لوبی
د هند په غوره لیګ کې د انګلستان د هري بروک سلیزې د حیدرآباد بریا خپله کړه
د جمعې پر ورځ د هندوستان د غوره لیګ په روان پړاو کې د انګلستان ستوري هري بروک بې سارې سلیزې سن رایزرز حیدرآباد، نایت رایدرز ته پر ۲۳ منډو ماتې ورکړه.
بروک په ۵۵ پنډوسکو ۱۲ څلوریزې او درې شپږیزې ووهلې او پدې توګه حیدرآباد لوبډلې د څلورو لوبغاړیو پر سوځېدو کلکتې لوبډلې ته د ۲۲۹ منډو هدف وټاکه.
دغه ځوان د حیدرآباد د لوبډلمشر ایدین مارکرم (۵۰ منډو) او ابیشک شرما (۳۲ منډو) غوره پنډوسکې وهنې له بروکه ملاتړ وکړ او دوه مهمې پنځوسیزې ورسره مل شوې.
د ویست اندیز اندرې راسل د کلکتې تر ټولو اغېزمن پنډوسکه وهونکی و، چې په درېیمه پنډوسکه وهنه کې یې د ټپي کېدو له کبله په ۲۲ منډو درې ویکټې واخیستې.
پنډوسکه اچوونکي وارون چاکراوارتي د حیدرآباد یوازنۍ ویکته واخیسته. په داسې حال کې، چې د نیوزیلیند لاکي فرګوسن د کلکتې په پنډوسکه اچوونکیو کې تر ټولو کمزوری ولوبېده، چې په دوه آوورونو کې یې ۳۷ منډې ورکړې.