سوداگري
د هرات – مزار شریف د اوسپنېپټلۍ څلورم بندر له بیارغونې وروسته ګټې اخیستنې ته وسپارل شو
د دې پروژې د پرانیستې په مراسمو کې د اسلامي امارت مرستیال ملا عبدالغني برادر ویلي، چې سوداګر کولی شي خپل مالونه د حيرتان- مزارشريف د اوسپنېپټلۍ له لارې پر لږ لګښت او لږ وخت کې ولېږدوي.
![](https://www.ariananews.af/wp-content/uploads/2024/08/rr.jpg)
د افغانستان اسلامي امارت د هرات – مزار شریف د اوسپنېپټلۍ څلورم بندر، چې نایبآباد سټیشن یاد شوی؛ له بیارغونې وروسته کار پیل وکړ.
د دې پروژې د پرانیستې په مراسمو کې د اسلامي امارت مرستیال ملا عبدالغني برادر ویلي، چې سوداګر کولی شي خپل مالونه د حيرتان- مزارشريف د اوسپنېپټلۍ له لارې پر لږ لګښت او لږ وخت کې ولېږدوي.
دې کرښې د تېرې کرښې پر پرتله ۵۰ کیلومټره واټن کم کړی دی.
د ټولګټو چارو وزارت چارسمبالي محمد عیسی ثاني ویلي، د دې کرښې له فعالېدو سره به په سوداګرۍ کې ډېر بدلون راشي.
د نوموړي د څرګندونو له مخې؛ په پام کې ده، چې په نږدې راتلونکي کې د کابل، کندهار او هرات په ګډون شمالي ولايتونه د اوسپنېپټلۍ له لارې سره ونښلول شي.
د ټولګټو چارو وزارت چارسمبالی وايي، اسلامي امارت غواړي د مزار – حيرتان او يا نايبآباد اوسپنېپټلۍ له ګاونډ هېوادونو څخه د سوداګريزو توکو د لېږد رالېږد پر سيمهييزې څلورلارې بدله کړي.
ویل کیږي، چې د دې پټلۍ له فعالیدو سره به د افغانستان د سوداګریزو توکو صادرات هم ډېر شي.
د ازبکستان د ولسمشر ځانګړي استازي عصمت الله ایرګاشیف د اسلامي امارت له همکاریو قدرداني وکړه او ټینګار کوي؛ د نایبآباد د اوسپنېپټلۍ جوړیدو یو ځل بیا دا وښوده، چې ازبکستان د دواړو هېوادونو د اړیکو د پیاوړتیا لپاره د افغانستان تر څنګ ولاړ دی.
سوداگري
په کابل کې د تره خېل ۲۵۲ میګاولټ امپیر سب سټېشن د جوړولو کار پیل شو
دغه پروژې د کورنيو شرکتونو لخوا د ۱۸ اعشاریه ۷ ميليون ډالرو پر پانګونې پلې کېږي او له بشپړېدو سره به يې د ۲۵۰ زره ګډونوالو او صنعتي پارکونو د برښنا ستونزه اواره شي.
![](https://www.ariananews.af/wp-content/uploads/2024/09/substation.jpg)
په کابل کې د تره خېل ۲۵۲ میګاولټ امپیر سب سټېشن او له چمتلې څخه دې سب سټېشن ته د ۲۲۰ کیلو ولټ برښنا د لېږد پروژې کار د اسلامي امارت د لوړ پوړیو چارواکو په شتون کې پیل شو.
دغه پروژې د کورنيو شرکتونو لخوا د ۱۸ اعشاریه ۷ ميليون ډالرو پر پانګونې پلې کېږي او له بشپړېدو سره به يې د ۲۵۰ زره ګډونوالو او صنعتي پارکونو د برښنا ستونزه اواره شي.
د ریاست الوزراء سیاسي مرستیال د یکشنبې پر ورځ د دغو پروژو د پرانیستې په مراسمو کې ویلي، چې د افغانستان د اوبو کنټرول، د اوبو خوندي کول، د بادي، لمریزې او حرارتي برښنا تولید او د کرنې پراختیا د دغه وزارت له لومړیتوبونو څخه دي او د اسلامي امارت دا عمل د هیڅ ګاونډي او بل هیڅ هېواد پر زیان ندی.
نوموړي همدا راز زیاته کړې، چې د افغانستان خاوره د هیڅ هېواد پر ضد نده کارول شوې او نړۍ هم له اسلامي امارت سره تعامل غواړي.
هغه ویلي: نړۍ اوس پوهیږي، چې یو باثباته او پر ځانبسیا افغانستان یوازې د اسلامي امارت په شتون سره ممکن دی. اسلامي امارت په عمل کې ثابته کړې، چې د افغانستان له خاورې هیچاته زیان نه رسیږي او نن نړۍ له افغانستان سره همکارۍ او تعامل ته لېواله ده.
له بلې خوا د برښنا شرکت مسوولینو اعلان کړی، چې له ترکمنستان او ازبکستان څخه د دوه زره میګاواټه برښنا لېږد دوه پروژې تر کار لاندې دي، چې له پلي کېدو سره به یې په هېواد کې د برښنا د کمښت ستونزه اواره شي او صنعتي پارکونو ته به ۲۴ ساعته برښنا هم برابر شي.
د برښنا شرکت رییس عبدالباري عمر ویلي: د دې پروژو له پلي کېدو سره به د کابل ښار ټولو صنعتکارانو، سوداګرو او د استوګنې کورونو ته ۲۴ ساعته برښنا ورکړ شي.
دغه راز د خصوصي سکټور استازي وايي، چې د دې پروژې له پلي کېدو سره به د صنعتکارانو د برښنا د نشتوالي ستونزه اواره شي.
هغه اوس هم له بهر مېشتو افغان پانګوالو غواړي، چې هېواد ته راستانه شي او پانګونه وکړي.
د انرژۍ او اوبو وزارت وايي، ډېر ژر به په زابل کې د اوبو یو لوی بند جوړ شي. د پاشدان بند د جوړېدو چارې هم بشپړې شوې او د کابل د شاه او عروس بند د لېږد د حسابونو د تصفیې چارې روانې دي، چې په پایله کې به یې د کابل ښار ۲۰ زره کورنیو ته د څښاک پاکې اوبه برابرې شي او زرګونه هکتاره ځمکه به خړوبه او دوه میګاواټه برښنا تولید کړي.
سوداگري
له یوه هندي شرکت سره د ارغندي ۵۰۰ کیلو ولټ سب سټیشن پر کار غځولو خبرې وشوې
د بغلان له دشت الوان څخه د کابل د ارغندي سیمې ته د ترکمنستان د برښنا لېږد پر پروژې کار روان دی او دوه میاشتې مخکې د رییس الورزا اقتصادي مرستیالۍ د څه باندې ۸ میلیون ډالرو پر ارزښت په کابل کې د ارغندي سب سټېشن پاتې چارې پرانیستلې.
![](https://www.ariananews.af/wp-content/uploads/2024/09/IEA-Indian-company.jpg)
د اوبو او انرژۍ وزارت چارسمبالي په ارغندي کې د ۵۰۰ کیلو ولټ سب سټیشن د ګټې اخیستنې په اړه د هندي شرکتونو له مسوولینو او د ګرین سټي شرکت له کاري ډلې سره خبرې وکړې.
د بغلان له دشت الوان څخه د کابل د ارغندي سیمې ته د ترکمنستان د برښنا لېږد پر پروژې کار روان دی او دوه میاشتې مخکې د رییس الورزا اقتصادي مرستیالۍ د څه باندې ۸ میلیون ډالرو پر ارزښت په کابل کې د ارغندي سب سټېشن پاتې چارې پرانیستلې.
د اوبو او انرژۍ وزارت چارسمبالي په دې برخه کې اړوند بنسټونو ته لازمې لارښوونې کړي، چې د دې سب سټېشن د ترانسفرمرونو د سپارلو او لېږد د څرنګوالي په اړه لازم تدابیر ونیسي.
دا پروژه په دوه کلونو کې بشپړيږي، چې له بشپړېدو سره به یې له دشت الوان څخه تر ارغندي پورې ۵۰۰ کیلو ولټ مزي، چې له دې سب سټېشن سره نښلول کېږي؛ د کابل، غزني، پکتیا، خوست او ننګرهار په ګډون په دولس ولایتونو کې شاوخوا څلور سوه زره کورنۍ له برښنا برخمنې کړي.
د دې او نورو پروژو له بشپړېدو سره به شاوخوا زر میګاوا ټه برښنا افغانستان ته راشي، چې په هېواد کې به د برښنا د نشتوالي ستونزه تر ډېره حل شي او افغانستان به د برښنا په تولید کې پر ځان بسیا کېدو ته نږدې شي.
د اوبو د برخې شنونکیو ویلي، چې د دغه پروګرام له مخې به په افغانستان کې د برښنا د تولید د بېلابېلو پروژو له بشپړېدو وروسته برښنا ته بشپړ لاسرسی زیات شي.
دا په داسې حال کې ده، چې افغانستان یوازې څلوېښت سلنه کورنۍ برښنا ته لاسرسی لري او له ۷۵ سلنې څخه زیاته د اړتیا وړ برښنا له ګاونډ هېوادونو په ځانګړي توګه د منځنۍ آسیا له هېوادونو څخه واردوي.
سوداگري
له طبیعي ګازو څخه د حرارتي برښنا د تولید پر دوهیم فاز خبرې روانې دي
د ښاغلي صاحبزاده د څرګندونو له مخې؛ له طبیعي ګاز څخه د برښنا د تولید پروژه به د درېیم فاز له بشپړېدو سره ۲۵۰ میګاواټه برښنا تولید کړي.
![](https://www.ariananews.af/wp-content/uploads/2024/08/Bayat-Power.png)
د بیات برښنا شرکت مسوولینو ويلي؛ له طبیعي ګاز څخه د حرارتي برښنا د تولید پر دوهیم فاز له دولتي بنسټونو سره خبرې اترې پيل شوې دي.
محمد شعیب صاحبزاده څرګنده کړې، چې د دوهیم فاز له بشپړیدو سره به د برښنا تولید له ۴۰ څخه ۱۰۰ میګاواټو ته لوړ شي.
د ښاغلي صاحبزاده د څرګندونو له مخې؛ له طبیعي ګاز څخه د برښنا د تولید پروژه به د درېیم فاز له بشپړېدو سره ۲۵۰ میګاواټه برښنا تولید کړي.
صاحبزاده وایي: اوسمهال ۴۰ میګاواټه برښنا تولیدوي، چې په دوهیم فاز کې به سل میګاواټه تولید شي. بیات پاور د دوهیم فاز د پیلېدو په اړه له اړوند چارواکو سره په اړیکه کې دی او خبرې اترې روانې دي.
بیات برښنا شرکت له څه نا څخه پېنځه کلونو راپدېخوا یو میلیارډ کیلو واټ ساعت برښنا تولید کړې ده.
محمد شعیب صاحبزاده ټینګار وکړ، چې په تېرو پېنځه کلونو کې یې د دغه شرکت د تخنیکي کارکوونکیو د وړتیا لوړولو په برخه کې هم کار کړی دی.
نوموړي ویلي؛ بيات برښنا شرکت د توليدي برښنا د وېش او تنظيم په برخه کې له برښنا شرکت سره تړون لري او له افغان ګاز شرکت سره يې هم يو بل تړون لاسليک کړى دى.
هغه زیاته کړې: د دې ترڅنګ د کانونو او پټرولیم، انرژۍ او اوبو وزارتونه، د زیمنس پاور اوآرپياس ته ورته بنسټونه له بیات پاور سره همکاري کوي.
د برښنا شرکت پخواني رییس امان الله غالب ویلي: د افغانستان د ځانبسیاینې لپاره طبیعي ګاز یو له مهمو سرچینو څخه دی. افغانستان په شمال او شمال ختیځ کې د طبیعي ګاز ډېرې پراخې زیرمې لري، چې له دې لارې کولی شي د برښنا په تولید کې پر ځانبسیا شي او د ګاونډ هېوادونو له انحصاره څه نا څه ووځي.
غالب زیاته کړې: د بیات پاور پروژه یوه له هغو اغېزمنو او ښو بېلګو څخه ده، چې افغانستان کولی شي له دې تجربې څخه ګټه واخلي او په راتلونکي کې لویې پروژې پلي کړي.
بیات پاور په هېواد کې لومړنی خصوصي شرکت دی، چې د جوزجان ولایت د شبرغان ښار په یتیمتاق سیمه کې د میلیونونو ډالرو پر پانګونه جوړ شوی او له طبیعي ګاز څخه حرارتي برښنا تولیدوي.
نور اړوند خبرونه:
بیات پاور په څه کم ۵ کلونو کې یو میلیارډ کیلو واټ ساعت برښنا تولید کړه
-
لوبی3 days ago
د افغانستان فوټسال لوبډله تاشکند ته ورسېده
-
لوبی2 days ago
ابراهیم ځدراڼ د نیوزیلینډ پر وړاندې په ټسټ لوبه کې نهلوبیږي
-
نړۍ3 days ago
په غزه کې ۲۸ فلسطینیانو ته مرګ او ژوبله اوښتې
-
سیمه ییز خبرونه3 days ago
امریکا روسیې ته د ایران د بالستیک توغندیو پر سپارلو اندېښنه څرګنده کړه
-
تازه خبرونه3 days ago
ناروې له افغانستان سره یو اعشاریه اته میلیون ډالر مرسته وکړه
-
تازه خبرونه1 day ago
په هلمند او کندهار کې د کوکنارو پر ځای د ریحان کرکېله زیاته شوې
-
سوداگري2 days ago
په کابل کې د تره خېل ۲۵۲ میګاولټ امپیر سب سټېشن د جوړولو کار پیل شو
-
نړۍ2 days ago
په سوریه کې د اسرائیلو د بریدونو له کبله لږ تر لږه څلور ملکي وګړي ووژل شول