تازه خبرونه
طالبانو په افغانستان کې له خبرو سره خپل مخالفت څرګند کړ
په دوحه کې د طالبانو سیاسي دفتر ویلي، چې د مرکچي ډلو مشرانو هوکړه کړې، چې قطر به د خبرو د دوه یم پړاو ځای وي.
د طالبانو د سیاسي دفتر د ویاند په وینا، تر هغې، چې ډاډ حاصل نشي؛ په افغانستان کې به دننه د خبرو له دوام سره هوکړه ونشي.
تېره ورځ ولسمشر غني د کابینې ناستې ته په افغانستان کې د سولې خبرو پر دوه یم پړاو تر سره کېدو ټینګار او چمتووالی اعلان کړ؛ خو د ملي پخلاینې عالي شورا هم ویلي، چې افغانستان د افغانانو د خپل منځي خبرو د کوربتوب لپاره د یوه غواوي په توګه مطرح دی.
د ملي پخلاینې عالي شورا ویاند فریدون خوځون ویلي، چې افغانستان د خبرو د دویم پړاو لپاره د یوه غوراوي په توګه مطرح دی.
په دوحه کې د طالبانو سیاسي دفتر په افغانستان کې د خبرو د دویم پړاو د تر سره کېدو په اړه د افغان دولت له وړاندیز سره مخالفت اعلانوي او وایي، چې د خبرو بل پړاو به په قطر کې وي.
په قطر کې طالب ویاند ډاکټر نعیم د ولسمشر غني د هغه ټینګار په اړه، چې د سولې خبرو دوه یم پړاو دې په افغانستان کې دننه پیل شي.
نوموړي دا نیوکه هم کړې، چې ولې دوی دا مسله مخکې له دې، چې دواړو ډلو د خبرو دوه یم پړاو د ۲۰۲۱ کال تر راتلونکې میاشت وځنډوي؛ څه ندي ویلي!
بلخوا د افغانستان د سولې لپاره د امریکا ځانګړي استازي په دوحه کې د خبرو له ودرېدو سره جوخت ویلي، د یوه سیاسي جورجاړي، د تاوتریخوالي د کمي او په بیړه د اوربند اړتیا ده او اړینه ده، چې د خبرو په بیا پیل کې هیڅ ډول ځنډ را نشي او د هوکړې له مخې باید د جنوري پر پېنځمه اړوند خبرې له سره پیل شي.
د مشرانو جرګې یو شمېر غړیو ویلي، چې په افغانستان کې دننه د خبرو تر سره کېدل به د دواړو لوریو خپلواکي خوندي کړي او په دې بهیر کې به د بهرنیو هېوادونو د لاسوهنې مخه ونیول شي.
دغه راز زلمي خلیلزاد د پاکستان د پوځ له مشر جنرال قمر جاوید باجوه سره په راولپنډۍ کې د افغانستان او سیمې پر سوله خبرې کړې دي.
ولسمشر غني بیا د امریکا د کانګریس له مشرې نانسي پلوسي او د هغه هېواد د ولسي جرګې له ځینو غړیو سره د تاوتریخوالي پر ډېروالي اندېښنه ښودلې او د اوربند پر اړتیا یې ټینګار کړی دی.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
تازه خبرونه2 days ago
راشد خان د افغان بیسیم سوداګریز سفیر شو