Connect with us

تازه خبرونه

طالبان سولې ته ژمن دي- ملا برادر

خپور شوی

د

(Last Updated On: لړم ۳, ۱۴۰۱)

د افغانستان د سیاسیونو د پلاوي مشر پخواني ولسمشر حامد کرزي او د طالبانو د پلاوي مشر ملا عبدالغني برادر د مسکو په کوربتوب د افغانستان او روسیې د سل کلنو دیپلوماتیکو اړیکو په لمنځغونډه ګډون وکړ.

د مسکو په کوربتوب دغه ناسته د سې شنبې پر ورځ( د غبرګولي ۷/ د می ۲۸) د کابل پر وخت له غرمې وروسته پیل شوه.

په دې غونډه کې د طالبانو سیاسي مرستیال ملا برادر په یوه لنډه وینا کې، چې د لومړي ځل لپاره یې د رسنیو په وړاندې خبرې کولې؛ وویل: طالبان سولې ته ژمن دي؛ خو لومړی باید نیواک، چې د سولې په وړاندې اصلي خنډ دی، پای ته ورسیږي.

ورپسې د روسیې او افغانستان د سل کلنو اړیکو په اړه د طالبانو دریځ د پلاوي غړي متقي وړاندې کړ.

 د حامد کرزي په مشرۍ سیاسي څېرو د جګړې ښکېلو خواوو تر منځ د اوربند غوښتنه وکړه. دوی له طالبانو غواړي، چې له افغانستان څخه د بهرنیو ځواکونو د وتلو لپاره له افغان حکومت او خلکو سره یو موټی شي.

پخواني ولسمشر حامد کرزي، د افغانستان د سولې عالي شورا مشر کریم خلیلي، د جمعیت اسلامي ګوند اجرائیوي مشر عطا محمد نور، د حکومت اجرائیوي ریاست مرستیال محمد محقق، د ولسمشر اشرف غني د ملي امنیت پخوانی سلاکار محمد حنیف اتمر، د بهرنیو چارو پخواني مرستیال حکمت کرزي، د حزب جنبش اسلامي مرستيال عبدالله قرلق او يو شمېر نورو سياستوالو په دې غونډه کې ګډون کړی و.

د روسیې د بهرنیو چارو وزیر سرګي لاوروف ویلي؛ روسیه قانع شوې، چې په افغانستان کې جګړه پوځي حل لار نلري. یوازې کولی شو په سیاسي او دیپلوماتیکو لارو سوله راولو. مونږ له افغانستان څخه د ټولو بهرنیوځواکونو د وتلو ملاتړ کوو او له ټولو ګوندونو او سیاسیونو هم غواړو، چې په بیړه خبرې پیل کړي.

ټاکل شوې، چې افغان پلاوی به له طالب پلاوي سره د چهارشنبی پر ورځ( د غبرګولي ۸) په مسکو کې د افغانستان د سولی او پخلاینې په اړه خبرې اترې وکړي او

او تمه ده، چې دواړه لوري د ناستې پای کې یوه ګډه اعلامیه هم خپره کړي.

دیادونې ده، چې په مسکو کې د افغانستان سفیر د خپل حکومت په استازیتوب په دې ناسته کې ګډون وکړ او دغې ناستې ته یې د بهرنیو چارو وزارت پیغام هم وړاندې کړ.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!