تازه خبرونه
سناتور انجينر احسان الله بيات د ۱۳۹۲ل كال غوره شخصيت و پېژندل شو
آزادي راډيو له ۱۳۸۶ كال را په ديخوا يو داسې پروگرام پيل كړى، چې له مخې يي هر كال د خلكو د رايو پر بنسټ د كال شخصيت راپېژندل كيږي.
په دې بهير كې د ۱۳۹۲ل كال شخصيت د بيات بنياد لوى مشر سناتور انجنير احسان الله بيات وپېژندل شو.
په افغانستان كې د آزادي راديو رييس حميد مهمند په وينا، د كال د شخصيت په پېژندنه كې بشردوستانه خدمتونه، ښېگڼه، آزادۍ او ديموكراسۍ ته ژمنتيا، د قانون د حاكميت د تطبيق لپاره مرسته او انساني ارزښتونو ته معتقد كيدل په پام كې نيول كيږي.
له ده مخكې په ۱۳۸۶ل كال كې د ننگرهار پخوانى والي گل آغا شېرزى، په ۱۳۸۷ل كال كې سناتوره اناركلي هنريار، چې له سكانو سره تړاو لري، په ۱۳۸۸ل كال كې د ولسي جرگې غړى رمضان بشر دوست، په ۱۳۸۹ل كال كې افغان سندرغاړى فرهاد دريا، چې غږ يي د سولې پيغام له ځان سره لري، په ۱۳۹۰ل كال كې د امان الله خان لور هنديه، په ۱۳۹۱ل كال كې ناصر سرمست د كال د شخصيت په توگه وپېژندل شول. په ۱۳۹۲ل كال كې دا لقب سناتور احسان الله بيات د خلكو د هوساينې او د افغانستان د بيا رغاونې له كبله تر لاسه كړ.
د بيات بنياد لوى مشر سناتور انجنير احسان الله بيات د دې لقب له گټلو وروسته ژمنه وكړه، چې له دې وروسته به د خپل هېواد د خلكو د هوساينې او نيكمرغۍ لپاره هڅې نورې هم گړندۍ كړي.
سناتور انجنير احسان الله بيات د ارواښاد حاجي خان آغا بيات زوى دى، چې په ۱۳۴۲ لمريز كال كې يي د كابل ښار په شپږمه ناحيه كې نړۍ ته سترگې پرانيستې. ښاغلى بيات په يوه دين داره او روڼ انده كورنۍ كې لوى شو او پلار يي د حبيب لميتد، سنيا لميتد او منصور لميتد سوداگريزو شركتونو رييس و.
سنانور انجنير احسان الله بيات خپلې لومړنۍ زدهكړې په استقلال ليسه كې پاى ته رسولي او د طب پوهنځۍ ته بريالى شو؛ خو د ناسمو شرايطو له كبله يي له خپلې كورنۍ سره لومړى پاكستان ته كډه وكړه او وروسته امريكا ته ولاړ.
نوموړي كلونه كلونه له سختو شرايطو سره لاس او گريوان و؛ خو لوړې زدهكړې يې په انجينري كې بشپړې كړې. د وروستيو درې لسيزو جگړو په اوږدو كې افغانانو ته د مرستو رسولو بېلابېل پړاوونه يې وواهل.
سناتور انجينر احسان الله بيات په ۲۰۰۱م كال كې له نړۍ سره د افغانستان د بيانښلولو لپاره انترنيشنل تيليفون يا آى ان سي په امريكا كې ثبت كړ. لس كاله مخكې يې افغان بيسيم مخابراتي شركت په افغانستان كې جوړ كړ.
هغه په ۱۳۸۳ل كال كې د بيات بنياد بنسټ كيښود. دې بنياد د افغانستان د بيا رغاونې او رغاوې په پروژو كې ډېر كارونه تر سره كړل.
د بيات بنياد بېخبنايي پروژې په زياتو برخو كې متمركزې دي.
نوموړي په ۱۳۸۴ل كال كې آريانا راديو تلويزيون جوړ او فعال كړ.
د بيات د رسنيو مركز يا بي ايم سي شاوخوا درې مياشتې مخكې په پرمختلليو امكانانو او تكنالوژۍ د افغانسنان د رسنيو د ودې لپاره په كار پيل وكړ.
ښاغلى بيات په دري، پښتو، اردو او انگليسي ژبو روانې خبرې كوي. د افغانستان د تاريخ او نړيوالو مسايلو له مطالعې سره ځانگړې مينه لري او د نړۍ څه باندې پنځوس هېوادونو او د افغانستان ټولو ولايتونو ته يې كاري سفرونه كړي دي.
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه2 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري3 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه3 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه5 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
سوداگري2 days ago
د افغانستان او پاکستان د سوداګرۍ استازیو پر ننګونو خبرې وکړې