سیمه ییز خبرونه
د ننگرهار په اچين كې قومي مشرانو ښوونځي او روغتونونه تړلي
د ننگرهارپه اچين ولسوالۍ کې له تېرو دوه کلونو دعلي شېرخېلو او سه پاى په نوم د دوه قومونو ترمنځ د کهي دښتې د ملکيت پر سرد رامنځته شوې شخړې له لامله يوشمېرښوونځي او روغتيايي مركزونه تړل شوي او د بياروغونې ترڅنگ د ژوند ډېركارونه په ټپه ولاړدي.
د نوموړى دښتې پرسر، ياد دواړه قومونه اوس هم په خپلو مورچو كې يو بل ته ټوپك په لاس ناست دي او وخت ناوخته پر يو بل ډزې كوي، چې له لامله يې تراوسه له دواړو خواوو له ۱۰۰ ډېرو كسانو ته مرگ و ژوبله اوښتې.
د سيمې ځايي اوسيدونكي پردولت نيوكه كوي، چې:
د دغې شخړې د مخنيوي او حل لپاره جدي هڅې نه كوي.
رحمت الله زيارمل د آريانا راډيو- ټلويزيون خبريال په ډاگه كوي، چې:
د سپين غراواچين ولسواليو يوشمېراوسيدونكيو څرگنده كړې، چې د عليشېرخېلو او سه پاى د قومونو ترمنځ د کهي دښتې د ملکيت پرسردوه کلنه شخړه، چې يوشمېردولتي چارواكو او زورواكو د خپلو شخصي موخو لپاره گرمه كړې، له لامله يې د دواړو ولسواليو اړوند يوشمېرښوونځي او روغتايي مركزونه تړل شوي او د بيارغونې ترڅنگ د ژوندانه هرډول چارې ور سره په ټپه ولاړې دي.
دوى وايي:
دمگړۍ د ولسوالۍ مرکزي روغتون، مركزي لېسه، ديني مدرسه او دارالمعلمين د دواړو غاړيو د مرميو د لگېدو له وېرې د زده کوونکيواو ناروغانو پرمخ تړلي دي.
ځايي اوسيدونكي وايي:
ياد شوي ښوونځي له پېنځه زرو ډېرزده كونكي لري، چې ټول يې له ډېرې مودې راهيسې له زده كړې محروم شوي.
دغه خلك پردولت نيوکه كوي، چې د مضراحتياط له لامله يې، د دوه قومونو په خاطر د ولسوالۍ زرگونه خلک او کورنۍ په ستونزو کې اچولي او په دې اړه پرېكنده گام نه پورته كوي.
پر دې سربېره د سمې ځينې نوراستوگن دا هم وايي، چې:
له ډېرې مودې په سيمه كې لويې لارې تړل شوي.
په ولسوالۍ كې د كهي په نوم بازار تړل شوى او د ژوند هر ډول ورځني كارونه په ټپه دريدلي دي.
دوى وايي:
كه د قومونو روانه شخړه ژرختمه نه شي؛ نو دواړوغاړيو ته پر درنده مرگ و ژوبله سربېره به ډېرې كورنۍ له سيمې هم وكوچيږي.
د ننگرهار پوهنې رياست وياند محمدآصف شينوارى مني، چې په ياده ولسوالۍ كې د قومي شخړې له لامله د اچين ولسوالۍ مرکزي لېسه، دارالمعلمين او ديني مدرسه، چې له ٥٠٠٠ ډېر زده کوونکي لري، د زده کوونکيو پرمخ تړل شوي دي.
بلخوا د اچين ولسوال حسن خان عثمانزي وايي، چې:
د عليشيرخېلو او سه پاى قومونو ترمنځ د کهي دښتې د ملکيت پر سردوه کلنې جگړې، رښتيا هم په دې ولسوالۍ کې د بيارغونې او د ژوندانه نورې چارې په ټپه درولي دي.
هغه وايي، چې:
مركزي دولت په دې اړه له پراخې حوصلې کار اخلي؛ خو په وينا يې، دغې اوږدې لانجې ته نور د ځايي ادارې د صبر کاسه ډکه شوې ده.
د يادونې وړده، چې د سه پاى او عليشيرخېلو قومونو ترمنځ راپورته شوې قومي شخړې له دواړو غاړيو په دوه کلونو کې، سلو تنو ته مرگ و ژوبله اړولې او سلگونه دولتي سرتېري يې په سيمه کې بوخت ساتلي، چې تېره ورځ يې ١٥ ورځنى اوربند هم پاى ته ورسيد.
سیمه ییز خبرونه
د حماس مشر له اردوغان سره د خبرو لپاره ترکیې ته ځي
رویټرز راپور ورکړی، چې د فلسطین اسلامي ډلې حماس مشر اسماعیل هنیه به د روانې اوونۍ په پای کې ترکیې ته له ولسمشر طیب اردوغان سره د خبرو لپاره سفر کوي. پداسې حال کې، چې د انقرې لوړپوړي ډیپلوماټ د چارشنبې پر ورځ دوحې ته د سفر په بهیر کې د حماس له مشر سره لیدلي دي.
ترکیه، چې د ناټو غړی هېواد دی؛ په غزه کې د اسرائیلو بریدونه غندي او د سمدستي اوربند غوښتنه یې کړې ده. اردوغان حماس د “آزادۍ غورځنګ” بولي او پر لویدیځ یې نیوکه کړې، چې له اسرائیلو ملاتړ کوي. دغه راز انقرې پر اسرائیلو سوداګریز بندیزونه هم لګولي دي.
اردوغان په پارلمان کې خپلو ګوندي وکیلانو ته ویلي، چې زه به د روانې اوونۍ په پای کې د فلسطین د مشر کوربهتوب وکړم. مونږ به پر یو شمېر مسلو هم خبرې وکړو.
د اکټوبر پر اوومه د غزې په تړانګه کې د اسرائیلو د بریدونو له پیل او له ایران سره د اسرائیلو له روان کړکېچ راپدیخوا به دا ترکیې ته د هنیه لومړنی سفر وي.
اردوغان د سې شنبې پر ورځ ویلي، چې د اسرائیلو لومړی وزیر بنیامین نتنیاهو او نور اسرائیلي مشران یوازې د سیمهییز بحران مسوول دي.
اردوغان دا هم ویلي؛ تر هغې، چې ژوندی وي د فلسطین د مسئلې ملاتړ ته به روان ساتي.
دا په داسې حال کې ده، چې ترکیې ته د حماس د مشر اسماعیل هنیه د سفر د مهالوېش نور جزئیات خپاره شوي ندي.
سیمه ییز خبرونه
سعودي عربستان به په پاکستان کې پر بېلابېلو پروژو پانګونه وکړي
د سعودي عربستان بهرنیو چارو وزیر د سې شنبې پر ورځ ( د وري اتهویشتمه) ویلي، چې هېواد به یې په پاکستان کې پر بېلابېلو پروژو د پام وړ پانګونه وکړي.
د پاکستان بهرنیو چارو وزیر ویلي، چې سعودي پانګوال پر کرنه، کانونو، معلوماتي ټکنالوژۍ او هوايي چلند په اړوند برخو کې پانګونې ته لیواله دي.
له دې مخکې اسلامآباد اعلان کړی و، چې سعودي عربستان په پاکستان کې د ۵ میلیارډ ډالرو پانګونې ته ژمن دی.
د دوشنبې پر ورځ ( د وري اووهویشتمه) د سعودي هېواد بهرنیو چارو وزیر شهزاده فیصل بن فرحان بن عبدالله له پاکستان سره د اقتصادي همکاریو د پیاوړتیا لپاه د یوه پلاوي پر مشرۍ اسلامآباد ته رسېدلی دی.
د پاکستان بهرنیو چارو وزیر اسحاق ډار یوې خبري غونډې ته ویلي، پاکستان د سعودي پلاوي ته د پانګونې لپاره د احتمالي پروژو په اړه بشپړ معلومات ورکړل.
د سعودي بهرنیو چارو وزیر ویلي، چې د پانګونې د احتمالي فرصتونو په اړه د پاکستان حکومت یادونه د ستاینې وړ ده.
هغه وایي: دا مونږ ته اړین باور راکوي، چې پر ارزښتمنو پروژو پانګونه وکړو.
هغه زیاته کړې: زه ډاډه یم، چې مونږ به د پام وړ ګامونه پورته کړو.
د سعودي عربستان لوړ پوړی پلاوی؛ د پاکستان د لومړي وزیر شهباز شریف او د سعودي ولیعهد محمد بن سلمان ترمنځ په مکهمکرمه کې د وروستۍ لیدنې پر مهال د دواړو هېوادونو ترمنځ د اقتصادي همکاریو د پیاوړتیا پر هوکړه لیکونو، د خبرو لپاره راغلی دی.
شهباز شریف تېره اوونۍ له سعودي ولیعهد سره ملاقات کړی و او د پېنځه اربه ډالرو د پانګونې د ګړندي کولو په اړه یې خبرې اترې کړې وې. پاکستان ته پکار ده، چې د بهرنیو اسعارو د کمېدو زیرمې راکمې کړي او بهرني پورونه ورکړي.
د پاکستان د مالیې وزیر محمد اورنګ زیب د پیسو د نړیوال صندوق او نړیوال بانک په پسرلنیو غونډو کې د ګډون لپاره په واشنګټن کې دی او هلته به د پور د نوي پروګرام لپاره رسمي خبرې پیل کړي.
دا لیدنه په داسې حال کې تر سره کیږي، چې پاکستان د پیسو له نړیوال صندوق څخه د څلیریشتمې مالي مرستې د ترلاسه کولو په لټه کې دی.
سیمه ییز خبرونه
په کندهار کې د میانکو بند له اوبو ډک شو
د کندهار ښار د دولسمي حوزې اړوند په میانکو سیمه کې وروستیو بارانونو د میانکو بند له اوبو ډک کړی دی.
د کندهار ولایت مقام رسنیز مرکز زیاته کړې؛ د میانکو اوبو بند څه وخت مخکې د یواینډيپي موسسې پر مالي لګښت جوړ او ګټي اخیستني ته وسپارل شو.
د سرچینې د څرګندونو له مخې، وروستیو بارانونو دا بند له اوبو ډک کړ او هم یې زرګونو کورنیو ته د سیلابي اوبو د ورتلو مخه نیولې ده.
ویل کیږي، چې دغه بند یونیم میلیون متره مکعب اوبه ذخیره کوي او نه یوازې یې د کندهار د شپږو ناحیو ۱۲ زره کورنۍ له سیلابي اوبو څخه ژغورلي، بلکې تر ځمکې لاندي اوبو کچه ورسره لوړه شوې او هم یې هېوادوالو ته د دمې او نندارې ښه زمینه برابره کړې ده.
-
لوبی4 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي4 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
نړۍ3 days ago
امريکا او متحدین یې پر ايران د نورو بنديزونو لګولو هڅې کوي
-
تازه خبرونه4 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
تازه خبرونه4 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ5 days ago
امریکا به پر ایران د اسرائیلو په ځوابي برید کې برخه وانخلي
-
لوبی3 days ago
آریانا ټلویزیون د ۲۰۲۴ پاریس المپیک سیالیو د خپراوي حق ترلاسه کړ
-
سیمه ییز خبرونه3 days ago
سعودي عربستان به په پاکستان کې پر بېلابېلو پروژو پانګونه وکړي