Connect with us

تازه خبرونه

طالبان د افغانستان د واقعیت یوه برخه ده – ایران

خپور شوی

د

(Last Updated On: سلواغه ۱۳, ۱۳۹۹)

ایران ته د طالب پلاوي د سفر په اړه تهران ویلي، چې طالبان د افغانستان د اوسني او راتلونکي واقعیت یوه برخه ده، نه ټوله.

د ایران بهرنیو چارو وزارت ویاند سعید خطیب زاده نن (دوشنبه د سلواغې ۱۳) ویلي: د ایران حکومت نه یوازې د افغانستان له اسلامي جمهوریت سره خورا نږدې اړیکې لري، بلکې مونږ هغه دوه هېوادونه یو، چې د ډېرو نوروهېوادونو پرپرتله تل د افغانستان د ملت او دولت له لاسته راوړو ملاتړ کوو.

خطیب زاده زیاته کړې؛ طالبان د افغانستان د اوسني او راتلونکي یوه برخه ده ، نه ټوله.

دغه ایراني ډیپلومات ویلي، چې د طالبانو سیاسي دفتر په دوحه کې دی او دا ډله په رسمي ډول په پاکستان او یو شمېر نورو هېوادونو کې هڅې لري.  دوی له افغان رسمي حکومت سره مستقیمې خبرې کوي.

د ایران د بهرنیو چارو وزارت ویان د زیاته کړې، چې تهران ته د طالبانو د سیاسي پلاوي د سفر خبر افغان حکومت ته ورکړ شوی و او په اړه یې ډېر څه تبادله شوې وه.

سعید خطیب زاده ویلي: دا لیدنه د افغان حکومت او طالبانو تر منځ د روانو خبرو په چوکاټ کې تر سره شوې ده.

دغه راز په قطر کې د طالبانو د سیاسي دفتر د مرستیال ملا برادر په مشرۍ د طالبانو پلاوي پرون د ایران د بهرنیو چارو له وزیر محمد جواد ظریف سره هم وکتل.

ډاکټر ظریف له طالب پلاوي سره په خبرو کې ویلي: د افغانستان پر ښو خلکو ظلم شوی دی او د افغانستان نیواک د افغانستان خلکو ته لوی زیان اړولی دی. زه هیله لرم، چې ستاسې ټولې هڅې به د خلکو د کړاوونو ژر تر ژره پای ته رسیدو او له هغو څخه د خلاصون لپاره وي.

د ایران د بهرنیو چارو وزارت ډاډ څرګندکړی، چې دا هېواد د طالبانو او حکومت او نورو افغان ډلو ترمنځ د خبرو اترو کوربتوب ته هم چمتوالي لري.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!