Connect with us

تازه خبرونه

طالبان به د ژنیوا په ناسته کې د ګډون فرصت له لاسه ورکړي- اروپايي اتحادیه

خپور شوی

د

په افغانستان کې د اروپايي اتحادیې نوي سفیر ویلي، چې د تاوتریخوالي د زیاتیدو له کبله به طالبان د ژنیو په ناسته کې د ګډون فرصت له لاسه ورکړي.

دغه ناسته له یوې اوونۍ څخه په لږ وخت کې ترسره کیږي او له افغانستان سره د نړیوالې ټولنې د مرستو برخلیک به په ډاګه کړي.

د افغانستان لپاره د اروپایي اتحادیې سفیر په دې اړه ویلي: د تاوتریخوالي د لوړې کچې له ډېرولو سره فکر نه کوم، چې د ژنیوا په ناسته کې د طالبانو ګډون یو ښه غوراوی وي. مونږ ټولو فکر کاوه، چې که تاوتریخوالی کم شي د طالبانو لپاره دا ښه فرصت و، چې په کې برخه واخلي او نړۍ ته ځان وښیې؛ خو فکر نه کوم، چې اوس به دا کار وشي.

د اروپايي اتحادیې سفیر له افغان حکومت څخه د تلپاتي ملاتړ په اړه خبرې وکړې؛ خو د مرستو کمیدل یې د کرونا او په افغانستان کې له اداري فساد سره د مبارزې له ټینګې ژمنې سره هم ونښلاوه.

وان برنت زیاته کړې: د فساد موضوغ باید حل شي او پوره پام ورواړول شي؛ ځکه، چې دا د باور خبره ده. کله، چې مونږ د فساد پروړاندې د مبارزې په اړه غږیږو؛ هېوادوال د هغو مرستو په اړه فکر کوي، چې نړیواله ټولنه ورته اړتیا لري او د باور جوړولو لپاره د خلکو د ګټې لپاره وکارول شي.

د ژنیو دوه ورځنۍ ناسته، چې ټاکل شوې یوه اوونۍ  وروسته تر سره شي؛ د افغانستان حکومت به د سولې ، ښې حکومتوالۍ، له اداري فساد سره د مبارزې او نورو مسلو په اړه راپور ورکړي او نړیواله ټولنه به ورته په پاملرنه  له افغانستان سره خپلې نوې مرستې وغزوي.

تازه خبرونه

د حکومت او رسنیو ترمنځ باید واټن نه‌وي –  ستانکزی

شېرمحمد عباس ستانکزي په کابل کې د اسلامي نظام په ټینګښت کې د رسنیو رول تر سرلیک لاندې په یوه سیمینار کې زیاته کړې؛ رسنۍ د نړۍ په تبلیغاتي جګړه کې بنسټیز رول لوبوي او پر اسلامي امارت لازمه ده، چې پرې له فشارونو ډډه وکړي او پرېږدي، چې رسنۍ د هېواد په پرمختګ او هوساینه کې خپل رول په آزاده توګه ولوبوي.

Published

on

د بهرنیو چارو وزارت سیاسي مرستیال شېرمحمد عباس ستانکزي ويلي، له رسنیو باید داسې ملاتړ وشي، چې د حکومت او دوی ترمنځ واټن رامنځته نشي.

شېرمحمد عباس ستانکزي په کابل کې د اسلامي نظام په ټینګښت کې د رسنیو رول تر سرلیک لاندې په یوه سیمینار کې زیاته کړې؛ رسنۍ د نړۍ په تبلیغاتي جګړه کې بنسټیز رول لوبوي او پر اسلامي امارت لازمه ده، چې پرې له فشارونو ډډه وکړي او پرېږدي، چې رسنۍ د هېواد په پرمختګ او هوساینه کې خپل رول په آزاده توګه ولوبوي.

نوموړي په دې اړه ویلي: " د دوی (رسنیو) ستونزې باید واورېدل شي، د دوی غږ باید واورېدل شي، د دوی لپاره باید داسې چاپېریال برابر شي، چې په ازاده توګه خپل کارونه ترسره کړي."

ستانکزي زیاته کړې، د هېواد د رسنیو په اړه باید داسې نظر وي، چې دواړه لوري یو بل ته د اجنبی په سترګه ونه‌ګوري او اسلامي امارت پر رسنیو له فشار راوړلو ډډه وکړي او رسنیو ته اجازه ورکړي، چې په خلاص لاس کار وکړي.

د اطلاعاتو او فرهنګ وزارت مسوولينو هم په دې سيمينار کې ويلي، چې له ازادو رسنيو سره يې د ټکر لار نده غوره کړې او دغه وزارت له دوى سره هر راز همکارۍ ته ژمن دى.

د سیمینار برخه‌والو له رسنیو هم وغوښتل، چې نړۍ ته د افغانستان د مثبت انځور په ځلولو او انعکاس کې له هیڅ راز هڅې ډډه ونکړي.

دا سیمینار په داسې حال کې جوړیږي، چې رسنۍ د ملي ګټو او اسلامي ارزښتونو په چوکاټ کې د بیان ازادۍ او مثبتو فعالیتونو انعکاس ته ژمنې دي.

Continue Reading

تازه خبرونه

له ازبکستان سره د ۲۰۲۵ ز.کال لپاره د برښنا د پېرودلو تړون لاسلیک شو

دغه تړون تاشکند ته د دغه شرکت د عمومی رییس عبدالباری عمر پر مشرۍ د اسلامی امارت د پلاوي له سفر او د دغه هېواد له چارواکو سره له خبرو اترو وروسته لاسلیک شو.

Published

on

د افغانستان برښنا شرکت څرګنده کړې، چې له ازبکستان سره د ۲۰۲۵ ز. کال لپاره د برښنا د پېرودلو تړون لاسلیک شوی دی.

دغه تړون تاشکند ته د دغه شرکت د عمومی رییس عبدالباری عمر پر مشرۍ د اسلامی امارت د پلاوي له سفر او د دغه هېواد له چارواکو سره له خبرو اترو وروسته لاسلیک شو.

د افغانستان برښنا شرکت ویاند حکمت الله میوندي ویلي: " د افغانستان برښنا شرکت عمومي رییس د یوه پلاوي پر مشرۍ ازبکستان ته تللی و او په ازبکستان کې یې د برښنا له مسوولانو سره په کتنه کې د ۲۰۲۵ ز.کال لپاره د برښنا د پېرودلو تړون لاسلیک کړ."

یو شمېر پانګوال له اسلامي امارت څخه غواړي؛ د ۵۰۰ کیلو ولټ برښنا په اړه دې له ازبکستان سره خبرې وکړي او دغه پروژه ژر تر ژره بشپړه کړي، چې په هېواد کې د برښنا د کمښت ستونزې یوه برخه اواره شي.

د افغانستان برښنا شرکت ویلي، چې افغان پلاوي له ازبکستاني چارواکو سره د ۵۰۰ کیلو ولټ برښنا د لېږد پروژې په اړه، چې د سرخان- پلخمري- دشت الوان څخه د کابل تر ارغندي او د ننګرهار شیخ مصري ته، چې د ۸۰۰ څخه تر ۱۰۰۰ میګاواټه برښنا د لېږد ظرفیت لري په اړه هم خبرې کړې دي.

Continue Reading

تازه خبرونه

څار: د مهاجرو نولواله ورځ

Published

on

Continue Reading
Advertisement

Trending

Copyright © 2024 Ariana News. All rights reserved!