تازه خبرونه
د ولسي جرګې غړي د راحل شريف څرګندونو ته د شک په سترګه ګوري
د پاکستان لوی درستیز راحل شریف وايي چې هېواد یې د افغانستان د سولې او ثبات په برخه کې صادقانه هڅې کړې دي. هغه په افغانستان کې د شرایطو د خرابوالي په اړه د اندېښنې په څرګندولو سره ویلي چې د هغو کسانو مخنیوی به وکړي چې غواړي د پاکستان د دغو هڅو د ناکامولو هڅې کوي.
ده ټینګار کړی چې د پاکستان هغه هڅې باید درک کړل شي کومې يې چې د ترهګرۍ په خلاف پیل کړې دي.
کابل اسلام اباد تورنوي چې په افغانستان کې د تاوتریخوالي د پای ته رسولو له پاره په هغو اورپکو فشار نه زیاتوي چې په پاکستان کې مرکزونه لري.
د پاکستان لوی درستیز جنرال راحیل شریف وايي چې پاکستان په افغانستان کې د سولې او ثبات له پاره صادقانه هڅې کوي.
هغه زياتوي: «مونږ په رښتینې توګه د افغانستان د سولې او امنیت له پاره کار کړی، خو ځینې عناصر چې د سولې مخالف دي، غواړي زمونږ دغه هڅې ناکامې کړي، که خدای کول هغوی به په خپل هدف کې بریالي نه شي.»
د پاکستان د پوځ د دغه لوړ پوړي چارواکي څرګندونو ته بیا د افغانستان د ولسي جرګې غړي د شک په سترګه ګوري.
د ولسي جرګې غړی فکوري بهشتي وايي: «د پاکستان دولت د افغانستان د دولت مخالفين تجهيزوي او ملاتړ يې کوي. د دوی دا ادعا چې دوی له افغان دولت سره مرسته کوي په ځای نه ده.»
د ولسي جرګې غړې شکریه پیکان وايي: «دوی خپل کوم صادقانه عمل ښيي، په افغانانو چې څومره مصيبتونه راغلي هر وخت يې عامل پاکستان دی.»
راحیل شریف وايي چې په افغانستان کې روانې نا امنۍ د پاکستان له پاره هم د اندېښنې وړ دي.
راحل زياتوي: «مونږ د افغانستان د کړکیچن وضعیت په هکله اندېښمن یو. مونږ له افغانستان سره د وینې او تاریخ پیوند لرو. هېڅ قدرت به د دې توان ونه لري چې زمونږ دغه اړیکې پرې کړي. د ترهګرۍ خلاف زمونږ هڅې مهمې دي او تمه لرو چې نړیواله ټولنه زمونږ د دغو هڅو ملاتړ وکړي.»
افغان پوځي کارپوهان په دې باور دي چې پاکستاني پوځ په خپله خاوره کې د هغو ترهګرو ملاتړ کوي چې په افغانستان کې بریدونه کوي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ