Connect with us

تازه خبرونه

د کابل پوهنتون له ټولګیو اخیستل شوي انځورونه غونی ځیږوونکي دي

خپور شوی

د

(Last Updated On: لړم ۱۳, ۱۳۹۹)

د کابل پوهنتون د حقوقو پوهنځي د درسي ټولګیو لګیدلي دیوالونه، په وینو داغ شوي فرشونه د مرګوني، خونړي او غوني ځیږوونکي برید ښکارندویي کوي.

د آریانا نیوز ځینې انځورونه ښیي، چې برید ګر پېنځه درسي ټولګیو ته ننوتي او زدکړیالان یې ان د تېښتې پر مهال هم  پر ډزو وژلي دي.

د آریانا نیوز خبریال شاهپور فرهمند، چې د کابل پوهنتون حقوقو پوهنځي ته ورننوتی ویلي؛ د پوهنځي ځینې برخې په وینو کې ډوبې او سوځېدلي او د یو شمېر څرګندونو له مخې، په دې برید کې د نجونو په ګډون دوه ویشت زدکوونکي وژل شوي او نږدې دېرش نورټپیان دي.

دغلته یو محصل، چې د خپل واده کارت یې خپلو ټولګیوالو ته راوړی و؛ خو خپله د دغه خونړي برید قرباني شوی دی.

دحقوقو پوهنځي بڼوال سیف الله محمدي ویلي؛ هر ټولګي مو له ۵۰ څخه تر ۷۰ زدکړیالان لرل، چې ډېر شمېر یې قرباني شوي دي.  

د بریدګرو پښې د پوهنځي تر هر ځایه رسېدلي او ان ځینې زدکړیالانو، چې هڅه یې کړې له کړکۍ وتښتي هم پر ډزو وژل شوي او د وینو څاڅکي یې د ټولګیو په چتونو کې له ورایه ښکاري.

یو زدکیال ویلي؛ ډېره له وحشته ډکه پېښه وه. د منلو نده، چې داسې ځای تر برید لاندې راشي.

دغه راز دغې د شپږ ګړیو نښتې د پوهنځي اداري برخې ته هم ډېر زیان رسولی؛ ډېيی اسناد او مدارک د کمپیوټرونو په ګډون پر ایرو اوښتي دي.

هغه زدکړیالان، چې خپله قرباني شول؛ کتابونه یې وسوځېدل او درسونه یې نیمګړي پاتې شول.

د رسمي څرګندونو له مخې؛ د برید پر مهال دوه ویشت تنه وژي او نږدې ۳۰ نور ټپیان دي؛ خو په کابل پوهنتون کې سرچینو د ځاني زیان شمېر له دې ډېر یاد کړی دی.

د دوشنبې پر ورځ( د لړم ۱۲) بریدګرو د حقوقو، ادارې او عامه پالیسۍ په پوهنځيو کې پر زدکړیالانو ډزې کړي او لسګونه یې برمته کړي وه.  

له برید وروسته ځانګړي ځواکونه پوهنتون ته ننوتل او د برمته شویو زدکړیالانو د خلاصون او ټپیانو پر لیږدولو سربېره یې له وسلوالو سره نښته پیل کړه. دا، چې د محصلینو د مرګ و ژوبلې شونتیا ډېره وه؛ نو د برید د کابولو کولو هڅې په کرار او تر ۶ ګړیو اوږدې شوې.

دغه مهال په کابل پوهنتون کې د ایران لخوا د کتاب نندارتون هم پرانیستل شوی و، چې د اطلاعاتو او فرهنګ وزارت د چارسمبالي تر څنګ د ایران سفیر او یو شمېر ایرانیو خپرندیانو هم په کې ګډون درلود. له برید سره سم نندارتون ګډوډ او میلمانه له پوهنتون څخه خوندي ویستل شول.

د افغانستان د عامې روغتیا وزارت نن سې شنبه د لړم ۱۳ ویلي، چې په دې برید کې ۲۲ کسان وژل شوي او ۲۷ نور ټپیان دي.

ولسمشر اشرف غني تېره شپه ملت ته په وینا کې د سې شنبې ورځ ملي ماتم اعلان کړ.

بهرنیو چارو وزارت څرګنده کړې؛ پر کابل پوهنتون د تروریستي برید د ملي ماتم مراسم د هېواد په ټولو دیپلوماتیکو استازولیو کې تر سره او ملي بیرق په نیمه اوچت حالت وزړول شو.

د یاد وزارت ویاند ګران هېواد زیاته کړې؛ د م.م او اسلامي همکاریو سازمانونو د مشرانو په ګډون ۴۲ رهبرانو دا تروریستي برید غندلی او د سولې غوښتنه یې کړې.

رویترز د اړوند چارواکو د څرګندونو له مخې په ډاګه کړې؛ د کابل پوهنتون د حقوقو پر پوهنځي د وسلوالو په ډله ییز برید کې د ځوانو نجونو په ګډون ۳۵ زدکوونکي وژل شوي او لږ تر لږه ۵۰ نور ټپیان دي.

دا لومړۍ ځل دي، چې پر کابل پوهنتون ډله ییز وسلوال برید کیږي.

طالبانو په برید کې لاس لرل رد کړي  او د برید پړه داعش پر غاړه اخیستې ده.

د کابل پوهنتون پر حقوقو پوهنځي د داعش د پروني برید په ځواب کې زدکوونکیو نن خپل شعار داسې  انځوریز کړ، چې: مونږ مه وژنئ؛ مرمۍ لږ راوړئ، مونږ ډېر یو!

له دې مخکې د کابل په لویدیځ کې د موعود او کوثر په نوم په روزنیزو کورسونو هم ځانمرګي بریدونو لسګونه کسان وژلي دي.

 

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!