تازه خبرونه
د هلمند ولایت په بست تاریخي کلا کې عامه کتابتون جوړ شو
په دې عامه کتابتون کې ٣٠٠٠ جلده بېلابېل کتابونه شته، چې د مسوولینو د څرګندونو له مخې؛ دا کتابتون د بست کلا د تاریخ او اهمیت په اړه هم کتابونه لري.
![](https://www.ariananews.af/wp-content/uploads/2025/01/Library-Bost-Helmand.jpg)
د هلمند د اطلاعاتو او کلتور ریاست په لومړي ځل د هلمند په بست تاریخي کلا کې د ابن حبان بستي پر نوم یو عامه کتابتون جوړ او ګټې اخستنې ته وسپارل شو.
په دې عامه کتابتون کې ٣٠٠٠ جلده بېلابېل کتابونه شته، چې د مسوولینو د څرګندونو له مخې؛ دا کتابتون د بست کلا د تاریخ او اهمیت په اړه هم کتابونه لري.
دوی ویلي؛ سیلانیان، چې به پخوا د بست کلا لېدنې ته راتلل او د دې کلا د تاریخ او همیت څخه به نا خبره ول. اوس ورته د معالوماتو او مطالعې زمینه برابره شوې ده.
بست کلا ته راغلي سیلانیان دا اقدام ستایي او غوښتنه کوي، چې د دې کتابتون لپاره دې معیاري ودانۍ جوړه او بست کلا دې هم ورغول شي.
سیلانیان د اطلاعاتو او کلتور ریاست له لوري دا اقدام ستايي او وایي، چې دا به د بست کلا د پېژندنې او دغه راز د مطالعې د هڅوب( فرهنګ ) په وده کې ښه مرسته وکړي.
د هلمند د اطلاعاتو او کلتور ریاست د ګرځندوی آمر سلطان محمد حنیف ویلي، چې د بست تاریخي کلا د رغولو لپاره سروې ترسره شوې او هیله من دی، چې په راتلونکي مالي کال کې به یې د رغولو چاري پیل شي.
د هلمند د اطلاعاتو او کلتور ریاست د مسوولینو د معلوماتو پر بنسټ په روان کال کې د بست کلا د ابن حبان کتابتون ترڅنګ په ګریشک او سنګین ولسوالیو کې هم عامه کتابتونونه جوړ کړي دي.
تازه خبرونه
د اسلامي امارت لوړ پوړي پلاوي جاپان ته لومړنی سفر کړی
دا له ۲۰۲۱ کال راپدېخوا واک ته له بیا رسېدو وروسته د اسلامي امارت لومړۍ لیدنه ده.
![](https://www.ariananews.af/wp-content/uploads/2025/02/Taliban-officials.jpg)
د جاپان کوربه هېواد نیپون بنسټ اعلان وکړ، چې د افغانستان اسلامي امارت (IEA) د لوړ پوړو چارواکو یو پلاوی جاپان ته سفر کړی دی.
دا له ۲۰۲۱ کال راپدېخوا واک ته له بیا رسېدو وروسته د اسلامي امارت لومړۍ لیدنه ده.
جاپان په تېرو څو کلونو کې یو مهم مرستندویه هېواد و او په کابل کې یې ډیپلوماټیک ماموریت هم لرلی دی.
دغه راز د نیپون بنسټ جاپاني رسنیو ته ویلي؛ تمه ده، چې راغلی پلاوی به د هېواد د راتلونکي د جوړولو لپاره له نوښتونو ګټه پورته کړي.
د جاپان حکومت ویلي، چې د افغانستان لپاره د بهرنیو چارو وزارت ځانګړی استازی توشیهیډ انډو هم پلان لري، چې له پلاوي سره وګوري.
جاپان ویلي، چې د افغانستان لپاره د دغه هېواد د بهرنیو چارو وزارت ځانګړی استازی توشیهیډ انډو به د اسلامي امارت له پلاوي سره وګوري.
د اقتصاد وزارت مرستیال لطیف نظري د یکشنبې پر ورځ د سلواغې پر اتهویشتمه ویلي وه، چې د اسلامي امارت د چارواکو د یوه پلاوي پر مشرۍ جاپان ته روان دی او د دې سفر موخه دا ده، چې له نړۍ سره له درناوي ډکې اړیکې ونیسو.
تازه خبرونه
د اسلامي امارت پلاوی جاپان ته روان شو
د جاپاني رسنیو د څرګندونو له مخې؛ دا پلاوی شاوخوا شپږ حکومتي چارواکي لري، چې د ډیپلوماسۍ، روغتیایي پاملرنې، تعلیم، کلتوري ملکیتونو او نورو پالیسیو مسوول دي.
![](https://www.ariananews.af/wp-content/uploads/2025/02/Nazari.jpg)
تمه کېده، چې د افغانستان اسلامي امارت (IEA) د لوړ پوړو چارواکو یو پلاوی د یکشنبې پر ورځ ټوکیو ته ورسیږي. دا واک ته ترلاسه کولو راهیسې جاپان ته د لومړي سفر په توګه دی.
د جاپاني رسنیو د څرګندونو له مخې؛ دا پلاوی شاوخوا شپږ حکومتي چارواکي لري، چې د ډیپلوماسۍ، روغتیایي پاملرنې، تعلیم، کلتوري ملکیتونو او نورو پالیسیو مسوول دي.
دا سفر د تېر کال د ساساکاوا سولې بنسټ د اجرائیوي رییس او په افغانستان کې د ملګرو ملتونو د مرستندویه ماموریت (UNAMA) د پخواني مشر تادامیچي یاماموتو لخوا د بلنې په ځواب کې ترسره کیږي.
راپورونه وايي، چې پلاوی به احتمالاً د نورو بشري مرستو غوښتنه وکړي او ممکن د جاپان او افغانستان ترمنځ د اړیکو په اړه د جاپان له حکومتي چارواکو سره هم خبرې وکړي.
جاپان په افغانستان کې ډیپلوماټیک فعالیتونه روان ساتلي او د ملګرو ملتونو له لارې یې د طبي تاسیساتو ملاتړ کړی دی.
د اقتصاد وزارت مرستیال عبداللطیف نظري وايي، چې نن (یکشنبه د سلواغې اتهویشتمه) د اسلامي امارت د لوړ پوړي پلاوي سره جاپان ته روان شو.
هغه په ایکس پاڼه کې لیکلي: “مونږ د یو پیاوړي، متحد، پرمختللي، سوکاله، پرمختللي افغانستان او د نړیوالې ټولنې د فعال غړيتوب لپاره له نړۍ سره د درناوي وړ تعامل غواړو.”
د یادونې ده، چې نظري د دې سفر په اړه نور جزئیات ندي ورکړي.
تازه خبرونه
د کډوالو چارو وزارت په بلوچستان کې له کورونو څخه د افغان کډوالو شړل وغندل
د کډوالو چارو وزارت په خبرپاڼه کې راغلي، چې د ۱۴۰۳ لمریز لېږدیز کال د سلواغې پر اووهویشتمه پاکستانيو پولیسو د بلوچستان ایالت په کوټه او کچلاک سیمو کې د شپې لخوا د یو شمېر افغان کډوالو پر کورونو چاپه ووهله؛ یو شمېر افغان کډوال یې پر زور له خپلو کورونو وشړل او له ناوړه چلند سره یې مخ کړل.
![](https://www.ariananews.af/wp-content/uploads/2024/03/Afghan-refugees-Pakistan.jpg)
د کډوالو چارو وزارت د یکشنبې د ورځې (د سلواغې اتهویشتمه ) د خپرې شوې خبرپاڼې له مخې؛ دې وزارت د پاکستان په بلوچستان ایالت کې له خپلو کورونو څخه د افغان کډوالو جبري ایستل وغندل.
د کډوالو چارو وزارت په خبرپاڼه کې راغلي، چې د ۱۴۰۳ لمریز لېږدیز کال د سلواغې پر اووهویشتمه پاکستانيو پولیسو د بلوچستان ایالت په کوټه او کچلاک سیمو کې د شپې لخوا د یو شمېر افغان کډوالو پر کورونو چاپه ووهله؛ یو شمېر افغان کډوال یې پر زور له خپلو کورونو وشړل او له ناوړه چلند سره یې مخ کړل.
په خبرپاڼه کې زیاته شوې، چې د پاکستانيو پولیسو لخوا په شړل شویو کسانو کې ۶۵ ماشومان او ۳۰ افغان میرمنې دي، چې د کندهار ولایت د سپین بولدک له سرحدي لارې افغانستان ته راوشړل شول.
د پاکستان حکومت په تېرو دوه کلونو کې پرلهپسې دا ډول هڅې کړې دي، چې د ګاوږنډیتوب له ټولو اصولو او نړیوالو اسلامي قوانینو پر خلاف دي او ذا چاره یې روانه ساتلې ده.
په خبرپاڼه کې ټینګار شوی، چې د کډوالو او راستنېدونکو چارو وزارت دا ډول کړنې غندي او له نړیوالو بنسټونو یې غوښتي، چې په هغه هېواد کې له افغان کډوالو سره خپلې مرستې او همکاري روانه وساتي، چې له عزت سره خپل هېواد ته راستانه شي.
-
تازه خبرونه2 days ago
امریکا او روسیه د اوکراین د جګړې په اړه په سعودي عربستان کې د خبرو پیلول غواړي
-
تازه خبرونه2 days ago
د کډوالو چارو وزارت په بلوچستان کې له کورونو څخه د افغان کډوالو شړل وغندل
-
تازه خبرونه2 days ago
پاکستان د سرحدي قبیلوي ډیپلوماسۍ لپاره افغانستان ته دوه پلاوي لیږي
-
سیمه ییز خبرونه2 days ago
د نوي ډیلي د اورګاډي په تمځای کې د ګڼې ګوڼې له کبله ۱۵ کسان مړه شول
-
تازه خبرونه5 days ago
ملا برادر د قطر له لومړي وزیر سره وکتل
-
تحول3 days ago
تحول: د امنیتي اندېښنو په اړه د کورنیو چارو وزارت ډاډ
-
څار3 days ago
څار: د کور او ښار جوړونې وزارت ستونزې او لاسته راوړنې
-
لوبی2 days ago
مجيب الرحمان د ممبئی انډينز لوبډلې سره يو ځای شو