Connect with us

تازه خبرونه

طالبانو د اسمعیل خان په ګډون د حکومت يو شمېر چارواکي ونیول

خپور شوی

د

(Last Updated On: زمری ۲۳, ۱۴۰۰)

په هرات کې له پرلپسې نښتو وروسته پخوانی جهادي قومندان اسماعیل خان، د کورنیو چارو وزارت امنیتي مرستیال، د هرات والي او د هغه مرستیال، امنیه قومندان او ملي امنیت مشر طالبانو ته تسلیم شول.

طالبانو منلې، چې اسماعیل خان او د کورنیو چارو وزارت امنیتي مرستیال عبدالرحمان رحمان، د قول اردو قومندان خیال نبي احمدزی، د هرات والي عبدالصبور قانع، د ملي امنیت مشر حسیب صدیقي او یو شمېر نور دوی ته تسلیم شوي دي.

د راپورونو له مخې؛ طالبانو د هرات له عمومي زندانه درې زره بندیان خوشې کړي دي.

د هرات اوسیدونکي وايي، چې طالبان پر ټول ښار واکمن دي.

امیر اسماعیل خان په یوه ویډیو کې ویلي، چې پېښه ناببره رامنځته شوې او د ویلو لپاره ډېر څه نلري.

 په دې ویډيو کې امیر اسماعیل خان په خپل کور کې ښکاري، چې شاوخوا یې ګڼشمېر وسلوال طالبان ولاړ دي؛ له تسلیمیدو وروسته په یوه ویډیو کې ویلي چې په افغانستان کې د سولې او ورورولۍ غوښتونکی دی.  

په یوه شپه او ورځ کې طالبانو پر هرات سربېره، د بادغیس مرکز قلعه نو، د غور مرکز فیروزکوه، د لوګر مرکز پل علم، د زابل مرکز کلات، او د روزګان مرکز ترینکوټ نیولي دي.  

د روزګان والي مخکې له دې، چې روزګان ونیول شي ویلي وه؛ د بېخبناوو د نه ویجاړېدو په اړه خبرې روانې دي.

د افغانستان په شمال کې ځينې د مارشال دوستم پوځي خوځښت ته سترګې په لاره دي.

مارشال دوستم ويلي، چې پر مزار شریف یې د طالبانو څو بریدونه پر شا تمبولي دي.

د ولسمشر لومړي مرستیال ویلي، چې په هیڅ شرایطو کې له طالبانو سره د امتیاز پر سر معاملې ته حاضر ندی.

هغه پخپله فیسبوک پاڼه لیکلي: قسم پر الله، چې د خپل رهبر لاره به نه پرېږدم او نه به یې پر میراث تور داغ ولګوم. هغه ویلي وه، چې د خولۍ په کچه ځمکه ور پاتې وي؛ ټینګار او مقاومت به روان ساتم. دمګړۍ د خپلو پلانونو د ښکارولو اړتیا نه وینم.

امرالله صالح د خپلو پلانونو په اړه څه ونه ویل، چې د طالبانو پر وړاندې څه کول غواړي.

طالبانو تر اوسه د هېواد د ۱۸ ولایتونو مرکزونه نیولي دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!