Connect with us

تازه خبرونه

د  کابل نړیوال هوايي ډګر له لارې د نغدو پیسو لېږد محدود شول

خپور شوی

د

(Last Updated On: مرغومی ۲۵, ۱۴۰۰)

د افغانستان اسلامي امارت د لومړي وزیر ملا محمد حسن اخوند د یوه  حکم له مخې؛ د  کابل نړیوال هوايي ډګر له لارې د نغدو پیسو لېږد محدود شوی دی.

د کابل د نړیوال هوايي ډګر چارواکي وايي، دوی ته د رييس الوزرا داسې حکم رسیدلی چې له مخې یې هیوادوال له ټاکلي حد څخه ډيرې پيسې له ځان سره بهر ته نه شي لیږدولی. د دغه حکم په اساس هیڅ سړی او کورنۍ حق نلري چې د هوايي ډګر له لارې له پنځو زرو امریکايي ډالرو زیاتې پيسې بهر ته یوسي.

د دغه حکم له مخې؛ هیڅوک او هیڅ کورنۍ حق نلري، چې د هوايي ډګر له لارې له پېنځه زره څخه ډېر امریکايي ډالر بهر ته یوسي.

 د کابل نړيوال هوايي ډګر مشر عبدالهادي حمدان وايي، چې د دغه حکم له مخې هیڅوک او کورنۍ نشي کولى له پېنځه زره امريکايي ډالرو زيات ډالر بهر ته ولېږدوي.

د نوموړي په وينا، د هوايي ډګر له لارې د سرو زرو او نشه يي توکو د قاچاق د مخنيوي لپاره یې هم خپلې هڅې ګړندۍ کړي او له سرغړونکیو سره به جدي چلند وشي.

هغه ویلي؛ په دې وروستيو ورځو کې يې لسګونه زره امريکايي ډالر، چې د ماشومانو په ډايپرونو او وړڼيو کې په پوره مهارت ځای پر ځای شوي وه او بهر ته وړل کیدل؛ نیولي دي. د هوايي ډګر مشر زياته کړې، چې د سرو زرو او نشه يي توکو د قاچاق د مخنيوي په موخه يې هڅې ډېرې کړي او له سرغړوونکیو سره به جدي چلند وشي.

له دې مخکې د قانون له مخې؛ هر مسافر له هېواده د وتلو پر مهال له ځان سره ۱۰ زره امریکايي ډالر او د ۲۰ زرو امریکايي ډالرو پهر ارزښت د سرو زرو د لیږدولو حق لاره.

دغه راز د تېر کال په مې میاشت کې د افغانستان د بیارغونې لپاره د امریکا د سرمفتش دفتر یو راپور خپور کړی و، چې په کې ویل شوي وه؛ د کابل د هوايي ډګر د ترمینل له لارې د پیسو ناقانونه لېږد روان دی؛ خو د اسلامي امارت چارواکو ټینګار څرګند کړ، چې له دې وروسته به د پیسو له قاچاق وړونکیو سره جدي چلند وشي.

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!