لوبی
د کرکټ ملي لوبډلې د ټولو لوبغاړيو کرونا کتنه منفي شوه
(Last Updated On: )
د افغانستان کرکټ بورډ څرګنده کړې؛ په بنګله دېش کې د ټولو افغان لوبغاړیو او ورسره د مل کاري پلاوي د ټېسټونو پایلې په دوه یمه کتنه کې منفي اعلام او نن به بېرته خپلو روزنیزو هڅو ته راستانه شي.
تېره ورځ د ځینو لوبغاړیو او ورسره د مل کاري پلاوي د کرونا کتنې مثبتې وې، چې له ۴۸ ګړیو قرنطین وروسته یې د کتنې پایلې منفي وښودل شوې او د راتلونکیو یو ورځنیو سیالیو لپاره به بېرته روزنیزې هڅې پیل کړي.
کرکټ بورډ ویلي، چې د لوبغاړیو له روغتیایي حالته ټینګه څارنه کوي.
د یادونې ده، چې افغان لوبډله به د روانې فبروري میاشتې پر ۲۳ د بنګله دېش پر وړاندې د یو ورځنیو نړیوالو سیالیو لړۍ او ورپسې به بیا د مارچ پر درېیمه د شل آوریزو سیالیو بهیر پیل کړي، چې پر پېنځمه نېټه به پای ته ورسیږي.
