Connect with us

لوبی

د کرکت نړیوال جام په لړ کې افغانستان له نیوزیلنده ماتې وخوړه

خپور شوی

د

(Last Updated On: )

د افغانستان کرکت ملي لوبډلې د ۲۰۲۳ نړیوال جام په څلورمه لوبه کې د چارشنبې پv ورځ (د تلې ۲۶) د هند په چینای ښار کې له نیوزیلند ملي لوبډلې سره مخ شوه او د ۱۴۹ منډو پر توپیر یې ماتې وخوړه.

افغانستان په پيل کې پچه وګټله او د توپ‌اچونې پرېکړه يې وکړه او په لومړۍ نيمايي کې نيوزيلند ته يې د توپ‌وهنې بلنه ورکړه.

نیوزیلند په ټاکلو ۵۰ اورونو کې د ۶ لوبغاړیو پر سوځیدو ۲۸۸ منډې جوړې کړې. په‌دې حساب یې افغانستان ته ۲۸۹ نمرې هدف وټاکه.

افغان لوبډلې په ۳۵ اور کې خپل ټول لوبغاړي له لاسه ورکړل او ۱۳۹ منډې یې جوړې کړې؛ خو بریالی نه‌شو، چې  ټاکل شوی هدف بوره کړي.

د توپ‌اچونې په برخه کې د افغانستان پیل ښه نه‌و، د دې لوبډلې دوه لوبغاړي په لومړیو لس اورونو کې یوازې د ۲۸ منډو پر ترسره کولو وسوځېدل. افغان لوبډلې تر ۲۷ اوره یوازې ۱۰۷ نمرې واخیستې او څلور مهم لوبغاړي یې له لاسه ورکړل. د افغانستان لوبډلې وروستي پېنځه لوبغاړي یوازې د ۱۴ نمرو پر ترلاسه کولو وسوځېدل.

د افغانستان لوبډلمشر حشمت الله شهیدي هم په سختو شرایطو کې له وسوځېد. هغه په دې لوبه کې یوازې ۸ نمرې واخیستې.

په دې لوبه کې رحمان الله ګوربز، ابراهیم ځدراڼ، رحمت شاه، حشمت الله شهیدي، اکرم علیخېل، عظمت الله عمرزي، محمد نبي، راشد خان، مجیب الرحمن، نوین حق او فضل الحق فاروقي ونډه لرله.

د نیوزیلند لوبغاړي دوون کانوی، ویل یانګ، راچین رویندرا، داریل میچل، تام لتهام، ګلن فیلیپس، مارک چپمن، مچل سانتنر، لاکی فرګوسن، مت هینري او ترینت بولت ولوبېدل.

د نیوزیلند ګلین فیلیپس د لوبې غوره لوبغاړی اعلان شو.

نیوزیلند د دې لړۍ په تېرو درې لوبو کې بریا خپله کړې وه او لهه دې بریا سره اوس هم د لښتیلیک ( جدول ) په سر کې ده.

افغانستان په خپلو تېرو درې لوبو کې دوه بایللي او یوه یې له انګلستان څخه ګټلې ده.

نیوزیلند په ۲۰۱۹ نړیوال جام کې له انګلستان څخه ماتې خوړلې وه؛ خو په ۲۰۲۳ نړیوال جام کې یې انګلستان ته ماتې ورکړه.

په دې پړاو کې د افغانستان یوازنۍ بریا د انګلستان پر وړاندې ده، چې د دې جام دفاعي اتل و. دا بریا د انګلند لپاره یوه ټکان ورکوونکې وه او افغانستان ته یې ډېرې هیلې پر برخه کړې.

د افغانستان راتلونکې لوبه به د دوشنبې پر ورځ ( د لړم پر لومړۍ/ د اکتوبر پر  ۲۳) د پاکستان پر وړاندې ترسره شي.

لوبی

د هند ۲۰۲۵ غوره لیګ د ۱۸ کلنې زړه راکښونکې بریا جشن نمانځل کیږي

د هند غوره لیګ سږکال په خپل اتلسم پړاو کې دی او پرته له شکه د نړیوال کرکټ په کلني کلیزه کې یو له خورا زړهراکښونکو پېښو څخه ګرځیدلی دی.

Published

on

(Last Updated On: )

سره له دې، چې د هند غوره لیګ (IPL) لوبو پرانیستې ته څلور ورځې پاتې دي؛ آریانا راډیو ټلویزیوني شبکه په افغانستان کې خپلو کرکټ مینه‌والو ته له خوښۍ ډک زیری وړاندې کوي، ​​چې یو ځل بیا به دا په زړه پورې سپورتي پېښه د دوی تر کورونو ورسوي.

د هند غوره لیګ سږکال په خپل اتلسم پړاو کې دی او پرته له شکه د نړیوال کرکټ په کلني کلیزه کې یو له خورا زړهراکښونکو پېښو څخه ګرځیدلی دی.

د برانډ فاینانس د ارزونې د راپور له مخې؛ د هند غوره لیګ ځلېدا دومره پراخه ده، چې د برانډ ټولیز ارزښت یې په ۲۰۲۴ کال کې ۱۲ ميلیارډ ډالر اټکل شوی، چې د ۲۰۲۳ کال د ۱۰.۷ میلیارډ ډالرو پر پرتله ۱۳ سلنه زیاتوالی ښیي.

برانډ فاینانس زیاته کړې؛ چینای سوپر کینګز لوبډلې په ۲۰۲۴ کال کې د ۱۲۲ میلیون ډالرو له برانډ ارزښت سره د هند غوره لیګ ترټولو قیمتي فرنچایز په توګه مخکښ دی.

دا ۵۲ سلنه وده په لویه کچه د دوی د پخواني لوبډلمشر ایم ایس ډهوني د تلپاتې میراث دی.

د چینای سوپر کینګز تر څنګ ممبي انډینز دی، چې ارزښت یې ۱۱۹ میلیون ډالر دی او د رائل چلینجرز بنګلور، چې ارزښت یې ۱۱۷ میلیون ډالر دی؛ دریم ځای لري.

کلکته نایټ رایډرز او دفاعي اتلان له ۱۰۹ میلیون ډالرو سره د حیدرآباد سنرایزرز د ۸۵ میلیون ډالرو سره، د راجستان رویالز د ۸۱ میلیون ډالرو سره او د ډیلي کیپیټلز د ۸۰ میلیون ډالرو سره په نورو وروستیو درجو کې دي.

د شنبې پر ورځ به په کلکته کې د پرانیستې لوبه د کلکته نایټ رایډرز او رویال چلینجرز بنګلور تر منځ ترسره شي.

د هند غوره لیګ سیالۍ د مارچ پر دوه‌ویشتمه پیل کیږي او دوه میاشتې به روانې وي.

دا سیالي به د ۲۰۲۵ کال د می پر پېنځه‌ویشتمه پای ته ورسیږي.

په ټول افغانستان کې د کرکټ مینه‌وال کولی شي د شنبې پر ورځ ( د وري دوه‌یمه/ د مارچ دوه‌ویشتمه) د ماښام پر ۶:۱۵ له آریانا ټلویزیون څخه وګوري.

د کلکتې نایټ رایډرز او رویال چلینجرز بنګلور ترمنځ لومړۍ لوبه به په همدې ورځ د ماښام پر ۶:۳۰ پیل شي.

د نورو خبرونو او تازه معلوماتو لپاره د آریانا تلویزیون او آریانا نیوز ټولنیزې پاڼې وګورئ.

Continue Reading

لوبی

ایرلینډ د مالي ستونزو له کبله له افغانستان سره کرکټ لوبه وځنډوله

ټاکل شوې وه، چې دا لوبې سږکال په ایرلینډ کې ترسره شي.

Published

on

(Last Updated On: )

د ایرلینډ کرکټ بورډ د سېشنبې پر ورځ (د کب یوویشتمه) ویلي؛ د افغانستان پر وړاندې ټاکل شوې لوبلړۍ، چې په کې یوه ټیسټ لوبه، درې ۵۰ اوریزې او درې ۲۰ اوریزې لوبې وې؛ د بودیجې د محدودیتونو له کبله وځنډول شوې.

ټاکل شوې وه، چې دا لوبې سږکال په ایرلینډ کې ترسره شي.

د ایرلینډ کرکټ بورډ اجرائیوي رییس وارن ډیویټرم له نورو لوبډلو سره د سیالیو مهالوېش اعلانولو پر مهال تائید کړه، چې د افغانستان سیالۍ به د مالي ستونزو له کبله ترسره نشي.

هغه ويلي: “دا پرېکړه د بودجې د لنډمهاله ستونزې له کبله رامنځته شوې ده. مونږ باید د کرکټ بورډ له منشور سره سم خپل کار وساتو، چې ټینګار کوي؛ ستراتیژیکو اهدافو ته د رسېدو لپاره پانګونه باید په متوازن ډول ترسره شي.”

د افغانستان کرکټ بورډ تر اوسه پدې اړه څه ندي ویلي.

افغانستان او ایرلینډ، چې دواړه د کرکټ د نړیوالې شورا (ICC) بشپړ غړيتوب لري؛ په ټیسټ لوبو کې دوه ځله سره مخ شوي دي، چې لومړۍ لوبه افغانستان وګټله او دوه‌یمه هغه د ایرلینډ پر بریا پای ته ورسېده.

په پنځوس اوریزو سیالیو کې دې دوه لوبډلو ۳۲ ځله د یو بل پر وړاندې سیالي کړې، چې افغانستان ۱۸ او ایرلینډ ۱۳ ځله ګټلې دي.

Continue Reading

لوبی

فیفا پر پاکستان فوټبال لګېدلي بندیزونه لرې کړل

د راپور له مخې؛ فیفا د فبروري پر شپږمه پر پاکستان فوټبال فډراسیون (PFF) لګېدلي بندیزونه لرې کړل.

Published

on

(Last Updated On: )

د فوټبال نړیوال فډراسیون (فیفا) د اساسنامې له تعدیل او تصویب وروسته پر پاکستان فوټبال فډراسیون لګول شوي بندیزونه لرې کړل.

د راپور له مخې؛ فیفا د فبروري پر شپږمه پر پاکستان فوټبال فډراسیون (PFF) لګېدلي بندیزونه لرې کړل.

د فیفا شورا دفتر په تېره فبرورۍ کې د پاکستان فوټبال فډراسیون او کانګو فوټبال فډراسیون فعالیتونه له مقرراتو څخه د سرغړونو له کبله ځنډولي وه.

پر پاکستان فوټبال فډراسیون لګول شوي بندیزونه؛ د فیفا شورا د اساسنامې د تعدیل شوې نسخې په تصویبولو کې د پاتې راتلو له کبله ول، چې د عادلانه او ډیموکراټیکو ټاکنو ترسره کول او د دې بهیر د یوې برخې په توګه پر فډراسیون د لګول شويو مکلفیتونو پلي کول تضمینوي.

د فیفا په خبرپاڼه کې ویل شوي، چې د پاکستان فوټبال فډراسیون د قوانینو د تعدیل شوې نسخې له تصویب سره د فیفا ټولې غوښتنې پوره کړې دي.

Continue Reading
Advertisement

Trending

Copyright © 2025 Ariana News. All rights reserved!