لوبی
د نړیوال جام د غوراوي سیالیو لومړۍ لوبه کوربه لوبډلې زیمبابوې وګټله

د یکشنبې پر ورځ ویست اندیز او زیمبابوی د کرکت نړیوال جام د غوراوي په لومړۍ لوبه کې له امریکا او نیپال څخه لوبې وګټلې.
د فرانسې خبري سرچینې د څرګندونو له مخې؛ ویست اندیز دوه ځلي نړیوال اتل براندون کینګ او کایل مایرز ژر له لاسه ورکړل؛ خو څلور نور لوبغاړي یې پنځوسیزې ته ورسېدل، ځکه ویست اندیز په ۴۹.۳ آوورونو کې ۲۹۷ منډې جوړې کړې.
جانسن چارلس ۶۶، جیسون هولدر۵۶، روستون چیز ۵۵ او لوبډلمشر شای هوپ ۵۴ منډې جوړې کړې. نیکولاس پوران هم ۴۳ منډې ورزیاتې کړې.
د امریکا لوبډلې لپاره ګاجاناند سینګهـ پر ۱۰۹ توپونو د ۸ څلوریزو او دوه شپږیزو په ګډون ۱۰۱ منډې جوړې کړې؛ خو لوبډله یې هدف ته ونه رسیده او د ۳۹ منډو پر توپیر یې ماته وخوړه.
هولدر د سینګهـ د هڅو د ستاینې تر څنګ ویلي: مونږ باید دسپلین ولرو او باید آرام پاتې شو.
نوموړي زیاته کړې: هغه ښه لوبه وکړه، چې خپله لوبډله زمونږ ټولټال منډو ته نږدې کړي.
له دې مخکې زمبابوی نیپال ته د اته ویکتو پر توپیر ماتې ورکړه؛ کریګ اروین او شان ویلیامز هر یو له سل ډېرې منډې وکړې.
اروین د ۲۹۰ منډو هدف له له څارلو ۍره په ۱۲۸ توپونو ۱۲۱ منډې وکړې، چې ۱۵ څلوریزې او یوه شپږیزه هم په کې ول او ویلیامز پر ۷۰ توپونو ۱۰۲ منډې وکړې. زمبابوی د دوه لوبغاړیو پر سوځېدو او ۳۵ توپونو پاتې کېدو ۲۹۱ منډې جوړې کړې.
په حراري سپورتي کلب کې د کوشال بورتل او آصف شیخ پر ترتیب د ۹۹ او ۶۶ منډو پر مرسته نیپال په ټاکلو ۵۰ آوورونو کې د اته لوبغاړو پر سوځیدو ۲۹۰ منډې جوړې کړې.
ولینګنن مساکادزا په پای کې د بورتل او شیخ دواړو ویکتې تر لاسه کړې او ریچارد نګاراوا پر ۹ آوورونو کې څلور ویکتې واخیستې.
زمبابوی د ډېر شمېر نندارچیانو په مخ کې د جویلورد ګامبي (۲۵ منډې) او وسلي مادوور (۳۲ منډې) مخکې له دې، چې اروین او ویلیامز د نیپال د توپ وهونکیو برید وڅاري؛ له لاسه ورکړې.
اروین ویلي: مونږ په رښتیا هم ښه پیل نهو کړی؛ د کیچ فرصتونه مو له لاسه ورکړل، خو پر لوبغاړیو ویاړو. مونږ فکر کاوه، چې ۲۸۰ یا ۲۹۰ منډې ترسره کولی شو؛ ځکه، چې د ډګر حالات مو پر ګټه ول.
هغه زیاته کړې: زه فکر کوم، چې نن لوبه ښه ترسره شوه؛ سبا د استراحت ورځ ده او مونږ به د سې شنبې پر ورځ د هالند پر وړاندې لوبه وکړو.
دغه سیالۍ به د دوشنبې پر ورځ دوام وکړي او په ب ګروپ کې به سریلانکا له عربي متحده اماراتو او ایرلند به له عمان سره مخ شي.
په اکتوبر او نومبر میاشتو کې د هند پر کوربتوب د درې اوونیزو غوراوي سیالیو له لس لوبډلو څخه به یوازې دوه هغه یې د نړیوال جام لپاره لوبیږي.
آریانا تلویزیون دغه سیالۍ هره ورځ پر ژوندۍ بڼه له تلویزیون او اوبپاڼې څخه خپروي.
د لوبې د وړاندې کولو پروګرام د کابل پر وخت له غرمې مخکې پر ۱۱:۰۰ بجو پیلېږي او خپله لوبه د کابل پر وخت له غرمې مخکې پر ۱۱:۳۰ بجو پیلېږي.
سیالۍ هممهاله د آریانا تلویزیون په اوبپاڼو کې خپریږي
www.arianatelevision.com/live و www.arianatelevision.com/icc-live
د آریانا تلویزیون د خپرونې د لیدو لپاره/ا دا ځای / کېکاږئ.
لوبی
د هند ۲۰۲۵ غوره لیګ د ۱۸ کلنې زړه راکښونکې بریا جشن نمانځل کیږي
د هند غوره لیګ سږکال په خپل اتلسم پړاو کې دی او پرته له شکه د نړیوال کرکټ په کلني کلیزه کې یو له خورا زړهراکښونکو پېښو څخه ګرځیدلی دی.

سره له دې، چې د هند غوره لیګ (IPL) لوبو پرانیستې ته څلور ورځې پاتې دي؛ آریانا راډیو ټلویزیوني شبکه په افغانستان کې خپلو کرکټ مینهوالو ته له خوښۍ ډک زیری وړاندې کوي، چې یو ځل بیا به دا په زړه پورې سپورتي پېښه د دوی تر کورونو ورسوي.
د هند غوره لیګ سږکال په خپل اتلسم پړاو کې دی او پرته له شکه د نړیوال کرکټ په کلني کلیزه کې یو له خورا زړهراکښونکو پېښو څخه ګرځیدلی دی.
د برانډ فاینانس د ارزونې د راپور له مخې؛ د هند غوره لیګ ځلېدا دومره پراخه ده، چې د برانډ ټولیز ارزښت یې په ۲۰۲۴ کال کې ۱۲ ميلیارډ ډالر اټکل شوی، چې د ۲۰۲۳ کال د ۱۰.۷ میلیارډ ډالرو پر پرتله ۱۳ سلنه زیاتوالی ښیي.
برانډ فاینانس زیاته کړې؛ چینای سوپر کینګز لوبډلې په ۲۰۲۴ کال کې د ۱۲۲ میلیون ډالرو له برانډ ارزښت سره د هند غوره لیګ ترټولو قیمتي فرنچایز په توګه مخکښ دی.
دا ۵۲ سلنه وده په لویه کچه د دوی د پخواني لوبډلمشر ایم ایس ډهوني د تلپاتې میراث دی.
د چینای سوپر کینګز تر څنګ ممبي انډینز دی، چې ارزښت یې ۱۱۹ میلیون ډالر دی او د رائل چلینجرز بنګلور، چې ارزښت یې ۱۱۷ میلیون ډالر دی؛ دریم ځای لري.
کلکته نایټ رایډرز او دفاعي اتلان له ۱۰۹ میلیون ډالرو سره د حیدرآباد سنرایزرز د ۸۵ میلیون ډالرو سره، د راجستان رویالز د ۸۱ میلیون ډالرو سره او د ډیلي کیپیټلز د ۸۰ میلیون ډالرو سره په نورو وروستیو درجو کې دي.
د شنبې پر ورځ به په کلکته کې د پرانیستې لوبه د کلکته نایټ رایډرز او رویال چلینجرز بنګلور تر منځ ترسره شي.
د هند غوره لیګ سیالۍ د مارچ پر دوهویشتمه پیل کیږي او دوه میاشتې به روانې وي.
دا سیالي به د ۲۰۲۵ کال د می پر پېنځهویشتمه پای ته ورسیږي.
په ټول افغانستان کې د کرکټ مینهوال کولی شي د شنبې پر ورځ ( د وري دوهیمه/ د مارچ دوهویشتمه) د ماښام پر ۶:۱۵ له آریانا ټلویزیون څخه وګوري.
د کلکتې نایټ رایډرز او رویال چلینجرز بنګلور ترمنځ لومړۍ لوبه به په همدې ورځ د ماښام پر ۶:۳۰ پیل شي.
د نورو خبرونو او تازه معلوماتو لپاره د آریانا تلویزیون او آریانا نیوز ټولنیزې پاڼې وګورئ.
لوبی
ایرلینډ د مالي ستونزو له کبله له افغانستان سره کرکټ لوبه وځنډوله
ټاکل شوې وه، چې دا لوبې سږکال په ایرلینډ کې ترسره شي.

د ایرلینډ کرکټ بورډ د سېشنبې پر ورځ (د کب یوویشتمه) ویلي؛ د افغانستان پر وړاندې ټاکل شوې لوبلړۍ، چې په کې یوه ټیسټ لوبه، درې ۵۰ اوریزې او درې ۲۰ اوریزې لوبې وې؛ د بودیجې د محدودیتونو له کبله وځنډول شوې.
ټاکل شوې وه، چې دا لوبې سږکال په ایرلینډ کې ترسره شي.
د ایرلینډ کرکټ بورډ اجرائیوي رییس وارن ډیویټرم له نورو لوبډلو سره د سیالیو مهالوېش اعلانولو پر مهال تائید کړه، چې د افغانستان سیالۍ به د مالي ستونزو له کبله ترسره نشي.
هغه ويلي: “دا پرېکړه د بودجې د لنډمهاله ستونزې له کبله رامنځته شوې ده. مونږ باید د کرکټ بورډ له منشور سره سم خپل کار وساتو، چې ټینګار کوي؛ ستراتیژیکو اهدافو ته د رسېدو لپاره پانګونه باید په متوازن ډول ترسره شي.”
د افغانستان کرکټ بورډ تر اوسه پدې اړه څه ندي ویلي.
افغانستان او ایرلینډ، چې دواړه د کرکټ د نړیوالې شورا (ICC) بشپړ غړيتوب لري؛ په ټیسټ لوبو کې دوه ځله سره مخ شوي دي، چې لومړۍ لوبه افغانستان وګټله او دوهیمه هغه د ایرلینډ پر بریا پای ته ورسېده.
په پنځوس اوریزو سیالیو کې دې دوه لوبډلو ۳۲ ځله د یو بل پر وړاندې سیالي کړې، چې افغانستان ۱۸ او ایرلینډ ۱۳ ځله ګټلې دي.
لوبی
فیفا پر پاکستان فوټبال لګېدلي بندیزونه لرې کړل
د راپور له مخې؛ فیفا د فبروري پر شپږمه پر پاکستان فوټبال فډراسیون (PFF) لګېدلي بندیزونه لرې کړل.

د فوټبال نړیوال فډراسیون (فیفا) د اساسنامې له تعدیل او تصویب وروسته پر پاکستان فوټبال فډراسیون لګول شوي بندیزونه لرې کړل.
د راپور له مخې؛ فیفا د فبروري پر شپږمه پر پاکستان فوټبال فډراسیون (PFF) لګېدلي بندیزونه لرې کړل.
د فیفا شورا دفتر په تېره فبرورۍ کې د پاکستان فوټبال فډراسیون او کانګو فوټبال فډراسیون فعالیتونه له مقرراتو څخه د سرغړونو له کبله ځنډولي وه.
پر پاکستان فوټبال فډراسیون لګول شوي بندیزونه؛ د فیفا شورا د اساسنامې د تعدیل شوې نسخې په تصویبولو کې د پاتې راتلو له کبله ول، چې د عادلانه او ډیموکراټیکو ټاکنو ترسره کول او د دې بهیر د یوې برخې په توګه پر فډراسیون د لګول شويو مکلفیتونو پلي کول تضمینوي.
د فیفا په خبرپاڼه کې ویل شوي، چې د پاکستان فوټبال فډراسیون د قوانینو د تعدیل شوې نسخې له تصویب سره د فیفا ټولې غوښتنې پوره کړې دي.
-
تازه خبرونه3 days ago
بلغاریا پېنځه کسان د ۱۸ افغان کډوالو د وژنې پر تور محاکمه کوي
-
تازه خبرونه2 days ago
امریکا دې د افغانستان بانک کنګل شوې شتمني خوشې کړي- اقتصاد وزارت
-
تازه خبرونه3 days ago
د افغانستان بیارغونه د اروپايي ټولنې پر ګټه هم ده ـ د ازبکستان ولسمشر
-
نړۍ5 days ago
جنوبي کوریا، چین او جاپان د سیمهییزې سوداګرۍ پر پراختیا هوکړه وکړه
-
سیمه ییز خبرونه2 days ago
د اټومي انرژۍ په اړه د خبرو ناکامېدا به له ایران سره جګړه شونې کړي – فرانسه
-
د هوا حالاتو بدلونونه3 days ago
د میانمار زلزله ځپلو د ژغورنې لپاره ډېر وخت ندی پاتې – ملګري ملتونه
-
سوداگري1 day ago
په تورخم کې د سکینر د تخنیکي ستونزې له کبله پاکستان ته صادرات ودرول شول
-
تازه خبرونه2 days ago
په افغانستان کې د نړیوال بانک نیمګړې پروژې مخ پر ویجاړېدو دي