Connect with us

تازه خبرونه

طالبانو سل کسه کليوال له ځان سره وړي دي

خپور شوی

د

(Last Updated On: لړم ۳, ۱۴۰۱)

 

د ننګرهار په چپرهار ولسوالۍ کې د داعش او طالبانو تر منځ نښته شوې. د سیمه يیزو پولیسو یو قوماندان وايي وسله والو طالبانو له داعش سره د تړاو په تور سل کسان نیولي او نامعلوم ځای ته یې وړي.

ځايي استوګن وايي په نښته کې ډېر زیان دوی ته اوښتی. امنیتي مسولین نښته مني خو په دې اړه نورمعلومات نه ورکوي.

تېره اونۍ پچیراګام ولسوالي چې له چپرهار سره پر پوله پرته ده د داعش او طالبانو تر منځ د سختو جګړو شاهده وه. د څو ورځو په تېرېدو سره د جګړو لمن تر چپرهاره ورسېده.

نن له سهار راهیسې په ماڼو او ډاګو کې د داعش او طالب جنګیالیو تر منځ نښته روانه ده. د سیمې اوسېدونکي وايي په نښته کې تر لسو ډېر ملکي خلک مړه او ژوبل شوي.

په سیمه کې د سيمه ييزو پولیسو یو قوماندان جنت ګل وايي نښته سهار پر شپږو بجو پیل شوې او لا هم ډزې اوریېدل کېږي. هغه زياتوي وسله والو طالبانو د ماڼو او ډاګو کلي کلابند کړي او سل تنه يې له داعش سره د تړاو په تور نیولي او نامعلوم ځای ته یې وړي دي.

ځايي خلک وايي جګړه د امنیتي ځواکونو د استوګنې له سیمې یو کلیومتر لرې ده. دوی وايي له سهار راهیسې سلګونه کورنۍ د جګړې له امله په کورونو کې بندې دي.

د ننګرهار د امنیه قوماندانۍ ویاند حضرت حسين مشرقیوال وايي په نښته کې درې طالب جنګیالي وژل شوي او درې زخمیان دي. هغه وايي د داعش او ملکي خلکو د مرګ ژوبلې په اړه معلومات نه ورکوي.

په چپرهار کې په داسې حال کې طالبان سل تنه له داعش سره د تړاو په تور نیسي چې ویل کېږي په شينوارو کې ۲۷۰ تنه چې ډېر یې ملي وګړي دي داعش له طالبانو سره د تړاو په پار غمل کړي.

په ننګرهار کې د داعش او طالبانو تر منځ د نښتو اصلي قربانیان ملکي وګړي دي، خو حکومت لاهم دا نه مني او هڅه کوي چې دا مسایل له رسنیو پټ وساتي.

خبريال: رحمت الله زیارمل

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!