Connect with us

تازه خبرونه

د هېواد نظام به د بهرنیو متحدینو له وتلو وروسته هم پاتې وي- حمد الله محب

خپور شوی

د

(Last Updated On: )

د ملي امنیت شورا سلاکار حمدالله محب له آریانا نیوز سره په ځانګړې مرکه کې د اوسني نظام د راپرځیدو اوازې رد کړې او څرګندوي، چې حکومت د اوسني سیستم د ساتلو وړتیا لري؛ که څه هم نړیوال ملاتړي له افغانستان ملاتړ ودروي.

ښاغلي حمدالله محب ټینګار کړی، چې د اوسني نظام د دوام لپاره نورې لارې هم شته او که نړیوال ملاتړ کوونکي د اوسني نظام ملاتړ ونکړي؛ حکومت کولی شي دغه سیستم ته وده ورکړي او نوي ملاتړ کوونکي  ومومي.

حمدالله محب، د ملي امنیت شورا سلاکار څرګنده کړې: مونږ کولی شو دا سیستم  خوندي کړو؛ نو زه وینم چې کافي ظرفیت شته او موږ د سیستم د ساتنې لپاره امکانات لرو.

ښاغلی محب لنډمهاله اداره د هېواد په ګټه نه بولي او ټینګار کوي، چې لنډمهالې اداره به په هېواد کې بحران رامنځته کړي.

دغه راز محب د ملي پخلاینې عالي شورا داسې یو سازمان بولي، چې د سولې پروسه آسانوي؛ نه پرېکړه کوونکی بنسټ.

هغه څرګنده کړې، چې مونږ به په پای کې له طالبانو سره یوې هوکړې ته ورسېږو؛ دا پرېکړه باید د خلکو لخوا وروستۍ شي یا لویه جرګه به بیا جوړه شي.

دا څرګندونې په داسې حال کې کیږي، چې په دوحه کې د افغانانو ترمنځ خبرې په راتلونکیو اوونیو کې پیل کیږي.

د کورنیو کارپوهانو په باور طالبان ممکن د دایمي اوربند په بدل کې د یوې لنډمهالې ادارې غوښتنه وکړي.

 

تازه خبرونه

د معاشونو د نورم او اجراء په اړه خپاره شوي لیستونه او اوازې ناسمې دي

د ماليې وزارت په خبرپاڼه کې راغلي؛ د تېرو څو ورځو راپدېخوا په یو شمېر رسنيو او ټولنیزو پاڼو کې، چې د امارتي ادارو د معاشونو د نورم د بدلون په اړه کوم لیستونه او اوازې خپرېږي؛ مطلق ناسم دي.

Published

on

(Last Updated On: )

‏د افغانستان ماليې وزارت د معاشونو د نورم او اجراء په اړه په يوه خبرپاڼه کې ویلي، چې د معاشونو د نورمونو د بدلون په تړاو خپرې شوې اوازې او ليستونه ناسم او درواغ دي.

د ماليې وزارت په خبرپاڼه کې راغلي؛ د تېرو څو ورځو راپدېخوا په یو شمېر رسنيو او ټولنیزو پاڼو کې، چې د امارتي ادارو د معاشونو د نورم د بدلون په اړه کوم لیستونه او اوازې خپرېږي؛ مطلق ناسم دي.

ماليې وزارت په همدې اوونۍ کې د معاشاتو د اجراء خبر هم ورکړی او زياتوي:« دا وزارت هېوادوالو ته ډاډ ورکوي، چې د امارتي ادارو معاشات به په دې اوونۍ کې د پخوا په څېر اجراء شي».

دا په داسې حال کې ده، چې د حکومت مامورینو د سلواغې او کب میاشتو معاشونه ندي اخیستي.

Continue Reading

تازه خبرونه

د بهرنیو چارو وزارت د غزې پر تړانګه د اسرائیلو تازه بریدونه وغندل

د دې وزارت د خپرې شوې خبرپاڼې له مخې: “د صهیونستي یرغلګرو دا وحشیانه عمل نه یوازې له بشري حقونو او نړیوالو قوانینو سرغړونه ده، بلکې د انسانیت له بنسټیزو ارزښتونو سره هم ښکاره تضاد لري”.

Published

on

(Last Updated On: )

د بهرنیو چارو وزارت ویلي؛«د اسرائیلي اشغالګر رژیم په تازه بریدونو کې، چې له کبله یي له ۳۰۰ ډېر بې گناه فلسطینیان د میرمنو او ماشومان په ګډون “شهیدان” او ټپیان کړل» پر کلکو ټکو غندي.

د دې وزارت د خپرې شوې خبرپاڼې له مخې: “د صهیونستي یرغلګرو دا وحشیانه عمل نه یوازې له بشري حقونو او نړیوالو قوانینو سرغړونه ده، بلکې د انسانیت له بنسټیزو ارزښتونو سره هم ښکاره تضاد لري”.

دغه راز بهرنیو چارو وزارت یو ځل بیا له ذیدخله هېوادونو وغوښتل، چې د فلسطین له مظلومو خلکو خپل ملاتړ څرګند کړي او د اشغال د پای ته رسولو لپاره عملي او پرېکنده ګامونه واخلي.

اسلامي امارت ویلي، چې دوی “د فلسطینیانو حقه مبارزه او مشروع مقاومت د هغو یو ثابت حق ګڼي او ملاتړ یې کوي.”

Continue Reading

تازه خبرونه

له افغانستان څخه د امریکا د وتلو په پرېکړه او پلي کولو کې ټول ښکېل کسان مسوول دي ـ شان پارنیل

 د وزارت ویاند د جو بایډن په مشرۍ د امریکا د پخوانۍ ادارې پر ستراتیژۍ نیوکه وکړه او وایي؛ ټول هغه کسان، چې له افغانستان څخه د امریکا د وتلو په پرېکړه او پلي کولو کې ښکېل دي باید مسوول وګڼل شي.

Published

on

US defense dept Parnell
(Last Updated On: )

د امریکا دفاع وزارت ويلي، چې په ۲۰۲۱ کال کې له افغانستان څخه د امریکايي ځواکونو وتل “نامسؤلانه” او شرموونکي وه.

 د وزارت ویاند د جو بایډن په مشرۍ د امریکا د پخوانۍ ادارې پر ستراتیژۍ نیوکه وکړه او وایي؛ ټول هغه کسان، چې له افغانستان څخه د امریکا د وتلو په پرېکړه او پلي کولو کې ښکېل دي باید مسوول وګڼل شي.

د امریکا د دفاع وزارت ویاند په خپل لومړني مطبوعاتي کنفرانس کې له افغانستان څخه د امریکا د وتلو پر ستراتیژۍ نیوکه وکړه او اسلامي امارت ته یې د افغانستان تسلیمېدل ستونزمن وبلل.هغه د امریکا د ګډوډ وتلو مسوولانو ته د حساب ورکولو پر اړتیا ټینګار وکړ.

د امریکا د دفاع وزارت ویاند شان پارنیل وايي: “زما هېواد په افغانستان کې د ۲۰ کلونو لپاره په جګړه کې و او ما د خپل ژوند یوه لویه برخه هلته تېره کړه.” زمونږ سرتېرو هلته ډېر ښه ماموریت ترسره کړ؛ خو زما لپاره دا ډېره سخته وه، چې د طالبانو (اسلامي امارت) ته د افغانستان د تسلیمېدو صحنې ووینم. د ټرمپ اداره به هرې جګړې ته د ننوتلو، ګټلو او وتلو لپاره یوه روښانه ستراتیژي ولري.”

له دې مخکې د ټرمپ ادارې نورو چارواکو له افغانستان څخه د امریکايي ځواکونو د وتلو پر څرنګوالي نیوکه کړې وه او د حساب ورکولو پر اړتیا یې ټینګار کړی و.

دغه راز د امریکا بهرنیو چارو وزارت ویاند اعلان کړی، چې په افغانستان کې د پخوانیو امریکایي سرتېرو د همکارانو لیږد او بیا میشتېدنه د هېواد د پالیسۍ یوه برخه ده.

د بهرنیو چارو وزارت ویاند ټامي بروس ویلي: “مونږ د دې اشخاصو د لېږدولو لپاره ترتیبات نیولي دي. د امکان تر حده مونږ د ډېرو هغو خلکو د بېرته ستنولو هڅه کړې، چې په شخړو کې ښکېل ول. په ځانګړي توګه هغه کسان، چې له مونږ سره یې همکاري کړې او تل زمونږ د پالیسۍ برخه وه. دا بهیر له پخواني حکومت څخه روان دی او مونږ اوس هم پدې کار کوو.”

سپینې ماڼۍ ته د ټرمپ له راستنېدو سره سم له افغانستان څخه د پخوانیو امریکایي سرتېرو د ایستلو بهیر هم په ناڅرګندتیا کې ډوب شوی دی. په زرګونه خلک اوس په افغانستان، پاکستان، قطر او د سیمې په نورو هېوادونو کې بې برخلیکه ژوند کوي. داسې رپوټونه هم شته چې ښايي پر افغان اتباعو امریکا ته پر سفر بندیز ولګول شي.

Continue Reading
Advertisement

Trending

Copyright © 2024 Ariana News. All rights reserved!