تازه خبرونه
روغتیا وزارت د کرونا د درېیمې څپې د خپرېدو د مخنیوي لپاره پر محدودیتونو لګولو غور پیل کړی
د عامې روغتیا وزارت مسوولین وایي، چې د کرونا ویروس د درېیمې څپې خپرېدو اندېښنې راپورت کړي او ور سره د مبارزې لپاره یې له ګاونډ او سیمې له هېوادونو مرسته غوښتې ده.
د کابل د لویدیځ په جناح روغتون کې سل بستریز ځانګړی مرکز پرانیستل شو، د دې مرکز له پرانیستې مخکې تېره شپه پنځوس ناروغان دغلته راوړل شوي دي.
د عامې روغتیا مسوولین وایي، چې د اکسیجن کمی اوس لویه ستونزه ده او ټاکل شوې افغانستان په دوه یا څلور اوونیو کې ډېر بد حالت تېر کړي.
په تېره یوه شپه او ورځ کې څلور دېرش کرونایي ناروغان مړه شوي او یو زرو پېنځه سوه او نهه کسان پرې اخته شوي دي.
د کرونایي ناروغانو شمېرهره ورځ د ډېرېدو په حال کې دي او عامې روغتیا وزارت اړ شوی، چې په لویو ښارونو په ځانګړې توګه کابل کې محدودیتونه ولګوي.
د عامې روغتیا وزارت چارسمبالی وحید مجروح وایي: مونږ ښوونځي او د زدکړو مرکزونه وتړل او اړ شوي یو، چې ښارونه هم قرنطین کړو؛ وضعیت هره ورځ د بدتره کېدو پر لوري روان دی.
نوموړي ټینګار کړی، چې خلک باید روغتیایي سپارښتنې په پام کې ونیسي؛ له بې ځایه ګرځېدو ډډه وکړي، ماسکونهوکاروي او د دوه اوونیو لپاره په کور کې پاتې شي.
نوموړي زیاته کړې؛ مونږ له ولسمشرۍ او بهرنیو چارو وزارت سره خبرې کړي؛ د ګاونډ هېوادونو کرونایي حالت د ښه کېدو پر لوري روان دی او له مونږ سره مرسته کوي.
د عامې روغتیا وزارت د څرګندونو له مخې؛ په تېرو څلیریشت ګړیو کې ۱۵۰۹ کسان پر کرونا اخته شوي او څلور دېرش کرونایي ناروغان مړه شوي؛ خو په همدې موده کې ۱۰۷ کسان بېرته رغېدلي دي.
