Connect with us

تازه خبرونه

د پاتې ۳۲۰ طالب بندیانو د خوشې کولو بهیر وځنډول شو

خپور شوی

د

(Last Updated On: زمری ۲۹, ۱۳۹۹)

ولسمشرۍ ویلي: تر هغې، چې طالبان ۲۲ امنیتي ځواکونه له بنده راخوشې نکړي؛ پاتې طالب بندیان به هم خوشې نشي.

 یوې باوري حکومتي سرچینې آریانا نیوز ته ویلي: تر هغې، چې امریکا له فرانسې او آسترالیا سره پر وژنو د تورنو ۶ سرتېرو په اړه هوکړه ونکړي؛ د سولې په خبرو کې به هم  پرمختګ رامنځته نشي.

د یادې سرچینې د څرګندونو له مخې، دغه ۶ سرتېري د دغو هېوادونو د اتباعو پر وژنو تورن پاتې دي.

د ولسمشرۍ ویاند په ډاګه کړې، چې د سولې خبرې د هغو دوه ویشت امنیتي افسرانو د نه خوشې کېدو له کبله له پرمختګ پاتې شوې، چې د طالبانو په بند کې دي.

د ولسمشرۍ ویاند صدیق صدیقي ویلي؛ طالبان باید وښیي، چې د امنیتي ځواکونو د خوشې کولو واک لري او که نه او آیا پخپلو قومندانانو واکمن دي او که نه.

ولسمشرۍ په داسې حال کې د طالب بندیانو خوشې کول مشروط کړي، چې ولسمشر غني له انګلستان تایمز ورځپاڼې سره په مرکه کې یو ځل بیا خبرداری ورکړ، چې د پاتې طالب بندیانو د خلاصولو د عواقبو مسوول به اروپایي هېوادونه او امریکا وي.

نوموړي زیاته کړې؛ که نشه یي توکي په بریتانیا او اروپا کې زیات شي، نو مشران به یې په کې شریک وي؛ خو مونږ باید پوه شو، چې د دغو خوشې کېدو عواقب څه دي او که دا کسان جرم وکړي؛ ښکېله نړۍ به یې مسووله وي.

 یوې باوري سرچینې، چې د سولې په خبرو کې دخیله ده؛ آریانا نیوز ته ویلي: تر هغې، چې امریکا له فرانسې او آسترالیا سره د شپږ بندیانو په تړاو هوکړې ته ونه رسیږي؛ د سولې په خبرو کې پرمختګ ناشونی دی. دا شپږ سرتېري تورن دي، چې د دې هېوادونو سرتېري یې وژلي دي.

د سرچینې په خبره؛ دا شپږ سرتېري پر بهرنیو سرتېرو د افغان ځواکونو په جامو کې د بریدونو پر مهال وژل شوي دي.

د سولې په چارو کې د دولت وزارت سلاکار عزیز فضلي ویلي؛ سوله لوړه بیه غواړي او د افغانستان خلکو دا بیه په ورین تندي منلې ده.         

په قطر کې د طالبانو سیاسي دفتر وایي، د پاتې بندیانو  نه خوشې کول د سولې هڅو په وړاندې جدي ګواښ دی.

پخواني طالب چارواکي سید اکبر آغا هم د بندیانو نه خوشې کول دغه بهیر ته لوی ګواښ بولي او وایي، چې دا بندیان باید له شرط پرته خوشې شي.

دا په داسې حال کې ده، چې حکومت له پاتې ۴۰۰ طالب بندیانو څخه د سولې مشورتي جرګې د پرېکړې او د ولسمشر د فرمان له مخې ۸۰  کسان خوشې کړي دي. 

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!