لوبی
سرخ پوشان خوافي او سرسبز یاشلر لوبډلې د پرونیو سیالیو ګټونکې شوې
(Last Updated On: )
د چارشنبې پر ورځ ( د غوایی شپږویشتمه ) د افغانستان اتلانو لیګ په یوپنځوسمه لوبه کې سرخ پوشان خوافي عدالت لوبډلې ته ۲ – ۱ ماتې ورکړه.
په دې زړهراکښونکې لوبه کې د سرخ پوشان خوافي لوبډلې غړی معرف محمدي د لوبې غوره لوبغاړی وټاکل شو.
دغه راز د همدې ورځې په دوهیمه لوبه کې سرسبز یاشلر لوبډلې میوند ته ۵ پر ۳ ماتې ورکړه.
عنايت الله کوهي د سرسبز یاشلر لوبډلی غړی د ميدان غوره لوبغاړی وټاکل شو.
د پنجشنبې په لوبو کې به موج ساحل له خراسان فاریاب سره او اټک انرژی به له عینو مېنې سره مخ شي.
دا سیالۍ به له آریانا ټلویزیون څخه پر ژوندۍ بڼه خپريږي.
