وړاندې کړو
د ټرانسپورټ او هوايي چلند وزارت چارواکو د خپلو یو کلنو هڅو په اړه د معلوماتو وړاندې کولو په خبري کنفرانس کې ویل، چې په تېر یو کال کې ځمکني او هوايي ټرانسپورټ د ښه کېدو په برخه کې د پام وړ هڅې شوي او دا لړۍ نوره هم د پراختیا په حال کې ده.
د ترانسپورت او هوايي چلند وزارت چارواکو ویلي؛ هڅه کوي، چې د هېواد ځمکني او هوايي ټرا نسپورټي خدمات له نړیوال سټنډرډ سره سم وړاندې کړو.
د ټرانسپورټ او هوايي چلند وزارت چارواکو د خپلو یو کلنو هڅو په اړه د معلوماتو وړاندې کولو په خبري کنفرانس کې ویل، چې په تېر یو کال کې ځمکني او هوايي ټرانسپورټ د ښه کېدو په برخه کې د پام وړ هڅې شوي او دا لړۍ نوره هم د پراختیا په حال کې ده.
دوۍ وایي؛ افغانستان ته مهمه ده، چې د هوايي الوتنو له لارې له سیمي او نړۍ سره خپلي اړیکي ټینګي وساتي اوهڅه کوي، هېواد د هوايي چلند په برخه کې له نړۍ سره سیال کړي.
د دې وزارت چارواکو ویلي، چې په تېر یو کال کې د هېواد له هوايي حریم څخه ۴۰۰۱۶ عبوري الوتنې تر سره شوي او ۱۲۵۰۳ الوتنې مود هېواد له هوايي ډګرونو کړې دي.
د ټرانسپورټ او هوايي چلند وزارت د هوايي چلند عملیاتي مرستیال فتحالله منصورویلي، چې په تېر یو کال کې د هېواد له فضا څخه څلوېښت زره او شپاړ لس عبوري الوتنې شوي، چې د هرې الوتنې له درکه افغانستان ته ۷۰۰ امریکايي ډالر ورکول کیږي.
د ټرانسپورټ او هوایي چلند وزارت د چارواکو د څرګندونو له مخې؛ په تېر یوه کال کې د ځمکني ټرانسپورټ د تنظیم په برخو کې هم د پام وړ هڅې تر سره او د واټ ټرانسپورټ په اړه ۲۸ پروژې بشپړې شوي دي.
دوی زیاته کړې، چې په تېر یو کال کې له افغانستان څخه سیمي او ګاونډ هېوادونو ته پېنځه سوه اووه څلوېښت زره او ۳۸ بار وړونکیو او همداراز له درې میلیون او اووه سوه زره ۲۳ څخه زیات مسافر وړو نکیو موټرونو تګ راتګ کړی دی.
د ټرانسپورت او هوایي چلند وزارت مالي مرستیال صدیق الله عابد وایي: ټرانسپورت وزارت د هېواد والو په سفرونو او اقتصادي فعالیتونو کې مهم رول تر سره کړی. تېر کال دې وزارت لاسته راوړني درلودي مونږ هوايي چلند له صفره پیل کړ او دا دی ورځ تر بلي د پراختیا په حال کې یوو.
د ټرانسپورټ وزارت د واټ ټرانسپورټ مرستیال عبدالستار حیدري ویلي: د ټرانسپورټ په برخه کې، چې کوم عواید راټول شوي؛ هغه ټول د هېواد په ابادۍ او د خدماتو د پراختیا او منظم کولو لپاره لګول شوي او ترمنیلونو او اډو معیاري کولو بهیر مو روان ساتلی دی.
د ټرانسپورټ او هوايي چلند وزارت چارواکو زیاته کړې؛ له کندهار، بلخ، هرات، کابل، خوست هوايي ډګرونو څخه نړیوالو الوتنو تر سره کولو ترڅنګ هېواد ته له آریانا افغان هوايي شرکت او کامیر ترڅنګ د العربیه، ترکیش، فلای دوبۍ، ایران ایر، ماهان، کیش، تابان په ګډون نورو لویو هوايي شرکتونو هم له افغانستان څخه د خپلو فعالیتونو د پیل لیوالتیا ښودلې ده.
تازه خبرونه
په هرات کې د ټاپي نللیکې ۱۴ کیلومټره کار بشپړ شو – عبدالله یوف
د هرات والي دفتر نن (پنجشنبه) په یوه رسنیزه خبرپاڼه کې څرګنده کړې، چې عبدالله یوف د ټاپي پروژې د پرمختګ په اړه یو لنډ راپور له والي اسلام جار سره شریک کړ.
په افغانستان کې د ټاپي پروژې مشر بګنج عبدالله یوف د هرات له والي نور احمد اسلام جار سره وکتل او په دې ولایت کې یې د نللیکې د غځولو د بهیر له چټکتیا خبر ورکړ.
د هرات والي دفتر نن (پنجشنبه) په یوه رسنیزه خبرپاڼه کې څرګنده کړې، چې عبدالله یوف د ټاپي پروژې د پرمختګ په اړه یو لنډ راپور له والي اسلام جار سره شریک کړ.
د یادې خبرپاڼې له مخې، د ټاپي پروژې مشر د اړینو آسانتیاوو په برابرولو کې د دې ادارې له همکارۍ ستاینه وکړه او اعلان یې وکړ، چې د ۱۴ کیلومټره پایپ ایښودلو کار بشپړ شوی او سربېره پردې د پروژې ۲۴ کیلومټره لار هم پخه شوې ده.
په دې غونډه کې د هرات والي هم د دې پروژې د کار د پرمختګ په برخه کې د ټاپي پروژې د چارواکو له هڅو هرکلی وکړ او په افغانستان کې یې د ټاپي پروژې مشر ته د کار د چټک پرمختګ لپاره د اړینو اسانتیاوو په برابرولو کې د سیمهییزې ادارې له بشپړې همکارۍ ډاډ ورکړ.
تازه خبرونه
طارق علي بخیت د افغانستان په اړه له جاپاني چارواکو سره وکتل
د اسلامي همکاریو ټولنې په یوه رسنیزه خبرپاڼه کې ویلي، چې په دې ناسته کې په ټولیزه توګه د افغانستان پر اوسني وضعیت راوڅرخېدل او د دې ټولنې او جاپان ترمنځ یې د بشري همکاریو د زیاتولو لارې چارې وارزول شوې.
د افغانستان د چارو لپاره د اسلامي همکاریو ټولنې ځانګړي استازي طارق علي بخیت د افغانستان په اړه د جاپان د بهرنیو چارو وزارت د مرستیال کامډا ماسایوکي پر مشرۍ له جاپاني پلاوي سره خبرې اترې کړې دي.
د اسلامي همکاریو ټولنې په یوه رسنیزه خبرپاڼه کې ویلي، چې په دې ناسته کې په ټولیزه توګه د افغانستان پر اوسني وضعیت راوڅرخېدل او د دې ټولنې او جاپان ترمنځ یې د بشري همکاریو د زیاتولو لارې چارې وارزول شوې.
د دې خبرپاڼې له مخې؛ دواړو خواوو د افغانانو د بېړنیو اړتیاوو د پوره کولو لپاره د پرلهپسې همکارۍ پر اړتیا ټینګار وکړ.
په دې رسنیزې خبرپانه کې راغلي، چې په جده کې د جاپان جنرال قونسل او د هغه مرستیال هم په پلاوي کې برخه لرله.
دا په داسې حال کې ده، چې دا ناسته د سعودي عربستان په جده ښار کې د افغانستان د چارو لپاره د اسلامي همکاریو ټولنې د ځانګړي استازي په دفتر کې شوې ده.
تازه خبرونه
افغان بېسیم د ننګرهار په کوزکوڼر ولسوالۍ کې یو نوی سایټ فعال کړ
د افغان بېسیم چارواکو د څرګندونو له مخې؛ د دې سایټ پر جوړولو زرګونو کورنیو مخابراتي او انټرنیټي خدماتو ته لاسرسی موندلی دی.
د افغان بېسیم مخابراتي شرکت چارواکو ويلي، چې د ننګرهار ولایت په کوزکوڼر ولسوالۍ کې یې یو نوی سایټ فعال کړی دی.
د افغان بېسیم چارواکو د څرګندونو له مخې؛ د دې سایټ پر جوړولو زرګونو کورنیو مخابراتي او انټرنیټي خدماتو ته لاسرسی موندلی دی.
دوی زیاته کړې، چې افغان بېسیم به ډېر ژر په دې سیمو کې د ۴جي 4G انټرنیټي خدمتونه هم فعال کړي.
دغه راز د ننګرهار مخابراتو او معلوماتي ټکنالوژۍ ریاست چارواکو ويلي، چې د دې ولایت لرې پرتو سیمو ته د مخابراتي خدمتونو د غځولو لپاره هڅې روانې دي.
له بلې خوا په ننګرهار کې د اټرا ادارې مشر رحیم الله شینواري ویلي، چې د افغان بېسیم د نوي سایټ له فعالیدو سره به ۲۵ زره کورنیو ته مخابراتي او انټرنیټي خدمتونه وړاندې شي.
د کوزکوڼر ولسوالۍ اوسېدونکو د مخابراتي او انټرنیټي خدمتونو ته د لاسرسي له کبله خپله خوښي څرګنده کړې او په ننګرهار کې یې د مخابراتي خدمتونو د نورې پراختیا غوښتنه کړې ده.
دا په داسې حال کې ده، چې په دې وروستیو کلونو کې د افغان بېسیم مخابراتي شبکې خپل مخابراتي او انټرنیټي خدمتونه د هېواد ډېرو لرې پرتو سیمو ته غځولي دي.
تحول: په غزه کې د کړکېچ زیاتېدو د عواملو ارزونه
څار: له ګاونډ هېوادونو څخه د افغان کډوالو پر ایستلو نیوکې
په هرات کې د ټاپي نللیکې ۱۴ کیلومټره کار بشپړ شو – عبدالله یوف
د پاکستان او ازبکستان استازو پر افغان – ټرانس پروژې خبرې وکړې
طارق علي بخیت د افغانستان په اړه له جاپاني چارواکو سره وکتل
په تورخم کې د سکینر د تخنیکي ستونزې له کبله پاکستان ته صادرات ودرول شول
افغانستان د خواف-هرات اوسپنې پټلۍ له لارې اروپا ته صادراتي توکي ولېږدول
د اټومي انرژۍ په اړه د خبرو ناکامېدا به له ایران سره جګړه شونې کړي – فرانسه
بلغاریا پېنځه کسان د ۱۸ افغان کډوالو د وژنې پر تور محاکمه کوي
په تورخم کې راستنېدونکو ته منظم، چټک او معیاري خدمتونه وړاندې کېږي
تحول: په غزه کې د کړکېچ زیاتېدو د عواملو ارزونه
څار: له ګاونډ هېوادونو څخه د افغان کډوالو پر ایستلو نیوکې
تحول: د امریکا د نړیوال سیاست ارزونه
څار: له ترهرګریزو ګواښونو سره د مبارزې لپاره ګډه همکاري
تحول: په کابل کې د افغان – قزاق سوداګریز فورم پرانیسته
-
تازه خبرونه5 days agoآریانا هوايي شرکت چین ته د اوونیزو الوتنو له زیاتېدا خبر ورکړ
-
لوبی3 days agoد افغانستان الف کرکټ لوبډلې د سریلانکا پر وړاندې ماتې وخوړه
-
تازه خبرونه4 days agoد افغانستان لپاره د امریکا نوې استازې یوه افغانيالاصله میرمن غوره شوه
-
سیمه ییز خبرونه3 days agoپه هندي کشمیر کې وسلوالو له ۲۰ ډېر سیلانیان ووژل
-
تازه خبرونه4 days agoپه روسیه کې د افغانستان محصولات نندارې ته وړاندې کېږي
-
سوداگري2 days agoد پاکستان او ازبکستان استازو پر افغان – ټرانس پروژې خبرې وکړې
-
د هوا حالاتو بدلونونه3 days agoیوې ۶.۲ درجې زلزلې استانبول ولړزاوه
-
تازه خبرونه2 days agoافغان بېسیم د ننګرهار په کوزکوڼر ولسوالۍ کې یو نوی سایټ فعال کړ