Connect with us

تازه خبرونه

د پاسپورتونو د وېش بېرته پیلولو هڅې روانې دي – پاسپورت ریاست

خپور شوی

د

(Last Updated On: )

پاسپورت ادارې ویلي؛ د چارشنبې پر ورځ( د کب ۱۰) به په کابل او ولایتونو کې د پاسپورت وېش له سره پیل شي.

د پاسپورت عمومي رييس عبدالکریم حسیب ویلي، چې شپږ ورځې وروسته به په کابل او ولایتونو کې د پاسپورتونو وېش بیا پیل شي.

عبدالکریم حسیب زیاته کړې؛ په دې اداره کې تخنیکي ستونزې اوارې شوي او د کب پر لسمه د چارشنبې پر ورځ به د پاسپورت وېش په عادي ډول پيل شي.

د نوموړي د څرګندونو له مخې؛ دا ځل به هره ورځ لس زره پاسپورتونه خلکو ته ورکوي.

هغخه دا هم په ډاګه کړې؛ د پاسپورتونو د وېش په بهير کې ډېرې اسانتياوې رامنځته شوي. په ځانګړي توګه د کاغذي تذکرو د تائید پړاو، چې له دې وروسته به د پاسپورت په اداره کې تر سره کیږي.

د پاسپورت عمومي ریاست ویاند نورالله پتمن وایي: هغه کسان، چې الکترونیکي تذکرې یې تر لاسه کړي او بایومتریک شوي دي؛ د پاسپورت لپاره بایو متریک ته اړتیا نلري.

د پاسپورت عمومي ریاست مرستیال شېرشاه قریشي وايي، چې د انلاین نوملیکنې بهیر هم پیل شوی او خلک کولی شي د خپل اوسني استوګنځي له مخې د پاسپورت ترلاسه کولو لپاره نوملیکنه وکړي.

ویل کیږي؛ هغه پاسپورتونه، چې په تور بازار کې پلورل کېږي جعلي او د اعتبار وړ ندي او دغه ریاست توانېدلی، چې په تېرو شپږو میاشتو کې ۱۵۰ تنه جعلکاران ونیسي او د قانون منګولو ته یې وسپاري.

تازه خبرونه

د معاشونو د نورم او اجراء په اړه خپاره شوي لیستونه او اوازې ناسمې دي

د ماليې وزارت په خبرپاڼه کې راغلي؛ د تېرو څو ورځو راپدېخوا په یو شمېر رسنيو او ټولنیزو پاڼو کې، چې د امارتي ادارو د معاشونو د نورم د بدلون په اړه کوم لیستونه او اوازې خپرېږي؛ مطلق ناسم دي.

Published

on

(Last Updated On: )

‏د افغانستان ماليې وزارت د معاشونو د نورم او اجراء په اړه په يوه خبرپاڼه کې ویلي، چې د معاشونو د نورمونو د بدلون په تړاو خپرې شوې اوازې او ليستونه ناسم او درواغ دي.

د ماليې وزارت په خبرپاڼه کې راغلي؛ د تېرو څو ورځو راپدېخوا په یو شمېر رسنيو او ټولنیزو پاڼو کې، چې د امارتي ادارو د معاشونو د نورم د بدلون په اړه کوم لیستونه او اوازې خپرېږي؛ مطلق ناسم دي.

ماليې وزارت په همدې اوونۍ کې د معاشاتو د اجراء خبر هم ورکړی او زياتوي:« دا وزارت هېوادوالو ته ډاډ ورکوي، چې د امارتي ادارو معاشات به په دې اوونۍ کې د پخوا په څېر اجراء شي».

دا په داسې حال کې ده، چې د حکومت مامورینو د سلواغې او کب میاشتو معاشونه ندي اخیستي.

Continue Reading

تازه خبرونه

د بهرنیو چارو وزارت د غزې پر تړانګه د اسرائیلو تازه بریدونه وغندل

د دې وزارت د خپرې شوې خبرپاڼې له مخې: “د صهیونستي یرغلګرو دا وحشیانه عمل نه یوازې له بشري حقونو او نړیوالو قوانینو سرغړونه ده، بلکې د انسانیت له بنسټیزو ارزښتونو سره هم ښکاره تضاد لري”.

Published

on

(Last Updated On: )

د بهرنیو چارو وزارت ویلي؛«د اسرائیلي اشغالګر رژیم په تازه بریدونو کې، چې له کبله یي له ۳۰۰ ډېر بې گناه فلسطینیان د میرمنو او ماشومان په ګډون “شهیدان” او ټپیان کړل» پر کلکو ټکو غندي.

د دې وزارت د خپرې شوې خبرپاڼې له مخې: “د صهیونستي یرغلګرو دا وحشیانه عمل نه یوازې له بشري حقونو او نړیوالو قوانینو سرغړونه ده، بلکې د انسانیت له بنسټیزو ارزښتونو سره هم ښکاره تضاد لري”.

دغه راز بهرنیو چارو وزارت یو ځل بیا له ذیدخله هېوادونو وغوښتل، چې د فلسطین له مظلومو خلکو خپل ملاتړ څرګند کړي او د اشغال د پای ته رسولو لپاره عملي او پرېکنده ګامونه واخلي.

اسلامي امارت ویلي، چې دوی “د فلسطینیانو حقه مبارزه او مشروع مقاومت د هغو یو ثابت حق ګڼي او ملاتړ یې کوي.”

Continue Reading

تازه خبرونه

له افغانستان څخه د امریکا د وتلو په پرېکړه او پلي کولو کې ټول ښکېل کسان مسوول دي ـ شان پارنیل

 د وزارت ویاند د جو بایډن په مشرۍ د امریکا د پخوانۍ ادارې پر ستراتیژۍ نیوکه وکړه او وایي؛ ټول هغه کسان، چې له افغانستان څخه د امریکا د وتلو په پرېکړه او پلي کولو کې ښکېل دي باید مسوول وګڼل شي.

Published

on

US defense dept Parnell
(Last Updated On: )

د امریکا دفاع وزارت ويلي، چې په ۲۰۲۱ کال کې له افغانستان څخه د امریکايي ځواکونو وتل “نامسؤلانه” او شرموونکي وه.

 د وزارت ویاند د جو بایډن په مشرۍ د امریکا د پخوانۍ ادارې پر ستراتیژۍ نیوکه وکړه او وایي؛ ټول هغه کسان، چې له افغانستان څخه د امریکا د وتلو په پرېکړه او پلي کولو کې ښکېل دي باید مسوول وګڼل شي.

د امریکا د دفاع وزارت ویاند په خپل لومړني مطبوعاتي کنفرانس کې له افغانستان څخه د امریکا د وتلو پر ستراتیژۍ نیوکه وکړه او اسلامي امارت ته یې د افغانستان تسلیمېدل ستونزمن وبلل.هغه د امریکا د ګډوډ وتلو مسوولانو ته د حساب ورکولو پر اړتیا ټینګار وکړ.

د امریکا د دفاع وزارت ویاند شان پارنیل وايي: “زما هېواد په افغانستان کې د ۲۰ کلونو لپاره په جګړه کې و او ما د خپل ژوند یوه لویه برخه هلته تېره کړه.” زمونږ سرتېرو هلته ډېر ښه ماموریت ترسره کړ؛ خو زما لپاره دا ډېره سخته وه، چې د طالبانو (اسلامي امارت) ته د افغانستان د تسلیمېدو صحنې ووینم. د ټرمپ اداره به هرې جګړې ته د ننوتلو، ګټلو او وتلو لپاره یوه روښانه ستراتیژي ولري.”

له دې مخکې د ټرمپ ادارې نورو چارواکو له افغانستان څخه د امریکايي ځواکونو د وتلو پر څرنګوالي نیوکه کړې وه او د حساب ورکولو پر اړتیا یې ټینګار کړی و.

دغه راز د امریکا بهرنیو چارو وزارت ویاند اعلان کړی، چې په افغانستان کې د پخوانیو امریکایي سرتېرو د همکارانو لیږد او بیا میشتېدنه د هېواد د پالیسۍ یوه برخه ده.

د بهرنیو چارو وزارت ویاند ټامي بروس ویلي: “مونږ د دې اشخاصو د لېږدولو لپاره ترتیبات نیولي دي. د امکان تر حده مونږ د ډېرو هغو خلکو د بېرته ستنولو هڅه کړې، چې په شخړو کې ښکېل ول. په ځانګړي توګه هغه کسان، چې له مونږ سره یې همکاري کړې او تل زمونږ د پالیسۍ برخه وه. دا بهیر له پخواني حکومت څخه روان دی او مونږ اوس هم پدې کار کوو.”

سپینې ماڼۍ ته د ټرمپ له راستنېدو سره سم له افغانستان څخه د پخوانیو امریکایي سرتېرو د ایستلو بهیر هم په ناڅرګندتیا کې ډوب شوی دی. په زرګونه خلک اوس په افغانستان، پاکستان، قطر او د سیمې په نورو هېوادونو کې بې برخلیکه ژوند کوي. داسې رپوټونه هم شته چې ښايي پر افغان اتباعو امریکا ته پر سفر بندیز ولګول شي.

Continue Reading
Advertisement

Trending

Copyright © 2024 Ariana News. All rights reserved!