Connect with us

تازه خبرونه

عطا محمد نور له خپلو پلویانو غوښتي، چې پراخو لاریونونو ته چمتو شي

خپور شوی

د

(Last Updated On: لړم ۳, ۱۴۰۱)

ata

د بلخ والي عطا محمد نور له خپلو پلويانو غوښتي، چې نارنجي او زرغونو اعتراضونو ته تياري ونيسي.

د بلخ والي دا ځل له خپلو پلويانو غوښتي، چې په زرغونو او نارنجي اعتراضونو کې پراخو لاریونونو ته چمتو شي.
د بلخ والي عطا محمد نور ویلي، چې د اصلاحاتو او همپالنې د ټاکنیز ټیم د حق د تر لاسه کولو په دریځ کې به داسې اقدامات وکړي، چې د افغانستان د خلکو حقونه حصول شي.
نور همداراز وایي، د یوه کاندید په ګټه له ډکو صندوقونو څخه په پرانیستو سترګو تېرېږي او ځواب یې هم چوپتیا ده. د ټاکنو کمیسیون، حکومت او ملګري ملتونه د رایو د تفتیش په پروسه کې ناکام شوي او په دې نه دي توانېدلي، چې د اصلاحاتو او همپالنې د ټاکنیز ټیم غوښتنو ته رسیدګي وکړي.
بلخوا د عبدالله عبدالله دوهم مرستیال محمد محقق وایي، که د تفتیش پاېله اعلام شوه، کړکېچ به را منځته شي. کوم کړکېچ، چې د ده په خبره د درغلیو د اعلان نتیجه به وي.
بلخوا د تحول او تداوم ټیم غړی فیض الله ذکي وایي، چې دا حرکتونه به نتیجه ورنکړي او هېڅ ډاډ نشته، چې زرغون او نارنجي حرکتونه په تورو او سرو حرکتونو بدل نه شي.
مخکې له دې هم کابل کې پراخ لاریونونه وشول، چې څو اوونۍ یې دوام وکړ. د لویې جرګې په تالار کې اعتراضي غونډې او اعتراضونو د امریکا د بهرنیو چارو وزیر اړ کړ چې کابل ته راشی.
اوس به ولیدل شي، چې دا کړکېچ به کوم حد ته ورسېږي، ایا دا ځل به هم د دغه حالت د ماتولو لپاره کوم امریکایی چارواکی اقدام کوي او که نه؟

Advertisement

تازه خبرونه

د ټاپي ګاز شرکت اجرائیه رییس د پروژې له پرمختګه خوښ شو

Published

on

(Last Updated On: وری ۹, ۱۴۰۳)

د کانونو او پټرولیم وزیر شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګ په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه ډخوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

تازه خبرونه

تحول: په افغانستان کې د بریټانیا د پوځي ماموریت ارزونه

Published

on

(Last Updated On: وری ۹, ۱۴۰۳)

Continue Reading

تازه خبرونه

په فاریاب او سرپل کې سېلابونو ځاني او مالي زیانونه اړولي

Published

on

(Last Updated On: وری ۹, ۱۴۰۳)

سیمه‌ییزو چارواکو ویلي؛ د سېلابونو له کبله دوه کسانو خپل خوږ ژوند له لاسه ور کړی او د مالي زيانونو تر څنګ د دې دوه ولايتونو د يو شمېر ولسواليو د تګ راتګ لارې هم تړل شوې دي.

دوی زياته کړې، چې پر کرنيزو ځمکو، استوګنې کورونو، د ښار او کلي تر منځ د پلونو پر نړېدو سربېره سېلابونو د خلکو ژوند له ستونزو سره مخ کړى دى.

د يادونې ده، چې د سېلابونو له کبله زيانمنې شوې کورنۍ له دولت او مرستندويه ادارو څخه د بېړنیو مرستو غوښتنه کوي.

Continue Reading

Trending

Copyright © 2022 Ariana News. All rights reserved!