تازه خبرونه
د لوګر ناامني، کابل له ګواښونو سره مخ کوي- شنونکي
د امنیتي چارو کارپوه او د افغانستان د حکومت یوه لوړ پوړي پخواني چارواکي ویلي، چې په لوګر ولایت کې د بلواګرو د هڅو ډېروالی ښایي د بهرنیو ځواکونو له وتلو وروسته د کابل محاصرې یو برخه وي.
د افغانستان د شنونکیو څانګې د تازه راپور له مخې؛ لوګر د کابل جنوبي دروازه او یو ستراتیژیک ولایت دی، چې تاوتریخوالی یې د روانې میاشتې په لومړیو کې دې ولایت ته د ولسمشر اشرف غني د سفر پر مهال څرګند شو.
د ولایت په مرکز پل علم کې د ولسمشر اشرف غني د سفر پر مهال او له وینا وروسته اته هاوانونه وویشتل شول.
طالبانو هماغه مهال د لوګر د مرکز په څنډو کې د پولیسو پر یو شمېر پوستو هم بریدونه تر سره کړل.
د دغه راپور له مخې د لوګر له اووه ولسوالیو څخه حکومت یوازې د درې ولسوالیو ځینې برخې په واک کې لري، چې طالبان ته یې پر کابل د ګواښ ترټولو نږدې واټن چمتو کړی دی.
د افغانستان د شنونکیو څانګې په ډاګه کړې، چې د دې ولایت اوسیدونکي د حکومت بېوسي د طالبانو د هڅو علت بولي؛ خو حکومت ویلي، چې د ځایي خلکو نه همکارۍ دا ستونزه رامیځته کړې ده.
لوګر یو ډېر اړین او ستراتیژیک ولایت دی، چې مرکز پل علم د کابل سویلي لوري ته په ۶۰ کیلو مترۍ کې پروت دی او محمد آغه ولسوالۍ یې له کابل ۲۳ کیلومتره واټن لري. حکومت پر مرکز پل علم، خوشي او محمد آغه ولسوالیو بشپړ واک لري.
دا په داسې حال کې ده، چې د افغانستان د شنونکیو انستیتیوت راپور بیا له دې ولایت یو بل انځور نندارې ته وړاندې کوي.
ځایي خلکو دغه بنسټ ته په یوه مرکه کې، ویلي؛ طالبان د ولایت له مرکز څخه څلور کیلومتره لیرې په کلیو کې پراخې هڅې لري، چعملیات هم تر سره کړل.
په بره کي برک، څرخ او خروار ولسوالیو کې حکومت یوازې د دې ولسوالیو پر مرکزونو واک لري.
د سیمې اوسیدونکیو زیاته کړې، چې د خوشي ولسوالۍ نیمه برخه د طالبانو لخوا او پاتې نیمه برخه د حکومت لخوا اداره کیږي. د ازرې ولسوالۍ وضعیت له دې هم خراب دی.
دوه میاشتې مخکې قومي مشران او د حکومت پلویان د ولایت په مرکز کې راټول شوي وه او له وسلوالو یې وغوښتل، چې اوربند وکړي او پر افغان ځواکونو بریدونه ودروي.
د طالبانو د هڅو پراختیا افغان او ائتلافي ځواکونه اړ کړل، چې په ۲۰۱۹ کې د د دغه ولایت یو شمېر سیمې بنبارد کړي.
د څرخ ولسوالۍ یوه قومي مشر د افغانستان شنونکیو ته څرګنده کړې، چې وضعیت داسې دی، چې یو ولسوال له ځواک پرته د ولسوالۍ مرکز ته سفر نشي کولی.
په راپور کې راغلي، چې د دې ولایت په یو شمېر ولسوالیو کې خلک د افغان حکومت په پرتله له طالبانو سره ډېره خواخوږ ښيي.
راپور؛ د افغان ځواکونو او دولت پلوه ځواکونو لکه د سیمه ییزو پولیسو او پاڅونوالو ناوړه چلند، له طالبانو سره د خلکو د خواخوږۍ یو علت بولي.
تازه خبرونه
افغانستان ۱۴۰۲ کال هم له نړیوال مشروعیت پرته تېر کړ
اسلامي امارت په ۱۴۰۲ لمزیز لېږدیز کال کې هم د نړیوال مشروعیت له بحران سره و او ونه توانید، چې په ملګرو ملتونو کې د یوه مشروع حکومت په توګه خپل ځای ترلاسه کړي.
نړیوالې ټولنې د افغان میرمنو او نجونو په وړاندې د چارسمبالي حکومت د چلند او سختو قوانینو له کبله پر اسلامي امارت خپل بندیزونه روان ساتلي او خبرداری یې ورکړی، چې اسلامي امارت د نړیوالې ټولنې د غړي په توګه خپله تګلاره بدله نکړي؛ پر رسمیت به ونهپېژندل شي.
د نړیوال مشروعیت له ستونزو سره – سره په ۱۴۰۲ لمریز لېږدیز کال کې اسلامي امارت له نورو هېوادونو سره په ډیپلوماټیکو اړیکو کې پرمختګ وکړ او چین د لومړي هېواد په توګه په کابل کې خپل رسمي سفیر معرفي کړ او په بیجینګ کې یې د اسلامي امارت رسمي سفیر ومانه.
اسلامي امارت ۱۴۰۲ لمریز لېږدیز کال له لاسته راوړنو ډک بولي او څرګندوي، چې له نورو هېوادونو سره یې د اړیکو د پراخولو په برخه کې پرمختګونه کړي دي.
په دې کال کې له اسلامي امارت سره د افغان سفارتونو تعامل روان وساتل شو او په هالینډ او هسپانیه کې د افغانستان سفارتونو هم د بهرنیو چارو له وزارت سره خپل تعامل اعلان کړ.
د دې کال په اوږدو کې له اسلامي امارت سره همغږې ډیپلوماتیکې ډلې په هند کې د افغانستان سفارت او قونسلګرۍ چارې تر لاسه کړې.
دغه راز د افغانستان لویدیځ ګاونډ ایران په ۱۴۰۲ لمریز لېږدیز کال کې له اسلامي امارت سره د هلمند سیند د اوبو پر سر ناندرې د خبرو له لارې پای ته ورسولې.
پاکستان په افغانستان کې د تحریک طالبان پاکستان د حضور او فعالیت ادعاوې روانې وساتلې او له همدې کبله د کابل او اسلامآباد اړیکې تتې او ترینګلې پاتې شوې. دا اړیکې هغه وخت نورې هم کړکېچنې شوې، چې د پاکستان لنډمهالي حکومت د میلیونونو افغانانو د وهلو، سپکولو او جبرې شړلو پرېکړه وکړه.
سیاسي شنونکي پدې باور دي، چې ګاونډيان او د سیمې هېوادونه ندي توانېدلي، چې له اسلامي امارت سره د تعامل لپاره پر یوې مشخصې تګلارې هوکړه وکړي.
په ۱۴۰۲ لمریز لېږدیز کال کې د اسلامي امارت کابینه چارسمبلې پاتې شوه. په دې کال کې له بهره د افغان سیاستوالو او سیاسي مخالفانو راتګ راتګ هم روان پاتې شو.
اسلامي امارت ۱۴۰۲ لمریز لېږدیز کال له لاسته راوړنو ډک بولي او څرګندوي، چې په دغه کال کې له نورو هېوادونو سره اړیکې پراخې او یو لړ پرمختګونه شوي دي.
د اسلامي امارت ویاند ذبیح الله مجاهد د نړیوال مشروعیت نشتوالی د یو شمېر هغو هېوادونو سلیقوي چلند ګڼي، چې ملګري ملتونه یې په خپل واک کې اخیستي دي.
اسلامي امارت دا مهال په ۳۸ هېوادونو کې فعال ډیپلوماټیک ماموریتونه لري او آذربایجان هم غواړي، چې په کابل کې خپل سفارت پرانیزي.
ولیدل شي، چې په ۱۴۰۳ لمریز لېږدیز کال کې به اسلامي امارت د نړیوال مشروعیت بحران پای ته ورسوي او که نه؟! دا هغه پوښتنه ده، چې وخت به یې ځواب کړي.
تازه خبرونه
په کابل ولایت کې د بیات بنیاد د روژې د مرستو لړۍ روانه ده
د کابل په لویدیځ کې لسګونه بېوزله کورنۍ د بیات بنیاد د روژې له مرستو برخمنې شوې.
د دغه بنسټ مسوولین ويلي، د روژې په مبارکه میاشت کې هم له اړو کسانو سره د دغه بنسټ مرستې روانې دي او له غواړي، چې د اړمنو لاس ونیسي او مرستې هم ورسره ترسره شي.
مرسته ترلاسه کوونکي د بیات بنیاد له مرستې مننه کوي.
په دې مرستو کې خوراکي توکي شامل دي.
دغه راز یو شمېر اړمن کسان، چې د بیات بنیاد له مرستو برخمن شوي خوښ دي او له نورو بنسټونو هم د ورته مرستې غوښتنه کوي.
بیات بنیاد په هېواد کې یو له مهمو خیریه بنسټونو څخه شمېرل کیږي، چې له تېرو ۲۰ کلونو راپدیخوا له بېوزلو او د طبیعي پېښو له قربانیانو سره مرستې کوي او په بېلا بېلو برخو کې ټول ګټې پروژې پلې کوي.
تازه خبرونه
۱۴۰۲ لمریز لېږدیز کال د افغان ښځو او نجونو لپاره یو ستونزمن کال و
۱۴۰۲ لمریز لېږدیز کال په داسې حال کې پای ته رسیږي، چې د نجونو پر زدهکړو لګول شوي محدودیتونه لرې نشول او له شپږم ټولګي څخه پورته د نجونو او میرمنو پرمخ د ښوونځیو او پوهنتونونو دروازې خلاصې نشوې.
۱۴۰۲ لمریز لېږدیز کال د افغان ښځو او نجونو لپاره یو ستونزمن کال و، ځکه په دې کال کې دوی تمه درلوده، چې د ښوونځیو او پوهنتونونو دروازې به د دوی پرمخ پرانستل شي او دوی به خپلو ټولګیو ته ستنې شي؛ خو له یو کال تمې وروسته هم د دوی دا هیله پوره نشوه او اسلامي امارت د دوی لپاره د ښوونځيو او پوهنتونونه دروازې خلاصې نکړې.
د اسلامي امارت چارواکو په وار وار ویلي، چې د نجونو لپاره به د ښوونځیو او پوهنتونونو د پرانستلو طرحه وروستۍ شي؛ خو تر اوسه وروستۍ شوې نده.
په بېلا بېلو ملي او نړیوالو ناستو کې غوښتل شوي: ښځو او نجونو ته دې اجازه ورکړ شي، چې کار او زدهکړو ته ستنې شي؛ خو د اسلامي امارت امر ثاني پخپل حال پاتې دی او په دې اړه بل حکم صادر نشو.
د ملګرو ملتونو او د نړۍ د هېوادونو استازو په ځلونو ټینګار کړی چې ښځو او نجونو ته دې د تعلیم حق ورکړ شي؛ خو اسلامي امارت یې غوښتنې منلې ندي.
د امریکا بهرنیو چارو وزیر انټوني بلینکن ویلي: د ښځو او نجونو له حقونو ملاتړ زمونږ د بهرنۍ تګلارې برخه ده؛ په تېرو درې کلونو کې مو د ټولې نړۍ د ښځو او نجونو د ملاتړ لپاره تګلارې او پروګرامونه وړاندې کړي دي.
د اسلامي امارت ویاند ذبیح الله مجاهد څو څو ځله له رسنیو سره په ګڼو مرکو کې د نجونو لپاره د ښوونځیو او پوهنتونونو د پرانیستلو په اړه خبرې کړي؛ خو دا یې ندي ویلي، چې د نجونو انتظار به کله پای ته رسیږي.
دغه راز پوهنتونونو او کار ته د نجونو او میرمنو پرتګ هم د بندیزونو یو کال کیږي؛ هیلې دادي، چې په نوي تعلیمي کال کې د نجونو او میرمنو د کار او زدهکړو په اړه د اسلامي امارت تګلاره بدلون وکړي او د افغان نجونو لپاره د تړلیو ښوونځیو د زدهګړو د پیل زنګ ووهل شي.
-
لوبی5 days ago
راشدخان د ایرلینډ پروړاندې د ۲۰ آوریزو نړیوالو سیالیو لوبډلمشر شو
-
تازه خبرونه2 days ago
د هند د یوه پوهنتون په لیلیه کې پر لمونځ کوونکیو برید شوی
-
تازه خبرونه1 day ago
په نوي تعلیمي کال کې دې د نجونو ښوونځي او پوهنتونونه پرانیستل شي – حامد کرزی
-
نړۍ2 days ago
د آیسلینډ اورشېندنې یو ځل بیا سرراپورته کړ
-
تازه خبرونه2 days ago
په بدخشان کې د سرو زرو کان د نړېدو له کبله دوه کارګر مړه شوي
-
نړۍ1 day ago
شمالي کوریا یو بالسټیک توغندی وتوغاوه
-
تازه خبرونه5 hours ago
امریکا په افغانستان کې له هوايي بریدونو وروسته له پاکستان څخه د زغم غوښتنه وګړه
-
لوبی7 hours ago
د افغانستان کرکټ ملي لوبډله د ۲۰ اوریز لوبلړ ګټونکې شوه