Connect with us

تازه خبرونه

سیاسي ګوندونو له طالبانو سره خبرو ته ورودانګل- حکمتیار

خپور شوی

د

د حزب اسلامي مشر ګلبدین حکمتیار آریانا نیوز ته په ډاګه کړېو چې سیاسي ګوندونو له طالبانو سره مستقیمو خبرو ته وردانګلي دي.

د نوموړي د څرګندونو له مخې؛ ارګ د سولې په بهیر کې له ځانګړیو او مشخصو اړخونو سره مشوره نده کړې؛ له همدې کبله سیاسي بهیرونو د سولې په اړه له طالبانو سره مخامخ  او مستقیمې خبرې پیل کړي اویو لړ لومړنیو هوکړو ته هم رسیدلي دي.

دحزب اسلامي مشر حکمتیار وايي: حکومت سیاسي اجماع نلري، له مهمو سیاسي ګوندونو سره هوکړې ته ندي رسیدلي؛ ځکه، نو ګوندونه اړ شوي، چې له طالبانو سره خپله مخامخ خبرې پیل کړي او طالبان هم چمتو دي له ګوندونو سره خبرې پیل کړي. لومړنۍ هوکړې تر سره شوی. ان د خبرو اترو پر ځای او موقعیت هم هوکړه شوې ده. طالبان هم پوهیږي، چې نظام صادق ندی او وخت ضایع کوي.

حکمتیار په دې باور دی، چې له طالبانو سره سوله د حکومت له پتې ناشونې ده؛ ځکه، چې طالبان دا نظام نه مني او د حکومت تګلاره هم جګړه ییزه ده. اوسنی نظام باید د طالبانو په وړاندې خپله تګلاره بدله کړي.

ګلبدین حکمتیار ټینګار کړی، چې له دې نظام سره سوله ممکنه نده او هر هغه څوک، چې فکر کوي دا نظام پاتې شي، امنیتي ځواکونه پاتې شي او د نجیب پېر تکرار نشي؛ نو باید د سولې خبرو ته صادقانه ګامونه واخلي او د جنګ د روان ساتلو لپاره د کوم بل بدیل ملاتړکونکي په فکر کې نشي.

زړه راکښونکې ده، چې حکمتیار هم د افغانستان حکومت طالبانو ته ورته وایي؛ د کابل نظام د سولې په بهیر کې له واکه بې برخې دی او امریکا له طالبانو سره د پرله پسې تماسونو له لارې څرګنده کړې، چې د افغانستان د سولې په بهیر کې بشپړ واک لري.

حکمتیار زیاته کړې: د سولې مسله داسې ده، چې د کابل رژیم هیڅ واک نلري او ټول واک د امریکا په لاس کې دی. ځینې وختونه د امریکا حکومت حتی ټوکې هم کوي او بیا وروسته یې د بهرنیو چارو وزیر له ملا برادر سره اړیکه نیسي، چې دا اړخ وپوهوي، چې امریکا د هر کار واک لري.

دا په داسې حال کې ده، چې تېره ورځ پخواني ولسمشر حامد کرزي د سولې د خبرو په حکومتي ۴۸ کسیز نوملړ کې خپل غړیتوب رد کړ؛ خو وایي، چې د یو عادي وګړي په توګه به د سولې لپاره خپل کار روان وساتي.

تازه خبرونه

د پاکستان پوځي رژیم پر مدرسه او عامو سیمو هوایي بریدونه کړي ـ پوهنې وزارت

 د دې وزارت ویاند ویلي: په دې بریدونو کې د فاروقیې مدرسې یو طالب العلم زخمي او د بهسود ولسوالۍ اړوند ٨  د ښوونځیو زده‌کوونکي، چې پېنځه هلکان او درې نجونې وې شهیدان شوي او همدارنګه لسګونه نور بې‌ګناه افغانان، ماشومان او سپین‌ږیري، سپين سرې شهیدان او ټپیان شوي دي.

Published

on

د پوهنې وزارت ویلي، چې د پاکستان پوځي رژیم له ټولو اسلامي، انساني او بشري اصولو ښکاره سرغړونه وکړه او ډېورنډ فرضي کرښې ته نږدې یې د پکتیکا د برمل ولسوالۍ د مٙرغې کلي پر فاروقیه مدرسه او د ننګرهار بهسود ولسوالۍ د ګردي کڅ پر کور او نورو سیمو وحشيانه بریدونه وکړل.

 د دې وزارت ویاند ویلي: په دې بریدونو کې د فاروقیې مدرسې یو طالب العلم زخمي او د بهسود ولسوالۍ اړوند ٨  د ښوونځیو زده‌کوونکي، چې پېنځه هلکان او درې نجونې وې شهیدان شوي او همدارنګه لسګونه نور بې‌ګناه افغانان، ماشومان او سپین‌ږیري، سپين سرې شهیدان او ټپیان شوي دي.

د پوهنې وزارت ویاند زیاته کړې؛ د پاکستاني پوځي رژیم په هوایي بریدونو کې تعلیمي مرکز وېجاړ او د قرآن کریم نسخې او نور دیني کتابونه وسوځېدل.

دا نه بښونکې وحشیانه کړنې ښيي، چې د پاکستان پوځي رژیم دښمني یوازې د افغانانو له ژوند سره نه، بلکې د افغانانو له دین، زده‌کړې، ښوونیزو مرکزونو او فرهنګي بنسټونو سره هم ده.

Continue Reading

تازه خبرونه

په افغانستان کې شاوخوا ۲۳زره ترهګر حضور لري – روسیه

د روسیې بهرنیو چارو وزارت ویلي، چې په افغانستان کې له نیمایي څخه ډېر جنګیالي بهرني وګړي دي؛ داعش شاوخوا ۳۰۰۰، پاکستاني طالبان ۵ څخه تر ۷۰۰۰ او القاعده ۴۰۰ څخه تر ۱۵۰۰ دي.

Published

on

د روسیې بهرنیو چارو وزارت ویلي؛ په افغانستان کې له ۲۰ څخه تر ۳۰زره جنګیالي حضور لري، چې پوځي او سیاسي وضعیت یې اوس هم ننګوونکی دی.
د روسیې بهرنیو چارو وزارت ویلي، چې په افغانستان کې له نیمایي څخه ډېر جنګیالي بهرني وګړي دي؛ داعش شاوخوا ۳۰۰۰، پاکستاني طالبان ۵ څخه تر ۷۰۰۰ او القاعده ۴۰۰ څخه تر ۱۵۰۰ دي.

په کوچنیو ډلو کې د ختیځ ترکستان اسلامي غورځنګ، د ازبکستان اسلامي غورځنګ او جماعت انصارالله نومونه اخیستل کېدی شي.

د روسیې بهرنیو چارو وزارت ټینګار کړی، چې داعش یوازنۍ ډله ده، چې د اسلامي امارت پر وړاندې فعاله ده؛ خو  دا د سیمې د نیولو توان نلري او اصلي هدف یې پر حکومت باور کمزوری کول دي. د امنیتي ځواکونو عملیاتو په تېر یو نیم کال کې د داعش بریدونه کم کړي دي.

دا په داسې حال کې ده، چې اسلامي امارت تل په افغانستان کې د وسلوالو ډلو شتون رد کړی او څرګندوي؛  اجازه به ورنکړي، چې د افغانستان خاوره د نورو هېوادونو د امنیت پر ضد وکارول شي.

Continue Reading

تازه خبرونه

د پاکستان د هوایي بریدونو په اړه ملګروملتونو ته شکایت وسپارل شو

هغه په ​​ایکس پاڼه کې لیکلي: “مونږ د دې سرغړونو د سمدستي پلټنې او بندولو، حساب ورکولو، د ځمکني بشپړتیا درناوي، د ملګرو ملتونو منشور او له نړیوالو قوانینو د بشپړ اطاعت غوښتنه کوو.”

Published

on

په ملګرو ملتونو کې د افغانستان چارسمبالی(سرپرست) دایمي استازي نصیر احمد فایق ويلي: د پاکستان د وروستیو هوايي بریدونو په اړه یې، چې په کې ملکي ځاني زیانونه رامنځته شوي؛ امنیت شورا ته شکایت سپارلی دی.

هغه په ​​ایکس پاڼه کې لیکلي: “مونږ د دې سرغړونو د سمدستي پلټنې او بندولو، حساب ورکولو، د ځمکني بشپړتیا درناوي، د ملګرو ملتونو منشور او له نړیوالو قوانینو د بشپړ اطاعت غوښتنه کوو.”

هغه له امنیت شورا څخه غوښتنه کړې، چې دا موضوع د یوې جدي نړیوالې مسلې په توګه وڅېړي او پاکستان دې د نړیوالو قوانینو رعایت کولو ته اړ کړي.

د پاکستان پوځي رژیم د شنبې پر شپه په ننګرهار او پکتیکا ولایتونو کې هوایي بریدونه وکړل، چې په کې د ښځو، ماشومانو او رده‌کوونکو په ګډون لسګونه ملکي وګړي شهیدان او ټپیان شول.

Continue Reading
Advertisement

Trending

Copyright © 2025 Ariana News. All rights reserved!