تازه خبرونه
طالبان د ۲۰۱۸ کال تر ټولو خونړۍ ډله وپېژندل شوه
د آسترالیا د اقتصاد او سولې انستیتوت د نظر پوښتنې له مخې، په ۲۰۱۸ کال کې طالبان د نورو ټولو ډلو په پرتله وژونکي وه او ترې رامنځته شوي زیانونه درانده دي.
په آسترالیا کې د اقتصاد او سولې انستیتوت څرګنده کړې، چې په ۲۰۱۸ کال کې د طالبانو د تاوتریخوالي او زیانونو کچه شاوخوا یواویا سلنه زیاتوالی ښیي او په دې توګه یې طالبان تر ټولو خونړي نومولي دي.
د دغې څېړنې د نوملړ له مخې، طالبان تېر کال د شپږ زره یو سل و درې کسانو د تلفاتو عامل ول، چې د نړۍ په کچه د تاوتریخوالي اته دېرش سلنه جوړوي.
د مدني ټولنو د شبکې رییس عزیز رفیعي ویلي؛ په بنسټیزه توګه ټولې ډلې د رادیکالو، چپ او ښیو په ګډون که څه شرقي وي او که غربي د نننۍ نړۍ لپاره، چې زغم په کې ناشونی دی؛ ګواښوونکې دي.
د داعش جنګیالیو تاوتریخوالي د کمي په اړه دې بنسټ ویلي، د تېر کال بریدونه یې یواویا سلنه کم شوي دي.
نوې نظر پوښتنه ښیي، چې داعشیان تېر کال د یو زر و درې سوه اته ویشت کسانو د تلفاتو مسوول دي؛ خو څرګندوي، چې په تېر کال کې یې د نړۍ په کچه تاوتریخوالی ۱۵ سلنه کم شوی دی.
د ملي اردو متقاعد جنرال دولت وزیري ویلي، چې اصلي خبره داده، چې په افغانستان کې چا جګړې ته زمینه برابره کړې او دا کار طالبانو کړی. ترهغې، چې طالبان ونه غواړي د سولې له بهیر سره یوځای شي؛ نور وسلوال به هم جګړه روانه ساتي.
یو شمېر خواخوږي باوري دي، چې که طالبان همداسې خپلو بریدونو ته زور ورکړي او د سولې په تړاو ارزښتونه بابېزه وګڼي؛ کولی شي د پخلاینې بهیرهمدا راز شاته وغورځوي.
د افغانستان د سولې کور د بورد غړې نگینه یاري څرګنده کړې، چې داسې ډلې هم شته، چې ډېر مشروعیت غواړي؛ له شک پرته دا ډله کولی شي د سولې بهیر هم وننګوي.
طالبانودغه راپور رد کړی او له دې مخکې یې د یوناما هغه راپورونه هم رد کړي، چې طالبان یې په افغانستان کې د ملکي تلفاتو ستر سبب بللی و.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه2 days ago
راشد خان د افغان بیسیم سوداګریز سفیر شو