تازه خبرونه
شوروي پوځيان له افغانستان څخه نامسوولانه ووتل- اشرف غني

د افغانستان ولسمشر اشرف غني څرګنده کړې؛ شوروي پوځيانو په داسې حال کې افغانستان پرېښود، چې د نظام د پايښت لپاره یې هیڅ بدیل نه و پریښی.
څلورلسیزې پخوا شوروي اتحاد د هند تودو اوبو ته د رسيدلو لپاره پر افغانستان پوځي یرغل وکړ. شوروي پوځيان نهه کاله په يوه خونړۍ جګړه کې ښکېل شول؛ خو د ۱۳۶۷ لمریز هجري کال د سلواغې پر شپږ ویشتمه اړ شول، چې له افغانستان ووځي.
له افغانستان څخه د شوروي ځواکونو د وتلو د ۳۲ کلیزې په مناسبت ولسمشر اشرف غني په یوه ټلویزیوني پیغام کې څرګنده کړې: دا، چې د شوروي سرتېرو وتل مسوولانه نه ول او د هېواد راتلونکي ته هم کوم تدبیر نه و نیول شوی؛ نو افغانستان په څو اړخیزه کورنۍ جګړه کې ښکېل شو، چې په پایله کې یې د امنیتي ځواکونه، ملي بنسټونه او د افغانستان بېخبنا له منځه ولاړه. اوس باید پرېکړې ته پوره پاملرنه وشي.
هغه زیاته کړې: زمونږ د خلکو موخه له جهاده دا وه، چې په افغانستان کې د شوروي ځواکونو له وتلو وروسته د خلکو د خوښې نظام رامنځته، پوځي او ملکي بنسټونه پیاوړي او وساتل شي.
هغه دا هم په ډاګه کړې: په هېواد کې د جګړې د پای او سولې ته د رسیدو وخت راغلی او مونږ به تلپاتې سولې ته رسیږو.
د جمعیت اسلامي ګوند ځينې غړي وايي، چې افغانستان له دوه دېرش کاله پخوا حالت سره مخ دی او دوی طالبانو ته وايي، چې د جګړې له لارې بری نشی تر لاسه کولی او باید د سولې لار غوره کړي.
غونډې ته د ولسمشر پخواني مرستیال محمد یونس قانوني ویلي، چې د افغانستان سیاسي لید اوسمهال ډېر حساس دی او وایي؛ د طالبانو مشرتابه باور لري، چې کړکېچ د خبرو اترو له لارې حل کیدلی شي، خو د طالبانو ځوان غړي غواړي تاوتریخوالی روان وساتي.
پخواني مرستيال ولسمشر قانوني دا هم ويلي، چې طالبان د جګړې له لارې واک ته نشي رسیدی.
یونس قانوني زیاته کړې؛ په خواشینۍ، چې د دوحې خبرې د پر ټپه ولاړ حالت سره مخ شوي او لامل یې هم دا دی، چې بهرني ځواکونه له افغانستان څخه باید ووځي. جګړه د حل لار نده او دا ناشونې ده، چې افغانستان د جګړې له لارې خپل کړئ.
د جمعیت اسلامي د رهبرۍ شوری مشرعنایت الله شاداب ویلي؛ طالبانو وروڼو ته مې پیغام دادی او ترې غواړم، چې راشئ له وینو تویېدو لاس واخلئ، نورو هېوادونو ته له تګه ډډه وکړئ او راشئ له افغانانو سره خبرې وکړئ.
شورويان دوه دېرش کاله پخوا له افغانستان ووتل؛ خو د جګړې اور اوس هم لمبي وهي او د سولې پیل شوې هڅې ناهیلي کوونکي دي.
د جمعیت اسلامي د رهبرۍ شوری غړی سید ابراهیم عماد ویلي؛ د افغانستان د خلکو جهاد یوه ستره لاسته راوړنه وه، چې نن باید سیاسیون له تاریخه د تجربې پر اخیستو افغانستان ته ثبات رامنځته کړي.
جهادي قومندان محب رحمان وایي: خواشینی یم، چې اوسنی نظام او یو شمېر خلک؛ مجاهدین جنګسالار بولي. په داسې حال کې، چې مونږ هېواد ژغورلی او ترې مو ساتنه کړې ده.
طالبانو هم له افغانستان څخه د شوروي پوځيانو د وتلو په ویاړ اعلامیه خپره کړې او افغانانو ته یې د دغې ورځې مبارکې ویلې او څرګندوي، چې افغانانو شوروي اتحاد مات کړ او اوسني جهاد به د امریکایانو تر وتلو پورې روان وي.
تازه خبرونه
د واخان سړک د دوهیم فاز د جوړولو تړون لاسلیک شو
د افغانستان د کلیو، د بیارغونې او پراختیا وزارت د خبرپاڼې له مخې؛ د دې وزارت د چارسمبالي(سرپرست) محمد یونس اخوندزاده ویلي، چې د دې تړون له مخې به د دغه ۷۱ کیلومټره سړک د جوړولو چارې به چټکې تر سره شي.

د افغانستان د کلیو، د بیارغونې او پراختیا وزارت ویلي؛ نن پنجشنبه( د کب درویشتمه) د بدخشان ولایت د واخان سړک د دوهیم فاز د جوړولو تړون له یوه خصوصي شرکت سره لاسلیک شو.
د افغانستان د کلیو، د بیارغونې او پراختیا وزارت د خبرپاڼې له مخې؛ د دې وزارت د چارسمبالي(سرپرست) محمد یونس اخوندزاده ویلي، چې د دې تړون له مخې به د دغه ۷۱ کیلومټره سړک د جوړولو چارې به چټکې تر سره شي.
د محمد یونس اخوندزاده د څرګندونو له مخې؛ د واخان سړک د جوړولو لګښت د اسلامي امارت له پراختيايي بودجې څخه تمویلیږي.
د افغانستان اسلامي امارت دا تړون په داسې حال کې لاسلیک کړی، چې تېرو حکومتونو د واخان اوسیدونکي له هر راز اړينو اسانتیاوو؛ په ځانګړي توګه له سړک بېبرخې ساتلي وه.
ویل کیږي، چې د دې پروژې له عملي کېدا سره به نه یوازې د بدخشان او واخان اوسېدونکو ته ګټه ورسيږي، بلکې ورسره د افغانستان او چین ترمنځ سوداګریزې اړیکې هم پراخه شي.
تازه خبرونه
اسلامي امارت د پاکستان په بلوچستان کې پر ریلګاډي د برید ادعا رد کړه
د اسلامي امارت د بهرنیو چارو وزارت ویاند عبدالقهار بلخي له پاکستان وغوښتل، چې د بې مسوولیته څرګندونو پر ځای دې د خپلو امنیتي مسلو او کورنیو ستونزو حلولو ته پام راواړوي.

د افغانستان اسلامي امارت د پاکستان د پوځ د ویاند هغه ادعاوې رد کړې، چې ګواکې په بلوچستان ایالت کې پر مسافر وړونکي اورګاډي برید له افغانستان سره تړاو لري.
د اسلامي امارت د بهرنیو چارو وزارت ویاند عبدالقهار بلخي له پاکستان وغوښتل، چې د بې مسوولیته څرګندونو پر ځای دې د خپلو امنیتي مسلو او کورنیو ستونزو حلولو ته پام راواړوي.
هغه ویلي؛ د بلوڅ اپوزیسیون هیڅ غړی په افغانستان کې نشته او نه یې له اسلامي امارت سره کومه اړیکه لرلې ده.
نوموړي زیاته کړې: “د سیاسي موخو لپاره د ملکي وګړو قرباني کول د توجیې وړ نده او مونږ په دې پېښه کې د بې ګناه خلکو پر مرګ او ژوبلې خواشیني یوو.”
دا څرګندونې له هغې وروسته راپورته شوې، چې د پاکستان د پوځ ویاند ادعا وکړه، چې تېره ورځ د بلوچستان پر مسافر وړونکي ریلګاډي برید په افغانستان کې میشتو وسلوالو پلان کړی و.
پر ریلګاډي برید، چې ۴۰۰ مسافر یې لېږدول؛ د سېشنبې پر ماسپښین پیل شو او تر چارشنبې پورې یې دوام وکړ. د برید په پایله کې ۲۱ مسافر، ۳۳ بریدګر او څلور سرتېري ووژل شول.
د بلوچستان د آزادۍ پوځ د دې پېښې مسوولیت پر غاړه اخیستی دی.
تازه خبرونه
په افغانستان کې د نشهیي توکو تولید او قاچاق د پام وړ کم شوی – عبدالمتین قانع
عبدالمتین قانع دا څرګندونې د ملګرو ملتونو د نشهیي توکو او جرمونو د دفتر د نوي راپور په غبرګون کې کړي او زیاتوي: “مونږ تاسې ته ډاډ درکوو، چې د مخدره توکو پر وړاندې د مبارزې پولیسو د مخدره توکو پر وړاندې د مبارزې په برخه کې خپل فعالیتونه د پخوا پر پرتله ډېر کړي او دا بهیر به روان وي.”

د کورنیو چارو وزارت ویاند ويلي، چې په افغانستان کې د نشهیي توکو د پروسس او قاچاق کچه د پام وړ کمه شوې او له مخدره توکو سره د مبارزې پولیسو یې د کښت، تولید او قاچاق په مخنیوي کې ځانګړې لاسته راوړنې لري.
عبدالمتین قانع دا څرګندونې د ملګرو ملتونو د نشهیي توکو او جرمونو د دفتر د نوي راپور په غبرګون کې کړي او زیاتوي: “مونږ تاسې ته ډاډ درکوو، چې د مخدره توکو پر وړاندې د مبارزې پولیسو د مخدره توکو پر وړاندې د مبارزې په برخه کې خپل فعالیتونه د پخوا پر پرتله ډېر کړي او دا بهیر به روان وي.”
د ملګرو ملتونو د مخدره توکو او جرمونو دفتر په یوه نوي راپور کې ویلي، چې په افغانستان کې د اپینو بیه لوړه شوې ده.
د دې راپور په غبرګون کې، قانع وایي: “دا عامه خبره ده، چې کله تولید او عرضه نهوي؛ نو بیه څو چنده لوړیږي او د پورته ذکر شوي دفتر څرګندونې د افغانستان اسلامي امارت د ډاډمنې مبارزې ښکاره بېلګه ده.
دا په داسې حال کې ده، چې د قطر حکومت له نړیوالې ټولنې څخه د افغانستان د کوکنارو له پخوانیو کروندګرو سره د بدیلو لارو په موندلو کې د ملاتړ غوښتنه کړې ده.
-
تازه خبرونه5 days ago
د افغان کډوالو ۶ کټګورۍ به په ایران کې د اوسېدو اجازه ولري
-
تازه خبرونه5 days ago
په تورخم کې د افغان او پاکستانيو سرحدي ځواکونو ترمنځ لنډمهاله اوربند وشو
-
تازه خبرونه3 days ago
له افغانستان سره مو ځانګړې اړیکې د تعامل بنسټ دی – هند
-
نړۍ3 days ago
د ایران ولسمشر د امریکا ولسمشر ډونالډ ټرمپ د ایران پر ګواښلو تورن کړ
-
تازه خبرونه4 days ago
جرمني له اسلامي امارت سره د تعامل لپاره معلومات راټولوي
-
تازه خبرونه2 days ago
د واخان سړک د دوهیم فاز د جوړولو تړون لاسلیک شو
-
سیمه ییز خبرونه3 days ago
د پاکستان بیلتون غوښتونکو بلوڅانو د مسافر وړونکي ریلګاډي مسافر برمته کړي
-
تازه خبرونه5 days ago
د ترکیې استازي د افغانستان په اړه د اسلامي همکارۍ ټولنې له استازي سره وکتل