تازه خبرونه
د پاکستان او م.م استازیو د اسلامي امارت پر رسميت پېژندلو خبرې وکړې
کابل ته د پاکستان د ځانګړي استازي آصف دراني له درې ورځني سفر وروسته د ملګرو ملتونو له ځانګړي همغږي کوونکي فریدون سینیرلي اوغلو سره له لیدنې خبر ورکړی او څرګندوي، چې د اسلامي امارت پر رسمیت پېژندلو یې ورسره خبرې کړې دي.
د دوشنبې پر ورځ (د زمري پر دوهیمه) آصف دراني په یوه تویت کې د ملګرو ملتونو له ځانګړي همغږي کوونکي سره د لیدنې تصویر خپور کړی او دا خبرې یې بنسټیزې یادې ګړې دي.
د افغانستان په چارو کې د پاکستان ځانګړي استازي آصف دراني یوازې د بحث شویو موضوعاتو نوملړ خپور کړی او جزئیات یې نهدي ورکړي.
د نوموړي د څرګندونو له مخې؛ دا خبرې د طالبانو د نظام ( اسلامي امارت ) پر رسمیت پېژندلو، د تحریک طالبان پاکستان پټنځایونو، د ښځو حقونو، بانکي بندیزونو، بند شويو حسابونو او بشري بحران راڅرخېدلي دي.
د افغانستان لپاره د ملګرو ملتونو ځانګړي همغږي کوونکي فریدون سینیرلي اوغلو تر دې دمه د غو خبرو په اړه څه نهدي ویلي.
دا په داسې حال کې ده، چې آصف دراني په دې وروستیو کې کابل ته د درې ورځني سفر پرمهال د افغانستان اسلامي امارت له چارواکو سره لیدلي او پر ګډو مسایلو یې خبرې کړې دي.
