سوداگري
د ۳۲ میلیونه ډالرو یوه بله بسته کابل ته راورسېده
(Last Updated On: )
له افغانستان سره د نړيوالې ټولنې د بشري مرستو په لړ کې نن (سې شنبه د وري ٢٣ ) د ٣٢ ميليون امريکايي ډالرو پر ارزښت يوه بله ټولګه هم کابل ته راورسېده او د افغانستان نړيوال بانک ته وسپارل شوه.
د افغانستان بانک د دغو نغدي بشري مرستو د ستاینې تر څنګ له نړیوالې ټولنې غوښتي، چې د بانکدارۍ له لارې له افغانستان سره خپلې بشري مرستې پراخې کړي.
د افغانستان بانک د څرګندونو له مخې، د بانکدارۍ له لارې بشري مرستې روڼتیا رامنځته کوي او خلکو ته به د مرستو په رسولو کې آسانتیاوې رامنځته شي.
د افغانستان بانک زیاته کړې؛ د افغانستان بانک له ټولو نړیوالو مالي او بانکي بنسټونو سره د ښو اړیکو غوښتونکی دی او هیله لري، چې نړیواله ټولنه به هم له د افغانستان بانک سره د بانکي اړیکو د آسانتیا په برخه کې همکاري وکړي.
