ساینس او ټیکنالوژي
د ټولنیزو شبکو د بندیدو لامل په سیسټم کې تېروتنه وه ـ فیسبوک
فیسبوک شرکت نن (سې شنبه د تلې ۱۳) په ډاګه کړې، چې د روټر سیسټم د تنظیماتو په بدلولو کې تېروتنې د شرکت ۳ اعشاریه ۵ میلیارډ کاروونکي د ۶ ګړیو لپاره له رسنیزو ستونزو سره مخ کړي وه.
د رویټرز د څرګندونو له مخې دې شرکت له خپلو کاروونکیو څخه د بښنې تر څنګ په ډاګه کړې، چې زموږ د انجنیرۍ ډلو موندلې، چې په روټرونو کې د ترتیباتو بدلول زمونږ شبکې ته یاده ستونزه رامنځته کړې وه.
دغه راز ویل شوي: زمونږ خدمات اوس بیا پیل شوي او هڅه کوو، چې همغږي مو خپل عادي حالت ته بېرته راوګرزوو. مونږ داسې شواهد هم نلرو، چې د رامنځته شوې ستونزې په پایله کې مو کاروونکيو ته څه زیان اوښتی وي.
تېره ورځ ناڅاپه فیسبوک، واټس اپ او انسټاګرام د ۶ ګړیو لپاره له لاسرسي ووت. د دغو درې واړو مشري د فیسبوک پر غاړه ده.
داسې راپورونه هم ورکړ شوي، چې د فیسبوک اجرائیوي مشر مارک زاکربرګ ۷ میلیارډ ډالر او د یونیم میلیارډ په شمېر کاروونکي له لاسه ورکړي دي.
فیسبوک د پیغام رسولو، ژوندۍ خپرونې، مجازی حقیقت او ډېرو نورو ډیجیټلي خدماتو لپاره لوی وړاندې کوونکی ګرزېدلی دی.
په ټوله نړۍ کې ۳ اعشاریه ۵ میلیارډ خلک فیسبوک، انسټاګرام، میسنجر او واټس اپ له لارې له ملګرو او کورنیو سره نښلوي، سیاسي پیغامونه شریکوي او د اعلاناتو او معلوماتو له لارې خپله سوداګري روانه ساتي.
فیسبوک لومړنۍ ټولنیزه شبکه ده، چې له یو میلیارډ ډېر کاروونکي لري او دا مهال له ۲ میلیارډ و ۸۵۰ څخه ډېر میاشتني فعال کاروونکي لري.
دا شرکت همدا اوس د ټولنیزو رسنیو څلور لوی دفترونه لري، چې هر یو یې له یو میلیارډ ډېر میاشتني فعال کاروونکي لري.
د یادونې ده، چې تېره ورځ د کابل پر وخت د شپې شاوخوا ۹:۳۰ دغو شبکو ته لاسرسی ناشونی شو، چې بیا ۶ ګړۍ وروسته بېرته فعال شول.
ساینس او ټیکنالوژي
د جاپان سپیس ون کایروس توغندی له توغېدو وروسته وچاودېد
د چارشنبې پر ورځ د جاپان سپیس ون کایروس کوچنی تېل سوځوونکی توغندی له توغولو لږ وروسته وچاودېد.
د رویټرز د څرګندونو له مخې؛ دغه ۱۸ مټره توغندی پر ځایي وخت ۱۱:۰۱ له توغولو لږ وروسته وچاودېد، چې لوګی او اور یې د رسنیو په انځورونو کې لیدل کیږي.
سپیس ون ویلي؛ دوی د جاپان د لویدیځ ټاپو په څنډه کې توغېدا لغو کړه او په اړه یې ارزونې هم پیل شوې دي.
د ځایي واکایاما حکومت والي شوهی کیشیموتو خبریالانو ته د سپیس ون له معلوماتو وروسته ویلي، چې یوه ستونزه د دې سیسټم د توغېدو خنډ شوې ده.
هغه په ډاګه نکړه، چې ستونزه څه ده.
کیشیموتو زیاته کړې، چې د توغندي د توغېدا مرکز ته هیڅ زیان نه دی رسیدلی او اور هم مړ شوی دی.
کایروس یوه تجربه لرونکې دولتي سپوږمکۍ لېږدوله، چې کولی یې شول په لنډمهاله توګه معلوماتي او استخباراتي سپوږمکۍ په مدار کې ځای پر ځای کړي.
که څه هم جاپان په فضایي سیالیو کې نسبتا کوچنی لوبغاړی دی؛ خو د توغندیو توغولو لپاره د ارزانه وسایطو د جوړولو هڅې کوي.
ساینس او ټیکنالوژي
فیسبوک او انسټاګرام له لنډې پرچاوۍ وروسته بېرته فعال شول
د رویټرز د څرګندونو له مخې؛ د سې شنبې پر ورځ د میټا اړوند فیسبوک او انسټاګرام د دوه ساعته تخنیکي ستونزو له کبله بېرته فعال او په ټوله نړۍ کې یې سلګونه زره کاروونکي اغېزمن کړل.
د میټا اړوند سرچینو ویلي؛ یوه تخنیکي مسله د دې لامل شوه، چې خلک زمونږ خدماتو ته د لاسرسي په اړه له ستونزې سره مخ شي.
د میټا ویاند انډي سټون په ایکس پاڼه کې له بشپړې څرګندونې پرته ولیکل، چې مونږ د خپلو اغېزمنو شویو لپاره اړوند مسله حل کړه .
سټون د فیسبوک او انسټاګرام له کاروونکیو څخه د دې ستونزې له پېښېدا بښنه وغوښته.
دا شرکت د WhatsApp او Threads په ګډون شاوخوا ۳ اعشاریه ۱۹ میلیارد ورځني فعال کاروونکي لري.
په هر حال د واټس اپ او ترایډ لپاره بندښت خورا کوچنی و.
د رویټرز د لیدل شويو پوسټونو له مخې؛ د میټا ډېرو کارمندانو په نامعلوم پیغام رسولو اپلیکیشن بلینډ کې څرګنده کړې، چې دوی نشي کولی خپل داخلي کاري سیسټمونو ته ننوځي. ان دوی حیران شول، چې له دندې ګوښه شوي دي.
د وېبپاڼو څارونکې ډاونډيټکټر څرګنده کړې، چې د فیسبوک پرچاوۍ په اړه ۳۰۰ زره او دغه راز د انسټاګرام د پرچاو کېدو په اړه ۲۰ زره شکایتونه ترلاسه شوي دي.
د یادونې ده، چې په ۲۰۲۱ ز. کال کې هم د فیسبوک، انسټاګرام او وټسآپ خدمات د تخنیکي ستونزو له کبله څو ساعتونه بند شوي وه.
ساینس او ټیکنالوژي
د شمالي کوریا څارګره سپوږمکۍ فعاله ده – هالنډي کارپوه
د هالنډ یوه فضايي کارپوه تائید کړې، چې د شمالي کوریا څارګره سپوږمکۍ ژوندۍ او فعاله ده.
د رویټرز د څرګندونو له مخې؛ دې کارپوه د شمالي کوریا د سپوږمکۍ په مدار کې د بدلونونو له موندلو وروسته ویلي، چې پیونګ یانګ دا وسیله بریالۍ څاري؛ د شمالي کوریا لومړنۍ څارګره سپوږمکۍ ژوندۍ ده، که څه هم د هغې وړتیاوې ناڅرګندې دي.
په هالنډ کې د ډلفټ ټکنالوژۍ پوهنتون د سپوږمکۍ کارپوه مارکو لانګبروک، لیکلي؛ خو اوس مونږ کولی شو پرېکنده ووایو، چې سپوږمکۍ ژوندۍ او فعاله ده.
لانګبروک د امریکا پر مشرۍ له ګډو فضایي عملیاتو مرکز څخه د معلوماتو پر حواله څرګنده کړې، چې سپوږمکۍ د فبرورۍ له نولسمې څخه تر څلیریشتمې پورې په مدار کې د ځای موندلو لپاره له ۳۸۸ کیلومټرو څخه ۴۹۷ کیلومټرو ته کښته او پورته شوې ده.
هغه وایي: دا هڅې ښیي، چې د مالیګیونګ یو څارګره سپوږمکۍ ویجاړه شوې نهده او شمالي کوریا خپله سپوږمکۍ څاري.
له دوه ناکامو هڅو وروسته شمالي کوریا بریالۍ شوه، چې په نومبر کې مالیګیونګ یو سپوږمکۍ مدار ته وتوغوي.
د پیونګ یانګ دولتي رسنیو ادعا کړې، چې سپوږمکۍ په سویلي کوریا، امریکا او نورو سیمو کې له حساسو نظامي او سیاسي موخو انځورونه اخیستي؛ خو د دې ادعا کوم انځور خپور شوی نهدی. له دې مخکې د دې سپوږمکۍ وړتیا د سیګنال د نه رسیدو له کبله تر پوښتنې لاندې راغلې وه.
-
لوبی5 days ago
راشدخان د ایرلینډ پروړاندې د ۲۰ آوریزو نړیوالو سیالیو لوبډلمشر شو
-
تازه خبرونه2 days ago
د هند د یوه پوهنتون په لیلیه کې پر لمونځ کوونکیو برید شوی
-
تازه خبرونه1 day ago
په نوي تعلیمي کال کې دې د نجونو ښوونځي او پوهنتونونه پرانیستل شي – حامد کرزی
-
سوداگري5 days ago
د سوداګرۍ او صنایعو وزارت د تېلو چاڼخونو ته ځمکه ځانګړې کوي
-
تازه خبرونه5 days ago
د افغانستان امانت صندوق تر اوسه ۲۷۰ میلیون ډالر ګټه کړې – انوارحق احدي
-
نړۍ2 days ago
د آیسلینډ اورشېندنې یو ځل بیا سرراپورته کړ
-
تازه خبرونه2 days ago
په بدخشان کې د سرو زرو کان د نړېدو له کبله دوه کارګر مړه شوي
-
نړۍ1 day ago
شمالي کوریا یو بالسټیک توغندی وتوغاوه