تازه خبرونه
د چین او ترکمنستان چارواکو د سیمې د بهرنیو چارو وزیرانو پر راتلونکې غونډه خبرې وکړې
د ترکمنستان بهرنیو چارو وزارت په یوه خبرپاڼه کې لیکلي، چې په دې کتنه کې دواړو لوریو د ترکمنستان او چین د اړیکو پر وضعیت او د دغو اړیکو د پراختیا په اړه هم خبرې وکړې.
![](https://www.ariananews.af/wp-content/uploads/2024/06/China-Turkmenistan.jpg)
د افغانستان لپاره د چین ځانګړي استازي یاو ژیائوونګ د ترکمنستان د بهرنیو چارو له مرستیال وزیر احمد قربانوف سره وکتل او دواړو لوریو د افغانستان له ګاونډ هېوادونو د بهرنیو چارو وزیرانو د راتلونکې غونډې په اړه خبرې وکړې.
د ترکمنستان بهرنیو چارو وزارت په یوه خبرپاڼه کې لیکلي، چې په دې کتنه کې دواړو لوریو د ترکمنستان او چین د اړیکو پر وضعیت او د دغو اړیکو د پراختیا په اړه هم خبرې وکړې.
د ترکمنستان د بهرنیو چارو وزارت مرستیال ټینګار کړی، چې ترکمنستان په افغانستان کې د ثبات د ټینګښت لپاره څو اړخیز نړیوال پلاتفورمونه د ګاونډ هېواد د ټولنیز- اقتصادي وضعیت د دوامدارې ودې د هڅولو لپاره مهم عامل ګڼلي.
دواړو لوریو ټینګار کړی، چې ترکمنستان او چین به د دوستۍ او ښه ګاونډیتوب پر اصولو ولاړ وي او د افغانستان د اقتصادي وضعیت د ښهوالي په برخه کې به خپل بشپړ ملاتړ روان ساتي.
د يادونې ده، چې د افغانستان د ګاونډ هېوادونو د بهرنيو چارو وزيرانو پېنځمه ناسته به د ترکمنستان پر کوربتوب په روان کال کې ترسره شي.
تازه خبرونه
د اسلامي همکاریو ټولنې له اسلامي امارت سره د رغنده تعامل غوښتنه وکړه
د افغانستان په اړه د دوحې په درېیمه غونډه کې د امریکا، اروپايي هېوادونو، روسیې، پاکستان، ایران، سعودي عربستان، هند او د یو شمېر نړیوالو ټولنو استازو په ګډون د ۲۵ هېوادونو استازو برخه اخیستې وه.
![](https://www.ariananews.af/wp-content/uploads/2024/07/OIC-Doha-meeting.jpg)
د اسلامي همکاریو ټولنې د عمومي منشي استازي د افغانستان د ستونزو د اواري لپاره له اسلامي امارت سره د رغنده او دوامداره خبرو غوښتنه وکړه.
طارق علي بخیت ویلي، چې دا ټولنه له اسلامي امارت سره د ښځو د زدهکړو، کار او له ترهګرۍ سره د مبارزې په اړه رغنده تعامل روان ساتي.
د اسلامي همکاریو ټولنې په ایکس پاڼه کې د خپرې شوې خبرپاڼې پر بنسټ بخیت په خپلو خبرو کې د افغانستان او خلکو له ګڼو ننګونو سره د مقابلې لپاره د یوې کړنلارې له مخې د همغږۍ پر اړتیا ټینګار وکړ.
هغه ویلي، دې موخې ته د رسیدو لپاره د افغانستان له اوسنیو واکمنو سره د پرلهپسې او رغنده تعامل له لارې ممکن دي.
د افغانستان لپاره د دوحې درېیمه دوه ورځنۍ ناسته د دوشنبې پر ورځ د قطر په پلازمېنه کې پای ته ورسېده.
د افغانستان په اړه د دوحې په درېیمه غونډه کې د امریکا، اروپايي هېوادونو، روسیې، پاکستان، ایران، سعودي عربستان، هند او د یو شمېر نړیوالو ټولنو استازو په ګډون د ۲۵ هېوادونو استازو برخه اخیستې وه.
اړوند خبرونخ:
اسلامي امارت د اسلامي همکاریو ټولنې په راتلونکې غونډه کې د ګډون غوښتنه وکړه
د اسلامي همکاریو ټولنې پلاوي د اروپايي ټولنې له استازې سره ولیدل
تازه خبرونه
له ابو نصر فراهي بندر څخه افغانستان ته د مالونو لېږد اته برابره زیات شوی – ایران
د صنعت او سوداګرۍ وزارت مسوولینو هم ويلي، چې ورځ تربلي د افغانستان او ایران ترمنځ سوداګري او اقتصادي فعالیتونه د پراختیا په حال کې دي.
![](https://www.ariananews.af/wp-content/uploads/2024/07/Transit.jpg)
د ایران د خراسان د جنوب د ګمرکونو مسوولینو ويلي؛ د روان کال په لومړیو درې میاشتو کې د ۹۱۳۴ لاریو ۲۳۶ زره ۲۳۵ ټنه سوداګریز توکي د ابو نصر فراهي بندر له لارې افغانستان ته لیږدول شوي، چې د تېر کال د همدې مودې پر پرتله نږدې اته چنده زیاتوالی ښيي.
د ایران سویلي خراسان د ګمرک رییس محمد کوهګرد ويلي؛ د روان کال په لومړیو درې میاشتو کې ۹۱۳۴ لارۍ له (ابو نصر فراهي) بندر څخه افغانستان ته لېږدول شوې دي.
د محمد کوهګرد د څرګندونو له مخې؛ د وزن له پلوه افغانستان ته د سوداګریزو توکو لېږد د تېر کال د همدې مودې په پرتله ٧٣٥ سلنه زيات شوى دى.
کوهګرد ویلي، چې د افغانستان د فراه له لارې د ټرانزیټي توکو ټول وزن ۲۳۶ زره او ۲۳۵ ټنه و او ټول ارزښت یې له ۳۵ میلیون ډالرو ډېر دی. په دغو ټرانزیټي توکو کې کیمیاوي سرې، پرزې او خوراکي توکي شته، چې له ترکیې، متحده عربي اماراتو، روسیې او اندونیزیا څخه د ماهیرود یا ابو نصر فراهي بندر له لارې افغانستان ته لېږدول شويدي.
محمد کوهګرد وایي: په دې موده کې د ۳۵ میلیون ۴۶۴ زره ۵۵۵ ډالرو پر ارزښت د جنوبي خراسان ۲۹۵ زره ۵۵۶ ټنه تولیدي توکي صادر شوي، چې د تېر کال د همدې مودې پر پرتله پرمختګونه راغلي دي.
دغه راز زیاتوي؛ سمنټ، سپک هایدرو کاربن، تېل، ډیزل، ټایرونه، هګۍ، سولري تختې، سرامیک، ټایرونه او پلاستیکي محصولات د جنوبي خراسان د ګمرک له صادراتي توکو څخه دي او ډېري دغه توکي افغانستان او پاکستان ته صادرېږي.
د ایراني رسنیو د خبرونو پر بنسټ له افغانستان سره اقتصادي او سوداګریزې اړیکي ورځ تر بلي د پراختیا په حال کې دي.
د صنعت او سوداګرۍ وزارت مسوولینو هم ويلي، چې ورځ تربلي د افغانستان او ایران ترمنځ سوداګري او اقتصادي فعالیتونه د پراختیا په حال کې دي.
د صنعت او سوداګرۍ وزارت ویاند عبد السلام اخند زاده وايي، چې له ایرانې لوري سره سوداګرۍ او اقتصادي اړیکې ورځ تر بلې د پراختیا په حال کې دي.
نوموړی وایي: له ایران سره مو ورځ تربلي په ټولو اقتصادي برخو کې د روان کال له پیل څخه تر اوسه پورې مو ایران ته د ۱۶ میلیون ډالر پر ارزښت صادارت او د ۷۴۰ میلیون ډالرو پر ارزښت واردات او چاري نورې هم د منظم کیدو په حال کې دي.
د ا قتصادي چارو شنونکی نذیر احمد خلیل وایي: ایران د افغانستان د ټرانزیټ لپاره ترټولو ښه مسیر دی. هیله لرم، چې د دواړه هېوادونو ترمنځ اقتصادي اړیکو او ټرانزیټ په بهیر کې نوره پراختیا هم رامنځته شي.
د هیواد د خصوصي سکتور غړي ایران په سیمه کې د افغانستان تر ټولو ستر سوداګریز او اقتصادي شریک بولي او زیاتوي، چې ورځ تربلې د دواړو هېوادونو ترمنځ اقتصادي اړیکې د پراختیا په حال کې دي.
ویل کیږي، چې د ایران او افغانستان ترمنځ تېر کال د درې میلیارډ ډالرو څخه زیاته راکړه ورکړه تر سره شوې ده.
تازه خبرونه
ملګرو ملتونو د افغانستان په اړه د دوحې د ناستې پیل ګټور وباله
په دې دوه ورځنۍ ناسته کې د امريکا، اروپايي ټولنې، روسيې، پاکستان، ايران، سعودي عربستان، هند او نورو هېوادونو په ګډون د ۲۵ هېوادونو استازو او همدارنګه د يو شمېر نړيوالو ټولنونو استازو ګډون کړی دی.
![](https://www.ariananews.af/wp-content/uploads/2024/07/DiCarlo.jpg)
په سیاسي چارو کې د ملګرو ملتونو د عمومي منشي مرستیالې رزماري ډیکارلو د دوحې د درېیمې غونډې پیل ګټور وباله او وايي، چې دوی د افغانستان له خلکو سره د مرستې لپاره اصولي ښکېلتیا غواړي.
رزماري ډیکارلو په ایکس پاڼه کې د لیدونو انځورونو له خپرولو سره لیکلي، چې دوی په ډېرو برخو کې له افغانانو سره د مرستې لپاره د اصولي ښکېلتیا په لټه کې دي او غواړي، چې په دې برخه کې باید تعامل اووسي.
هغې ریاته کړې: د افغانستان په اړه د هېوادونو د ځانګړیو استازو د درېیمې ناستې پیل ګټور و. دا لومړی ځل دی، چې د نړیوالې ټولنې او طالبانو ترمنځ دا ډول ناسته ترسره کیږي. په ډېرو برخو کې له افغانانو سره د مرستې لپاره د اصولي تعامل په لټه کې یوو.
دغه راز د قطر بهرنیو چارو وزارت د خبرپاڼې له مخې؛ دغه ناسته د افغان ولس پر وړاندې د شته ننګونو د له منځه وړلو لپاره د ګډو هڅو په اړه د بحث لپاره یو فرصت و او په افغانستان کې د امنیت او ثبات د ټینګښت لپاره له سیمهییزو او نړیوالو هڅو ملاتړ کوي.
په دې خبرپاڼه کې راغلي؛ محمد بن عبدالعزیز د دوحې په درېیمه غونډه کې د اسلامي امارت د پلاوي ګډون د افغان ولس د اوسنیو ننګونو د اواري لپاره د ګډو هڅو د بحث لپاره یو فرصت وباله.
د قطر د بهرنیو چارو وزیر په پرانیستونکې وینا کې ویلي، چې د افغانستان په اړه د ګډې تګلارې د پراختیا لپاره په ګډو پلانونو کې له پرمختګ څخه خوښ دی او په افغانستان کې د امنیت او ثبات د ټینګښت لپاره له سیمهییزو او نړیوالو هڅو ملاتړ کوي.
دغه راز په قطر کې د اسلامي امارت د سیاسي دفتر مشر سهیل شاهین وايي، نړۍ باید د فشار سیاست پریږدي؛ ځکه، چې کومه پایله یې نده لرلې او اسلامي امارت له نړۍ سره مثبتو اړیکو او تعامل ته چمتو دی.
په دې دوه ورځنۍ ناسته کې د امريکا، اروپايي ټولنې، روسيې، پاکستان، ايران، سعودي عربستان، هند او نورو هېوادونو په ګډون د ۲۵ هېوادونو استازو او همدارنګه د يو شمېر نړيوالو ټولنونو استازو ګډون کړی دی.
اړوند خبرونه:
د پالیسیو په اړه اختلاف طبیعي دی او لګېدلي بندیزونه باید لرې شي – ذبیح الله مجاهد
-
لوبی4 days ago
هند او سویلي افریقا د کرکټ ۲۰ اوریز نړیوال جام پایلوبې ته لار پیدا کړه
-
لوبی3 days ago
د افغانستان فوټسال لوبډله په دوستانه سیالیو کې له مراکش سره لوبیږي
-
تازه خبرونه4 days ago
له افغانستان څخه د امریکايي ځواکونو وتل امریکا ته له شرمه ډکه تاریخي پېښه وه – ټرمپ
-
لوبی2 days ago
کوهلي په ۲۰ اوریز نړیوال جام کې د هندوستان له اتلولۍ وروسته استعفا وکړه
-
سیمه ییز خبرونه4 days ago
د ایران ولسمشریزې ټاکنې رسماً پیل شوې
-
تازه خبرونه3 days ago
د روان کال په لو مړۍ ربعه کې د ۳۰۴ میلیون ډالرو پر ارزښت صادرات شوي
-
تازه خبرونه1 day ago
د ښځو له بشپړې ونډې پرته افغانان موخې ته رسېدلی نشي – کاناډا
-
سوداگري2 days ago
په ازبکستان کې د افغانستان د تولیداتو درې ورځنی نندارتون جوړېږي