Connect with us

تازه خبرونه

د کابل له نړیوال هوايي ډګره نړیوالې الوتنې پیل شوې

خپور شوی

د

(Last Updated On: وږی ۲۳, ۱۴۰۰)

د کابل د نړیوال هوايي ډګر مسوولینو ويلي، چې د دوشنبې پر ورځ د وږي ۲۲ د کابل له نړیوال هوايي ډګره لومړۍ بهرنۍ الوتنه د پاکستان پلازمېنې اسلام آباد ته تر سره شوه.

د کابل هوايي ډګر مسوولینو ويلي، چې د پاکستان د پي آی ای شرکت په الوتکه کې پېنځه شپېته مسافر د کابل له نړیوال هوايي ډګره اسلام آباد ته ولاړل.

مسوولین په ډاګه کوي، چې له دې هوايي ډګره په یوه بله الوتنه کې یو شمېر بهرنیان د امریکا په غوښتنه هم تللي دي.

د هوايي ډګر مسوولین زیاتوي؛ بهرنۍ الوتنې عادي شوي او په راتلونکیو ورځو کې به له روسیې او ترکیې هم څو الوتنې کابل ته تر سره شي.

د کابل د هوايي ډګر تخنیکي مسوولین وايي چې د  تخنیکي سیستمونو روغول بشپړیدو ته نږدې شوي دي او په څو ورځو کې به رادار هم فعال کړي.

د کابل نړیوال هوايي ډګر مسوول مولوی عبدالهادی حمدان وایي: یوشمېر افغان او پاکستاني وګړي، چې په افغانستان کې بند پاتې ول؛ نن یې اسلام اباد ته الوت تر سره شو. د غه راز له اسلام آباده هم یوشمېر مسافر کابل ته رالېږدول شوي دي.

د کابل  نړیوال هوايي ډګر مسوولین څرګندوي، چې د یو شمېر میرمنو په ګډون یې د دې ډګر پخواني کارکوونکي بېرته پخپلو دندو ګورمارلي دي.

نوموړي زیاته کړې؛ له اسلامي امارت سره له یو لړ مشورو وروسته یو شمېر میرمنې ورځنیو چارو ته راستنې شوي او ځینې نورې به تر بلې سپارښتنې کار پیل کړي.

د کابل د هوايي ډګر تخنیکي مسوولین څرګندوي، چې د دې هوایي ډګر تخنیکي سیسټمونه یې رغولي او په راتلونکیو څو ورځو کې به رادار سیسټم هم بېرته فعال کړي.

د الوتنو د ستنډرډ او خوندیتوب مشرغلام جیلاني وفا وایي: د هوایي ډګر ټول چارواکي د کارګرانو او څانګوالو په ګډون نه ستړې کېدونکې هڅې کوي. تاسې پوهیږئ، چې د قطر او ترکیې تخنیکي ډلې کابل ته راغلي او په هوایي ډګر کې د رادار سیسټم د کارولو هڅې کوي.                

دا په داسې حال کې ده، چې د کابل له نړیوال هوايي ډګره د بهرنیانو او امریکايي پوځونو له وتلو وروسته دې ډګر ته  د قطر، متحده عربي اماراتو، بحرین، پاکستان او قزاقستان پر مرستو بار څو الوتنې ترسره شوې دي.

مسوولین وايي، چې په راتلونکیو ورځو کې به له روسیې او ترکیې هم د کابل هوايي ډګر ته څو الوتنې تر سره شي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!