تازه خبرونه
طالب ویاند ذبیح الله مجاهد په کابل کې لومړنۍ خبري ناسته ترسره کړه
طالب ویاند ذبیح الله مجاهد د سې شنبې پر شپه له ماښام وروسته د زمري پر ۲۶ د کابل په رسنیو مرکز کې خبریالانو ته څرګنده کړه، چې طالبان له ۲۰ کلنو هڅو وروسته بریالي شول، چې بیا هم د بهرنیو نیواک ته د پای ټکی کېدي.
ذبیح الله مجاهد په لومړنۍ رسنیزه ناسته کې پر اوسني وضعیت یو څه رڼا واچوله او د کابل اوسیدونکیو ته یې ډاډ ورکړ، چې امنیت یې ورځ تر بلې د ډاډ وړ کیږي.
هغه په ډاګه کړې، طالبانو د جګړې د مخنیوي لپاره عمومي بښنه اعلان کړه او هیڅوک له هیچا غچ اخیستلی نشي.
د نوموړي د څرګندونو له مخې: هغه چا، چې له امریکایانو سره هم کار کړی ډاډمن اوسېدلی شي؛ پرته له وېرې او خطره خپل کارونه او دندې ترسره کولی شي.
د ښځو او نجونو د حقونو په اړه هغه په ډاګه کړې، چې د شریعت له احکامو سره سم د کار او زدکړو حق لري او هڅې یې د درناوي وړ دي.
هغه وایي؛ میرمنې د ټولنې یوه برخه ده او له همدې کبله په هر ځای کې، چې ورته اړتیا وي؛ کار کولی شي.
دغه راز هغه نړیوالې ټولنې ته هم ډاډ ورکړ، چې د افغانستان خاوره به د نورو هېوادونو پر وړاندې ونکارول شي.
مجاهد د خبریالانو پوښتنو ته د ځواب په یوه برخه کې وایي؛ پخوانی حکومت ضعیف و او د امنیتي ژمنو په پوره کولو کې پاتې راغی. د افغانستان ټول خلک کولی شي د هېواد په پرمختګونو کې ونډه واخلي او خپلې نوښتګرې هڅې ترې ونه سپموي.
د رسنیو د خبري هڅو په اړه ذبیح الله مجاهد وویل، چې طالبان د ملي او خصوصي رسنیو هڅې اړینې بولي او ځانګړي رسنیز بنسټونه کولی شي خپلې خپرونې روانې وساتي او هغه څه خپاره نکړي، چې له اسلامي او ملي ارزښتونو سره په ټکر کې وي. دوی باید بې پرې وي او هیڅوک نشي کولی، قومي، سمتي، مذهبي او ژبنیو اختلافاتو ته لمن ووهي او په اړه یې تعصبي څرګندونې وکړي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ