سیمه ییز خبرونه
د پاکستان یوې محکمې د عمران خان پرضد د فتنې دوسیه لغو کړه

د پاکستان یوې محکمې د دوشنبې پر ورځ د پخواني لومړي وزیر عمران خان پر ضد د فتنې دوسیه لغوه او د کرکت اتل سیاستوال ته یې، چې د دې میاشتې په پیل کې د فساد پر تور زنداني شوی و، ډاډ ورکړ.
د رویټرز خبري اژانس د راپور له مخې، د عمران خان یو وکیل نعیم پنجوتا په ایکس ټولنیزه شبکه کې څرګنده کړې: د خدای شکر دی، چې د پاکستان یوې محکمې په کوټه ښار کې د یوه وکیل د وژنې په تړاو د عمران خان پر ضد لګېدلي تورونه رد کړل.
عمران خان د جون په میاشت کې پر قتل تورن شوی و او د ۲۰۲۲ ز.کال په اپریل میاشت کې د هغه هېواد په پارلمان کې ترې د باور رای واخیستل شوه او د صدراعظمۍ له څوکۍ څخه د لرې کیدو راپدیخوا هغه له سلو څخه ډېرو قانوني پېښو کې ګرم وپېژندل شو او دا مهال په زندان کې پر درې کاله بند محکوم دی.
د دغه راپور له مخې، د اسلاماباد ستره محکمه په پام کې لري؛ نن (دوشنبه) د عمران خان د هغې غوښتنې په اړه پرېکړه وکړي، چې د خیانت په قضیه کې یې د هغه د محکومیت د ځنډولو غوښتنه کړې وه.
د پاکستان پخوانی لومړی وزیر د کرکت پخوانی ستوری و، چې پر سیاستوال بدل شو. د هغه له ګوښه کیدو سره – سره په اپوزیسیون کې لوی شخصیت پاتې شوی. عمران خان د پاکستان اووم پخوانی لومړی وزیر دی، چې نیول کیږي.
سیمه ییز خبرونه
په غزه کې د اسرائیلو پر هوایي لږ تر لږه ۲۰۰ کسان ووژل شول
د حماس لخوا د خپرو شویو راپورونو له مخې؛ په دې برید کې، چې نن سهار (سېشنبه د کب اتهویشتمه / د مارچ اتلسمه) شوی له ۲۰۰ څخه ډېر ملکي وګړي د ښځو او ماشومانو په ګډون وژل شوي دي.

اسرائیلو د غزې په تړانګه کې خپل پراخ بریدونه بیا پیل کړل، چې د بېلابېلو سرچینو د څرګندونو له مخې؛ د اوربند د تړون له پلي کېدا راپدېخوا ترټولو سخت پوځي عملیات ګڼل کیږي.
د حماس لخوا د خپرو شویو راپورونو له مخې؛ په دې برید کې، چې نن سهار (سېشنبه د کب اتهویشتمه / د مارچ اتلسمه) شوی له ۲۰۰ څخه ډېر ملکي وګړي د ښځو او ماشومانو په ګډون وژل شوي دي.
دا بریدونه د هوايي ځواک او درندو توپخانو پر کارولو ترسره شو او د غزې شمالي، مرکزي او جنوبي سیمې یې پر نښه کړي دي.
راپورونه ښيي، چې اسرائیلو په غزه کې له ۴۵۰ څخه پر زیاتو هدفونو بریدونه کړي، چې په کې د حماس بېخبناوې(زیربناوې) او د استوګنې سیمې ښودل شوي دي.
د غزې د روغتیا وزارت د ورکړ شويو معلوماتو له مخې، چې حماس یې کنټرولوي؛ د بریدونو په دې پړاو کې له ۲۰۰ څخه ډېر کسان وژل شوي او سلګونه نور ټپیان دي.
حماس ویلي، چې ډېری قربانیان ملکي وګړي دي، چې په خپلو کورونو او سرپناوو کې تر برید لاندې راغلي.
په غزه کې روغتیايي سرچینو راپور ورکړی، چې روغتونونه له ټپیانو ډک دي او د طبي تجهیزاتو د نشتوالي او د برښنا د پرېکیدو له کبله د روغتیایي خدماتو وړاندې کولو وړتیا خورا محدوده شوې ده. ملګرو ملتونو دا خبرداری هم ورکړی، چې دوامداره بریدونه کولی شي په غزه کې بشري وضعیت “د نه راستنېدو حالت” ته ورسوي؛ ځکه، چې د جګړې له کبله له یو میلیون څخه ډېر خلک بې ځایه شوي دي.
په سیمه ییزه کچه مصر او قطر، چې د اوربند په خبرو اترو کې یې د منځګړو رول لوبولی؛ د بریدونو بیا پیل غندلی او د جګړې د سمدستي پای ته رسولو غوښتنه یې کړې ده. د مصر حکومت دا اقدام “سیمه ییز ثبات ته ګواښ” وباله او له نړیوالې ټولنې یې وغوښتل، چې د بحران د پراخېدو د مخنیوي لپاره مداخله وکړي.
امریکا پر نړیواله کچه محتاط دریځ غوره کړی او د اسرائیلو د ځان له حق څخه یې د ملاتړ ترڅنګ دفاع کړې او د ملکي ځاني زیانونو د کمولو غوښتنه کوي. اروپايي ټولنې او ملګرو ملتونو هم له دواړو خواوو غوښتي، چې له زغمه کار واخلي.
د دې پراخ او ناڅاپي برید په ځواب کې د حماس وسلوالې ډلې اسرائیل پر “نسلي وژنه” تورن کړ او د نړۍ له ټولو عربي، اسلامي او آزادو هېوادونو یې وغوښتل، چې د اسرائیلو پر ضد لاریونونه وکړي.
سیمه ییز خبرونه
د پاکستان په جنوب لویدیځ کې ځانمرګي برید ۳۶ کسانو ته مرګ او ژوبله اړولې
رویټرز راپور ورکړی، چې د بلوچستان د نارامه ولایت په نوشکي ولسوالۍ کې د برید مسوولیت بلوڅ آزادي غوښتونکي پوځ پر غاړه واخیست.

د پاکستان چارواکو د یکشنبې پر ورځ ویلي، چې بېلتون غوښتونکو وسلوالو له چاودېدونکو توکو ډک موټر د نیمه پوځي ځواکونو پر کاروان وچاوه او لږ تر لږه پېنځه کسان یې یې ووژل او ۳۱ نور یې ټپیان کړل.
رویټرز راپور ورکړی، چې د بلوچستان د نارامه ولایت په نوشکي ولسوالۍ کې د برید مسوولیت بلوڅ آزادي غوښتونکي پوځ پر غاړه واخیست.
د نوشکي ولسوالۍ د پولیسو لوړ پوړی افسر هاشم مومند ویلي، چې د نیمه پوځي ځواکونو له ۳۰ څخه ډیر غړي هم ټپیان شوي دي.
د پاکستان لومړي وزیر شهباز شریف په یوه خبرپاڼه کې دا برید وغانده.
پوځ ویلي، چې بي ایل ای د سېشنبې پر ورځ د بلوچستان ولایت په یوه لرې پرتې غرنۍ لاره کې د جعفر ایکسپریس کنټرول په لاس کې واخیست او په یوه برید کې یې د اورګاډي پټلۍ والوزوله او ۳۱ سرتېري او ملکي وګړي یې ووژل.
په خیبر پښتونخوا ایالت کې، چې د بلوچستان شمال ته پروت دی او له افغانستان سره ګډه پوله لري؛ د دې ایالت اعلی وزیر علي امین ګنډاپور په ټول ولایت کې پر پولیسو د بریدونو لړۍ وغندله.
هغه د تلفاتو شمېر ونه ښوده؛ خو د تحریک طالبان پاکستان (ټي ټي پي) وسلوالې ډلې ویلي، چې په تېرو ۲۴ ساعتونو کې ۱۶ بریدونه شوي دي.
د پاکستان چارواکو ژمنه کړې، چې د وسلوالو د مخ پر زیاتېدونکو بریدونو مخه به ونیسي.
دې چارواکو زیاته کړې، چې دا وسلوال په افغانستان کې د میشتو وسلوالو لخوا تمویلیږي؛ خو دا تور واکمن اسلامي امارت ردوي.
سیمه ییز خبرونه
د بلوچستان د ریلګاډي په برید کې هند لاس لري – اسلام آباد
شفقت علي خان په یوه مطبوعاتي کنفرانس کې ویلي، چې بریدګر د پېښې پر مهال په افغانستان کې له خپلو همکارانو سره په اړیکه کې ول.

د پاکستان بهرنیو چارو وزارت ویاند ويلي، چې په بلوچستان ایالت کې پر مسافر وړونکي اورګاډي برید د هند له خوا ترسره شوی دی.
شفقت علي خان په یوه مطبوعاتي کنفرانس کې ویلي، چې بریدګر د پېښې پر مهال په افغانستان کې له خپلو همکارانو سره په اړیکه کې ول.
هغه زیاته کړې؛ ترهګر په افغانستان کې پټنځایونه لري او اسلامي امارت باید د بلوچستان د آزادۍ پوځ په څېر ډلو ته اجازه ورنکړي، چې د افغانستان خاوره د پاکستان پر وړاندې وکاروي.
د پاکستان پوځ هم ادعا کړې، چې په بلوچستان کې وروستی برید په افغانستان کې مېشتو وسلوالو پلان کړې و.
پر ریلګاډي برید، چې ۴۰۰ مسافر یې لېږدول؛ د سېشنبې پر ماسپښین مهال پیل شو او د چارشنبې پر ورځ پای ته ورسېد. په دې پېښه کې ۲۱ مسافر، ۳۳ بریدګر او څلور سرتېري ووژل شول، چې مسوولیت یې د بلوچستان د آزادۍ پوځ پر غاړه واخیست.
د افغانستان اسلامي امارت د پاکستان د پوځ د ویاند هغه ادعاوې رد کړې، چې ګواکې په بلوچستان ایالت کې پر مسافر وړونکي اورګاډي برید له افغانستان سره تړاو لري.
د اسلامي امارت د بهرنیو چارو وزارت ویاند عبدالقهار بلخي له پاکستان وغوښتل، چې د بې مسوولیته څرګندونو پر ځای دې د خپلو امنیتي مسلو او کورنیو ستونزو حلولو ته پام راواړوي. هغه ویلي؛ د بلوڅ اپوزیسیون هیڅ غړی په افغانستان کې نشته او نه یې له اسلامي امارت سره کومه اړیکه لرلې ده. نوموړي زیاته کړې: “د سیاسي موخو لپاره د ملکي وګړو قرباني کول د توجیې وړ نده او مونږ په دې پېښه کې د بې ګناه خلکو پر مرګ او ژوبلې خواشیني یوو..”
پاکستانيو چارواکو تل ادعاوې کړي، چې په پاکستان کې بریدونه د افغانستان له خاورې پلان کیږي؛ خو اسلامي امارت دا ادعاوې تل رد کړي او څرګندوي، چې افغانستان د پاکستان د “امنیتي ناکامیو” مسوول ندی.
-
تازه خبرونه2 days ago
د تورخم دروازې د بیا پرانیستلو او اوربند لپاره د جرګې خبرې پرښه نیت پای ته ورسېدې
-
سوداگري3 days ago
په ۱۴۰۳ کال کې د ۲۹۲ میلیون ډالرو پر ارزښت د هوايي دهلیزونو له لارې سوداګري شوې
-
تازه خبرونه1 day ago
له افغانستان څخه د امریکا د وتلو په پرېکړه او پلي کولو کې ټول ښکېل کسان مسوول دي ـ شان پارنیل
-
لوبی1 day ago
د هند ۲۰۲۵ غوره لیګ د ۱۸ کلنې زړه راکښونکې بریا جشن نمانځل کیږي
-
تازه خبرونه4 days ago
د ټرمپ حکومت د امریکا غږ کارکوونکي جبري رخصتۍ ته اړ کړل
-
تازه خبرونه4 days ago
امریکا په یمن کې د ۳۱ حوثیانو پر وژلو د هوايي بریدونو لړۍ پیل کړه
-
نړۍ14 hours ago
پوتین د اوکراین د انرژۍ پر تاسیساتو او بېخبناوو د بریدونو له ۳۰ ورځني اوربند سره هوکړه وکړه
-
سیمه ییز خبرونه3 days ago
د پاکستان په جنوب لویدیځ کې ځانمرګي برید ۳۶ کسانو ته مرګ او ژوبله اړولې