تازه خبرونه
د ښځو د حقونو موضوع د رسمیت پېژندنې پر بهیر اغېز کړی – امیر خان متقي
د بهرنیو چارو وزارت چارسمبالي امیر خان متقي ویلي، چې د پوهنې او کار په ډګر کې د ښځو د حقونو په اړه ځینې داخلي ستونزې له نړیوالې ټولنې سره د اړیکو پر بهیر او د اسلامي امارت پر رسمیت پېژندلو اغېز لري.
![](https://www.ariananews.af/wp-content/uploads/2024/08/Muttaqi.png)
د بهرنيو چارو وزارت چارسمبالي ويلي، چې د پوهنې او کار په ډګر کې د ښځو د حقوقو اړوند ځينې داخلي مسايل له نړيوالې ټولنې سره د خبرو اترو او د اسلامي امارت د رسمیت پېژندلو پر بهیر اغېز کړی دی.
د بهرنیو چارو وزارت چارسمبالي امیر خان متقي ویلي، چې د پوهنې او کار په ډګر کې د ښځو د حقونو په اړه ځینې داخلي ستونزې له نړیوالې ټولنې سره د اړیکو پر بهیر او د اسلامي امارت پر رسمیت پېژندلو اغېز لري.
امیرخان متقی وایي: په بهرنۍ پالیسۍ او ډیپلوماسۍ کې پرمختګونه لکه د سفارتونو د فعالیتونو دوام؛ خو په طبیعي توګه ځینې ستونزې هم شته، چې د بېلابېلو هېوادونو په سیاسي دریځونو پورې اړه لري.
د بهرنیو چارو وزارت چارسمبالي له بي بي سي سره د مرکې پر مهال ویلي؛ اسلامي امارت په بهرنۍ پالیسۍ او ډیپلوماسۍ کې پرمختګ کړی دی. اوسمهال له هېواده بهر د سفارتونو استازولۍ فعالې دي؛ خو طبیعي ده، چې ځینې ستونزې شته، چې د بېلابېلو هېوادونو پر سیاسي دریځونو پورې اړه لري. امیرخان متقي ویلي؛ د پوهنې، کار او بشري حقونو په برخه کې د ښځو د حقونو په تړاو ځینو کورنیو مسایلو له نړیوالې ټولنې سره د اړیکو پر بهیر خپل اغېز کړی او دغه بهیر یې ورو کړی دی.
امیر خان متقی زیاته کړې، چې ځینو هېوادونو ورسره عملي تعامل پیل کړی او هیله لري، چې غربي هېوادونه به هم له اسلامي امارت سره عملي تعامل ته داخل شي. هغه پر هغو هېوادونو هم نیوکه کوي، چې د قونسلګرۍ په خدمتونو کې یې خنډونه رامنځته کړي او له بشري حقونو سرغړونه کوي.
د بهرنیو چارو چارسمبالي په افغانستان کې د امریکايي ځواکونو د پاتې کېدو او د بګرام پوځي اډې ته د راستنېدو په اړه د امریکا د ولسمشرۍ د نوماند ډونالډ ټرمپ د څرګندونو په اړه غبرګون وښود.
ویل کیږي، چې يو شمېر سفارتونه او قونسلګرۍ، چې له کابل څخه امر نه اخلي دا ځایونه د فساد مرکزونه بلل کیږي او له همدې کبله د دغو سفارتونو اسناد باطل او نه منل کیږي.
تازه خبرونه
د کابل- غزني لويې لارې د دوهيمې برخې جوړولو کار پيل شو
د کابل او غزني تر منځ دوهیم سړک ۱۱۱ کیلومټره اوږدوالی لري او په دې لاره کې ۹ لوی پلونه او ۵۹۴ پلچکونه هم شته.
![](https://www.ariananews.af/wp-content/uploads/2024/09/Baradar.jpeg)
د ریاست الوزراء اقتصادي مرستیال د کابل-غزني لویې لارې د دوهیمې برخې د پرانیستې په مراسمو کې ویلي، چې د ټرانسپورتي او مواصلاتي تاسیساتو جوړولو هڅې د اسلامي امارت بنسټیزه موخه ده.
د دې لويې لارې د جوړولو لګښت درې ميليارډ افغانۍ اټکل شوى او لګښت به يې د درې نيمو کلونو په موده کې د موټر چلوونکیو د حقالعبور له لارې بشپړ شي.
په دې مراسمو کې ملا عبدالغني برادر ويلي، چې د دې سړک له جوړېدو سره به لسګونه نوي کاري فرصتونه رامنځته شي او دغه سړک به د کابل او غزني ترمنځ سوداګريزې اړيکې هم پياوړې کړي.
ملا برادر زیاته کړې، چې د کابل- کندهار لویه لار مرکز او سوېل سره نښلوي او له ایران، پاکستان او نورو هېوادونو سره به د سوداګرۍ لار هم پیاوړې شي.
د کابل او غزني تر منځ دوهیم سړک ۱۱۱ کیلومټره اوږدوالی لري او په دې لاره کې ۹ لوی پلونه او ۵۹۴ پلچکونه هم شته.
د ریاست الوزراء اقتصادي مرستيال له هېوادوالو څخه وغوښتل، چې د دغې ملي پروژې په بشپړولو کې همکاري وکړي، چې کارونه يې پخپل وخت بشپړ شي.
ملا عبدالغني برادر د دې پروژې د قراردادي شرکت له مسوولینو هم وغوښتل، چې د سړک کیفیت ته پوره پاملرنه وکړي.
تازه خبرونه
که عدالت نه وي، نظام حاکم پاتې کېدی نشي – د اسلامي امارت رهبر
په یوه پیغام کې، چې له بلخ ولایت څخه خپور شوې؛ د اسلامي امارت رهبر مولوي هبةالله اخوندزاده د دې ولایت له چارواکو سره په خبرو کې ویلي، چې که عدالت نهوي او شخصي اړیکې او غوښتنې زیاتې شي؛ بیا، نو دا نظام حاکم پاتې کېدی نشي.
![](https://www.ariananews.af/wp-content/uploads/2021/05/Mullah-Hibatullah-Akhundzada.jpg)
د اسلامي امارت رهبر د هېواد شمالي، شمال ختیځو او شمال لویدیځو ولایتونو ته په خپل سفر کې له چارواکو، دیني عالمانو او قومي مشرانو سره په لیدنه کې د ولسونو ترمنځ پر یووالی او همغږس ټینګار کړی او واییګ که عدالت نه وي، دا نظام حاکم باتې کېدی نشی.
په یوه پیغام کې، چې له بلخ ولایت څخه خپور شوې؛ د اسلامي امارت رهبر مولوي هبةالله اخوندزاده د دې ولایت له چارواکو سره په خبرو کې ویلي، چې که عدالت نهوي او شخصي اړیکې او غوښتنې زیاتې شي؛ بیا، نو دا نظام حاکم پاتې کېدی نشي.
د اسلامي امارت مشر ویلي: که ظلم، ترهه، غوښتنې وي او زورواکي محاکمه نشي، بوسه محاکمه شي، کارونه پر واسطه شي او عدالت پلی نشي؛ دا نظام به پاتې نشي.
دغه راز د ارګ په خبرپاڼه کې راغلي، چې د اسلامي امارت رهبر د بادغیس، فاریاب، جوزجان، سرپل، بلخ، سمنګان، بغلان، کندوز، تخار او بدخشان ولایتونو له چارواکو، دیني عالمانو او قومي مشرانو سره په کتنه کې د ولسونو ترمنځ پر یووالي او همغږۍ ټینګار وکړ.
د اسلامي امارت د ویاند مرستیال حمدالله فطرت هم ویلي، چې مولوي هبةالله اخوندزاده د دې غونډې له ګډونوالو وغوښتل، چې د هېواد د قومونو ترمنځ د یووالي لپاره کار وکړي.
ویل کیږي، چې په دې سفر کې د اسلامي امارت رهبر د خلکو د ستونزو له اوریدو وروسته د حل په موخه مسوولینو ته لازمې سپارښتنې هم کړې دي.
تازه خبرونه
په ناروې کې د افغانستان سفارت تړل کیږي
دغه سفارت د دوشنبې پر ورځ په یوه خبرپاڼه کې لیکلي، چې اسلامي امارت د ناروې او نورو هېوادونو د بهرنیو چارو وزارتونو ته یو مکتوب استولی او څرګندوي؛ په دغو هېوادونو کې د مېشتو افغان استازولیو قونسلي کړنلارې او تصدیق شوي اسناد، چې له تېرو درې کلونو راپدېخوا له کابل سره سیاسي اړیکې نلري؛ باطل او د باور وړ ندي.
![](https://www.ariananews.af/wp-content/uploads/2024/09/Norway.png)
په ناروې کې د افغانستان سفارت اعلان کړی، چې د سپټمبر تر دولسمې به خپل فعالیتونه ودروي او د سفارت ودانۍ به د ناروې بهرنیو چارو وزارت ته وسپارل شي.
دغه سفارت د دوشنبې پر ورځ په یوه خبرپاڼه کې لیکلي، چې اسلامي امارت د ناروې او نورو هېوادونو د بهرنیو چارو وزارتونو ته یو مکتوب استولی او څرګندوي؛ په دغو هېوادونو کې د مېشتو افغان استازولیو قونسلي کړنلارې او تصدیق شوي اسناد، چې له تېرو درې کلونو راپدېخوا له کابل سره سیاسي اړیکې نلري؛ باطل او د باور وړ ندي.
د دغه سفارت د څرګندونو له مخې؛ د يادو شويو ادارو د ټولو ډيپلوماټانو د ماموريت د پاى ته رسېدو اعلان هم شوى دى.
په اعلامیه کې راغلي؛ د ناروې بهرنیو چارو وزارت چارواکو د اسلامي امارت احکام یوه قانوني ستونزه ګڼلې او هغه د پلي کېدا وړ بولي.
دا په داسې حال کې ده، چې په لندن کې د پخواني حکومت سفیر زلمي رسول هم په ایکس پاڼه کې لیکلي، چې د بریټانیا د حکومت د رسمي غوښتنې له مخې په دې هېواد کې د افغانستان د سفارت فعالیتونه د سپټمبر تر اووهویشتمې بندیږي.
دا په اروپا کې د افغانستان دوهیم سفارت دی، چې د کوربه هېواد په امر به وتړل شي.
د یادونې ده، چې له دې مخکې د افغانستان بهرنیو چارو وزارت چارسمبالي ترکیې ته د تېرې اوونۍ د سفر پرمهال ویلي وه، چې ډېر ژر به د غوره پرمختګونو خبرونه واورئ
-
لوبی3 days ago
د افغانستان فوټسال لوبډله تاشکند ته ورسېده
-
لوبی2 days ago
ابراهیم ځدراڼ د نیوزیلینډ پر وړاندې په ټسټ لوبه کې نهلوبیږي
-
نړۍ3 days ago
په غزه کې ۲۸ فلسطینیانو ته مرګ او ژوبله اوښتې
-
سیمه ییز خبرونه3 days ago
امریکا روسیې ته د ایران د بالستیک توغندیو پر سپارلو اندېښنه څرګنده کړه
-
تازه خبرونه3 days ago
ناروې له افغانستان سره یو اعشاریه اته میلیون ډالر مرسته وکړه
-
تازه خبرونه1 day ago
په هلمند او کندهار کې د کوکنارو پر ځای د ریحان کرکېله زیاته شوې
-
سوداگري2 days ago
په کابل کې د تره خېل ۲۵۲ میګاولټ امپیر سب سټېشن د جوړولو کار پیل شو
-
نړۍ2 days ago
په سوریه کې د اسرائیلو د بریدونو له کبله لږ تر لږه څلور ملکي وګړي ووژل شول