ساینس او ټیکنالوژي
روسیه د فیسبوک ټولنیزه شبکه بندوي
رویټرز خبري سرچینې څرګنده کړې، چې روسیه غواړي په ټول هېواد کې ټولنیزه شبکه فیسبوک وتړي.
روسي چارواکو پرون ویلي، چې په فیسبوک کې پر روسي رسنیو یې د بندیزونو له لګولو وروسته وغوښتل، چې دغه ټولنیزه شبکه نوره بندوي.
روسي چارواکو زیاته کړې؛ د ۲۰۲۰ زېږدیز کال له اکتوبر راپدیخوا د روسي رسنیو پر وړاندې د فیسبوک ۲۶ تبعیضي قضیې ثبت شوي، چې په دې کې پر روسي چینلونو روان بندیزونه هم شمېرل شوي دي.
میټا کمپنۍ ویلي، چې په روسیه کې د خپلو خدماتو د روان ساتلو لپاره به هڅې وکړي.
په روسیه کې د فیسبوک د بندېدو هڅې په داسې حال پیل شوي، چې د میټا نور اپلیکیشنونه لکه واټس اپ او انسټاګرام فعال دي.
د ټاس خبري آژانس راپور ورکړی، چې روسیې ټویټر ته هم لاسرسی محدود کړی دی.
تر اوسه د ټویټر چارواکو پدې اړه رسنیو ته څه ندي ویلي.
ساینس او ټیکنالوژي
ایران خپلې دوه سپوږمکۍ د ځمکې مدار ته واستولې
د کاظم جلالي د څرګندونو له مخې؛ دا سپوږمکۍ د ځمکې په مدار کې ځای پر ځای شوي دي.
په روسیه کې د ایران سفیر کاظم جلالي ویلي، چې نن سهار ( د لړم پېنځلسمه) ایران هدهد او کوثر نومې دوه سپوږمکۍ د روسیې د ختیځ له وستوچني پوځي مرکز څخه د سیوز سپوږمکۍلېږدوونکي توغندي پواسطه فضا ته واستولې.
د کاظم جلالي د څرګندونو له مخې؛ دا سپوږمکۍ د ځمکې په مدار کې ځای پر ځای شوي دي.
د راپورونو لهمخې؛ ایران له دغو سپوږمکیو څخه د توغندیو د ویشتلو پر مهال د اهدافو په نښه کولو کې کار اخلي، چې لویدیځ په ځلونو د ایران له دغه ډول ازمایښتونو اندېښنه په ډاګه کړې ده.
ویل کیږي، چې تېره ورځ د ایران مذهبي مشر پر اسرائیلو د بې سارو، ویجاړوونکيو او خونړیو بریدونو ګواښ کړی و.
ساینس او ټیکنالوژي
روسیې ګوګل د نړۍ له ټولو پیسو څخه ډېر جریمه کړ
د بهرنیو رسنیو د څرګندونو له مخې؛ دا جریمه په ۲۰۲۰ ز، کال کې له یوې محکمې سره تړاو لري، چې د یوټیوب په ټولنیز شبکه کې د روسیې Tsargrad چینل د بندولو له کبله جوړه شوې وه.
د دې جریمې د کچې ښکاره کولو لپاره باید وویل شي، چې د نړیوال بانک د اټکل له مخې د نړۍ ناخالص کورني تولید (GDP) څه باندې سل زره میلیارډ ډالر دی، چې د دې جریمې پر پرتله ډېر کم شمېر دی؛ ځکه، نو ګوګل باید روسیې ته د ځمکې له ټولو پیسو څخه ډېره جریمه ورکړي.
د بهرنیو رسنیو د څرګندونو له مخې؛ دا جریمه په ۲۰۲۰ ز، کال کې له یوې محکمې سره تړاو لري، چې د یوټیوب په ټولنیز شبکه کې د روسیې Tsargrad چینل د بندولو له کبله جوړه شوې وه.
دا محکمې څلور کاله روانه وه او د دې دوسیې په بهیر کې د یادې شوې جریمې کچه محاسبه شوې ده. sargrad چینل په یوټیوب کې د هغه د بنسټوال پر وړاندې د امریکا د بندیزونو له مخې بند شوی و.
ساینس او ټیکنالوژي
ایران د ځمکې پر مدار د راڅرخېدو لپاره روسیې ته دوه سپوږمکۍ استولي
دغې رسنۍ ادعا کړې، چې دا دوه سپوږمکۍ د خصوصي سکټور جوړې کړې دي.
د ایران تسنیم خبري سرچینې د شنبې پر ورځ ( د تلې یوویشتمه) اعلان وکړ، چې حکومتي چارواکو د ځمکې مدار ته د استولو لپاره دوه "هود" او "کوثر" نومې سپوږمکۍ روسیې ته استولي دي.
دغې رسنۍ ادعا کړې، چې دا دوه سپوږمکۍ خصوصي سکټور جوړې کړې دي.
روسیې شاوخوا دوه نیم کاله مخکې د ایران دوه سپوږمکۍ د ځمکې مدار ته واستولې، چې د هغه وخت د امریکايي چارواکو اندېښنې ورسره راوپارېدلې. امریکا اندېښمن دي، چې د ایران جوړې شوې سپوږمکۍ به پر اوکراین د روسیې د یرغل پر ملاتړ سربېره د اسرائیلو او منځني ختیځ د نورو هېوادونو د پوځي اهدافو د څارنې لپاره وکارول شي.
د ایران سپاه پاسداران تېر کال ادعا وکړه. چې «سوریا» نومې سپوږمکۍ یې پر بریالیتوب له ځمکې څخه په ۷۵۰ کیلومټره مدار کې ځای پر ځای کړې ده. اروپايي ټروئیکا د سپاه پاسدارن دغه عمل وغانده.
له دې سره سم د ایران او روسیې ترمنځ د اړیکو د زیاتېدو په اړه اندېښنې هم راپارېدلي دي.
د امریکا د ولسي جرګې د بهرنیو اړیکو کمیټې جمهوري غوښتونکي مشر مایکل مککال د جمعې پر ورځ د روسیې او ایران ترمنځ د «نامقدس یووالي» د ژورېدو په اړه د ولادیمیر پوتین او مسعود پزشکیان ترمنځ د لیدنې په غبرګون کې خبرداری ورکړ.
مککال یادونه کړې، چې د ایران حکومت د پوتین یرغلیزه جګړه کې مرسته کوي او ایران د روسیې له اټومي ملاتړ برخمن او هغو ترهګرو ډلو ته د وژونکیو وسلو د لیږد زمینه برابروي، چې ملاتړ یې کوي.
رويټرز خبري سرچینې هم د جمعې پر ورځ د تلې شلمه د اروپايي ټولنې د يوه جګپوړي چارواکي د څرګندونو له مخې خبر ورکړ، چې اروپايي ټولنه به د دوشنبې پر ورځ د تلې درویشتمه د خپلو غړیو هېوادونو د بهرنيو چارو وزيرانو په غونډه کې له ايران څخه روسيې ته د بالستيک توغنديو د لېږد په تړاو د اشخاصو او بنسټونو پر وړاندې بنديزونه ولګوي.
-
تازه خبرونه4 days ago
مخابراتو وزارت د ټیلیفوني مکالمو او انټرنیټي کڅوړو د لګښت نوي نرخونه اعلان کړل
-
تازه خبرونه4 days ago
له افغانستان څخه مخاړول تېروتنه ده ـ زلمی خلیلزاد
-
لوبی3 days ago
افغانستان سبا په درې اړخیز کرکټ کې له پاکستان سره لوبیږي
-
تحول4 days ago
تحول: د روسیې او شمالي کوریا له نږدې کېدو د ناټو اندېښنه
-
لوبی2 days ago
د افغانستان ۱۹ کلنو په درې ملتیزه سیالۍ کې پاکستان ته ماتې ورکړه
-
تازه خبرونه3 days ago
د افغانستان لپاره د روسیې ځانګړی استازی پاکستان ته سفر کوي
-
تازه خبرونه3 days ago
ایران ۱۰۰۰ افغان بندیان افغانستان ته سپاري
-
تازه خبرونه4 days ago
اسلامي امارت د اسلامي اصولو په چوکاټ کې د رسنیو ازادۍ او فعالیت ته ژمن دی