تازه خبرونه
د ملګرو ملتونو کارپوهان په افغانستان کې د ښځو له وضعیته اندښمن شوي
![](https://www.ariananews.af/wp-content/uploads/2022/04/Afghan-woman.jpg)
د ملګرو ملتونو د کارپوهانو یوې ډلې خبرداری ورکړی، چې د افغانستان په اړه د امریکا د تګلارې له کبله په افغانستان کې بشري وضعیت خراب شوی دی.
کارپوهانو څرګنده کړې، چې د د ملګرو ملتونو د امنیت شورا له لوري د بشري مرستو معافیت له افغانستان سره د مالي او سوداګریزو مرستو په برابرولو کې د پام وړ پرمختګ ندی کړی.
دوی ویلي، چې امریکا د افغانستان د میلیاردونو ډالرو له کنګلولو سره د افغان ښځو ستونزې نورې هم زیاتې کړې دي.
د ملګرو ملتونو د کارپوهانو د اعلامیې په یوه برخه کې راغلي: مونږ په افغانستان کې د بشري ناورین په اړه ژوره اندېښنه لرو، چې د دې هېواد له نیمایي څخه د ډېرو خلکو ژوند یې له خطر سره مخ کړی او په افغانستان کې یې د ښځو، نجونو او ماشومانو د ژوند شرایط، عاید، کار او زدکړې تر سیوري لاندې راوستی دی، چې پر ماشومانو د دې بحران اغېزې ډېرې دي.
د ملګرو ملتونو کارپوهانو دا هم ویلي، چې د جنسیت پر بنسټ تاوتریخوالی د افغان ښځو او نجونو لپاره یو اوږدمهاله او جدي ګواښ دی، چې د وچکالۍ او د افغانستان د نویو واکمنانو لخوا د جنسیتي توپیري چلند او د امریکا لخوا د اخیستل شویو ګامونو له کبله نور هم زیات شوی دی.
واشنګټن له هغې وروسته، چې اسلامي امارت واک ته ورسید د افغانستان ۹ میلیارد ډالر پانګه کنګل کړه او ولسمشر د فبرورۍ په میاشت کې یو فرمان صادر کړ، چې د دغې پانګې نیمایي برخه یې له افغانانو سره بشري مرستو او پاتې نوره یې د سپټمبر د یوولسمې د حملو قربانیانو ته د تاوان په توګه په پام کې نیولې ده.
د ملګرو ملتونو د کارپوهانو په اعلامیه کې راغلي، چې دولتونه او په ځانګړې توګه امریکا باید ځان ډاډه کړي، چې په افغانستان کې د دوی وروستي ګامونه له بشري حقونو څخه د سرغړونې لامل شوي ندي.
دغې ډلې دا هم ویلي، چې خپلې اندېښنې یې له واشنګټن سره شریکې کړي؛ خو ځواب یې ندی ترلاسه کړی.
تازه خبرونه
د اسلامي امارت پلاوی جاپان ته روان شو
د جاپاني رسنیو د څرګندونو له مخې؛ دا پلاوی شاوخوا شپږ حکومتي چارواکي لري، چې د ډیپلوماسۍ، روغتیایي پاملرنې، تعلیم، کلتوري ملکیتونو او نورو پالیسیو مسوول دي.
![](https://www.ariananews.af/wp-content/uploads/2025/02/Nazari.jpg)
تمه کېده، چې د افغانستان اسلامي امارت (IEA) د لوړ پوړو چارواکو یو پلاوی د یکشنبې پر ورځ ټوکیو ته ورسیږي. دا واک ته ترلاسه کولو راهیسې جاپان ته د لومړي سفر په توګه دی.
د جاپاني رسنیو د څرګندونو له مخې؛ دا پلاوی شاوخوا شپږ حکومتي چارواکي لري، چې د ډیپلوماسۍ، روغتیایي پاملرنې، تعلیم، کلتوري ملکیتونو او نورو پالیسیو مسوول دي.
دا سفر د تېر کال د ساساکاوا سولې بنسټ د اجرائیوي رییس او په افغانستان کې د ملګرو ملتونو د مرستندویه ماموریت (UNAMA) د پخواني مشر تادامیچي یاماموتو لخوا د بلنې په ځواب کې ترسره کیږي.
راپورونه وايي، چې پلاوی به احتمالاً د نورو بشري مرستو غوښتنه وکړي او ممکن د جاپان او افغانستان ترمنځ د اړیکو په اړه د جاپان له حکومتي چارواکو سره هم خبرې وکړي.
جاپان په افغانستان کې ډیپلوماټیک فعالیتونه روان ساتلي او د ملګرو ملتونو له لارې یې د طبي تاسیساتو ملاتړ کړی دی.
د اقتصاد وزارت مرستیال عبداللطیف نظري وايي، چې نن (یکشنبه د سلواغې اتهویشتمه) د اسلامي امارت د لوړ پوړي پلاوي سره جاپان ته روان شو.
هغه په ایکس پاڼه کې لیکلي: “مونږ د یو پیاوړي، متحد، پرمختللي، سوکاله، پرمختللي افغانستان او د نړیوالې ټولنې د فعال غړيتوب لپاره له نړۍ سره د درناوي وړ تعامل غواړو.”
د یادونې ده، چې نظري د دې سفر په اړه نور جزئیات ندي ورکړي.
تازه خبرونه
د کډوالو چارو وزارت په بلوچستان کې له کورونو څخه د افغان کډوالو شړل وغندل
د کډوالو چارو وزارت په خبرپاڼه کې راغلي، چې د ۱۴۰۳ لمریز لېږدیز کال د سلواغې پر اووهویشتمه پاکستانيو پولیسو د بلوچستان ایالت په کوټه او کچلاک سیمو کې د شپې لخوا د یو شمېر افغان کډوالو پر کورونو چاپه ووهله؛ یو شمېر افغان کډوال یې پر زور له خپلو کورونو وشړل او له ناوړه چلند سره یې مخ کړل.
![](https://www.ariananews.af/wp-content/uploads/2024/03/Afghan-refugees-Pakistan.jpg)
د کډوالو چارو وزارت د یکشنبې د ورځې (د سلواغې اتهویشتمه ) د خپرې شوې خبرپاڼې له مخې؛ دې وزارت د پاکستان په بلوچستان ایالت کې له خپلو کورونو څخه د افغان کډوالو جبري ایستل وغندل.
د کډوالو چارو وزارت په خبرپاڼه کې راغلي، چې د ۱۴۰۳ لمریز لېږدیز کال د سلواغې پر اووهویشتمه پاکستانيو پولیسو د بلوچستان ایالت په کوټه او کچلاک سیمو کې د شپې لخوا د یو شمېر افغان کډوالو پر کورونو چاپه ووهله؛ یو شمېر افغان کډوال یې پر زور له خپلو کورونو وشړل او له ناوړه چلند سره یې مخ کړل.
په خبرپاڼه کې زیاته شوې، چې د پاکستانيو پولیسو لخوا په شړل شویو کسانو کې ۶۵ ماشومان او ۳۰ افغان میرمنې دي، چې د کندهار ولایت د سپین بولدک له سرحدي لارې افغانستان ته راوشړل شول.
د پاکستان حکومت په تېرو دوه کلونو کې پرلهپسې دا ډول هڅې کړې دي، چې د ګاوږنډیتوب له ټولو اصولو او نړیوالو اسلامي قوانینو پر خلاف دي او ذا چاره یې روانه ساتلې ده.
په خبرپاڼه کې ټینګار شوی، چې د کډوالو او راستنېدونکو چارو وزارت دا ډول کړنې غندي او له نړیوالو بنسټونو یې غوښتي، چې په هغه هېواد کې له افغان کډوالو سره خپلې مرستې او همکاري روانه وساتي، چې له عزت سره خپل هېواد ته راستانه شي.
تازه خبرونه
پاکستان د سرحدي قبیلوي ډیپلوماسۍ لپاره افغانستان ته دوه پلاوي لیږي
جیو ټلویزیون راپور ورکړی، چې لومړی پلاوی به د خبرو اترو او ډیپلوماټیکو مسلو د اداره کولو لپاره د مناسب چاپېریال رامنځته کولو دنده ولري.
![](https://www.ariananews.af/wp-content/uploads/2025/02/Pakistani-delegation.jpg)
د خیبر پښتونخوا د وزیر اعلی سلاکار وکیل محمد علي سیف ویلي، چې ولایتي حکومت به د خبرو اترو لپاره دوه پلاوي افغانستان ته واستوي.
جیو ټلویزیون راپور ورکړی، چې لومړی پلاوی به د خبرو اترو او ډیپلوماټیکو مسلو د اداره کولو لپاره د مناسب چاپېریال رامنځته کولو دنده ولري.
وروستۍ برخه به بېلابېل اړخونه ولري او بحث به د اقتصادي اړیکو پر پیاوړتیا راڅرخي.
دا په داسې حال کې ده، چې په پاکستان کې د ترهګریزو بریدونو کچه لوړه شوې او اسلامآباد یې پړه په افغانستان کې پر ډلو اچوي.
د ترهګرۍ مسله د پاکستان لپاره یوه مهمه ستونزه ده؛ له افغانستان څخه یې غوښتي، چې په خپله خاوره کې تحریک طالبان پاکستان (TTP) ته د ورته ډلو لخوا د دې خاورې د کارولو مخه ونیسي.
اسلامي امارت تل د پاکستان دا ادعاوې رد کړي او ویلي یې دي، چې هیڅ فرد یا ډلې ته به اجازه ورنکړي، چې بل هېواد ته ګواښ رامنځته کړي.
جیو ټلویزیون راپور ورکړی، چې د خیبر پښتونخوا امنیتي وضعیت ته پر پاملرنه د کرمې په اړوند سیمه کې د څو میاشتینیو ناکراریو په ګډون د خیبر پښتونخوا اعلی وزیر ګنډاپور د ۲۰۲۴ کال په سپټمبر کې له افغانستان سره د مستقیمو خبرو اترو وړاندیز وکړ، چې په ناکراره سرحدي سیمو کې د تلپاتې سولې لپاره د ترهګرۍ اندېښنو ته لاسرسی رامنځته شي.
اعلی وزیر د روانې میاشتې په پیل کې خپل دریځ بیا تکرار کړ او ویې ویل، چې د خیبر پښتونخوا حکومت به ګاونډ هېواد ته یوه جرګه واستوي.
-
لوبی5 days ago
د افغانستان کرکټ ملي لوبډله سبا (جمعه) له پاکستان سره مخ کیږي
-
نړۍ5 days ago
د امریکا یوه پوځي الوتکه د سانډیاګو په ساحل کې راوغوځېده.
-
تازه خبرونه5 days ago
په کابل کې د کور او ښارجوړونې وزارت مخې ته چاودنه رامنځته شوې
-
تازه خبرونه2 days ago
امریکا او روسیه د اوکراین د جګړې په اړه په سعودي عربستان کې د خبرو پیلول غواړي
-
تازه خبرونه2 days ago
د کډوالو چارو وزارت په بلوچستان کې له کورونو څخه د افغان کډوالو شړل وغندل
-
تازه خبرونه5 days ago
د ملګرو ملتونو امنیت شورا د کندوز ځانمرګی برید وغانده
-
تازه خبرونه2 days ago
پاکستان د سرحدي قبیلوي ډیپلوماسۍ لپاره افغانستان ته دوه پلاوي لیږي
-
سیمه ییز خبرونه2 days ago
د نوي ډیلي د اورګاډي په تمځای کې د ګڼې ګوڼې له کبله ۱۵ کسان مړه شول